مقارنة بين مهنة مهندس كمبيوتر والمهن الاخرى

الشغلانه دى مرهقه ومتعبه وبتضيع مجهود جامد وفى الاخر المعارف بتزعل منك علشان انتا اتاخرت عليه فى تنزيا الويندوز له

او غيره

الحمد لله اقنعت المحيطين بى ان قد تركت مجال الكومبيوتر الى الابد

بعض المواقف المحزنه ان واحد يقابلنى مره ويقولى تعالى نزلى 2 ويندوز وكان مقابلنى فى فتره الصباح

قولت له انى لم اتناول فطارى بعد

قالى بس ها تيجى معاى على السريع كده وتخلص ده

ولما قولت له مش ها اقدر مشى ومد بوزه

وهو نفسه اجلسنى عنده مره حوالى 6 ساعات اتصميم موقع شخصى

ومطالبه كتيره جداااااااااا

وللاسف يقوم بالتاليف وله عدد من الكتيبتات

وامثله كتيره

ولله هذا الموضوع موضوع مهم وانا قصتي مثل قصت حزووم

يا اخوان احنا في الاردن اصدرت نقابة الحلاقيين تسعيرة الحد الادنى للحلاقة وصار لازم الحلاق يعلق لوحة الاسعار فانتو قدموا اقتراح لنقابة المهندسين بلكي بسولنا بلايز مكتوب عليها الاسعار :D انا اعتقد ان هذه المشكلة تعتمد بنسبة 70% على شخصية المبرمج والباقي على الزبون يعني يا بيكون محترم يا انتهازي

يبدو ان هذا الموضوع سيكون كالاعترافات الليلية للمخنوقين من الشغل البلوشى

فالكل بيشتكى . فأنا قلت اشمعنى انا برضه :D

فى أحد المواقف الفظيعه بالنسبة لى

واحد جالى المنزل من بلدتى( يعنى انا عارف ان مفيش أتعاب ) وقالى عايز أنزل

ويندوز 98 ويندوز XP وبرامج التشغيل كلها .

والحمد لله قمت بعمل المطلوب كله .

لحد الان انا راضى بالأمر وعامل حسابى ان مفيش فلوس نظرا لكونه قريبى (انا مشمعترض على الفلوس)

لكن اللى يحزن :angry:

قبل ان يمشى من عندى

قالى : بص لى على الموبايل راك Mobile Rack أصل بركب فيه الهارد مبيشتغلش

قلت: مشمشكله . ركبته كويس واطمنت ان كل الوصلات ركبه مظبوط .

قالى: ياريت تختبره علشان يطمئن قلبى :^)

قلت : مـــــاشى (هختبره ازاى ياترى ! )

قلت : اركب الهارد بتاعى

ركبت الهارد بتاعى . وبعدين شغلت الجهاز . وبعدين شمينا ريحة شياط :wacko:

فصلت الهارد بتاعى لقيت IC محروقة :o

لقيته بيقولى بكل برود : ده عمل نفس الحركة أمس وحرق هارد برضه بتاع واحد

ومشى من عندى من غير ما اعاتبه (أصلى اشتريت القرابه ) . ومن يومها مسمعتش حتى تليفون يطمن عليا او حتى على الهارد الحروق . :(

اللى يغيظ الواحد أكتر انى والله سعات بتمر على الواحد أيام بل أسابيع يكون الجهاز بتاعى فى المنزل عايز ينزل له ويندوز أو عايز اعمل له Scan أو حتى أنزل عليه برامج التشغيل بتاعتى ومكنش فاضى انى حتى أبص عليه نظرا لظروف العمل .

فى حين ان سعتها ممكن يجيلى زميل وأقوم بظبط جهازه تمام التمام أو أى تصليح أى مشكلة . أو حتى شرح برامج أو برمجة .

بس الحمد لله تقريبا طالما الواحد بيعمل الموضوع ده ونيته سليمه ربنا بيعوضه خير.

ياهههههههه والخسائر زى ما تقول قو ل

واحد ساب جهازه اسطب عليه وندوز وكانت مروحه البور سبلاى لا تعمل ولا هو يعرف ولا انا

وبعد ما خلصت شغل فى يوم حر

قفلت الجهاز وبعد كده حلف ما عاد يفتح تانى وبقى يدى سفاره الرامات علطول

ووووووووووووووووووووووووووووووو انتو عارفين الباقى

رغم اني لم اتعرض لمثل تلك المواقف في الكمبيوتر بالتحديد لكنها تحدث في الحياة بشكل عام لاسباب كثيرة

1- اعتقاد لدينا بأنه اذا قام احد بتكرار مساعدة لنا فهي تصبح واجبا عليه و حقا لنا .. و اذا امتنع عنها نغضب و نصفه بانه مادي و بخيل و و

2- الشعور بالخجل و الاحراج الذي يدفع الانسان بعد ذلك للتنازل عن حقوقه و التساهل ( و هو ما يؤدي الى النقطة رقم 1 ايضا ) .. رغم انها حقوقه.

فعلى سبيل المثال .. يقوم احد الاصدقاء باستعارة شيء ما منك على ان يعيده بعد يوم مثلا

ثم يؤخره عنده لفترة طويلة و كلما تكلمه "يطيب خاطرك بكلمتين" و يتجاهل الموضوع!! حتى تشعر انت بالخجل من مطالبته بها و كأنه هو مالك الشيء الاصلي!!

3- عدم تقدير الكثيرين لما تقوم بفعله ( سواء كان متعلق بالكمبيوتر او اي شيء اخر ) اذا قمت بانجازه في فترة زمنية قصيرة فيعتقدون انه شيء بسيط .. و يعتادوا ان يغرقوك بالطلبات دون مبالاة بأي مجهود تبذله

4- في كثير من الاحيان نعتمد على كلمة "ربنا يسهل" .. " ان شاء الله مش هنختلف" الخ .. عند الاتفاق على السعر و الدفع .. فلا نقوم بتحديد مبلغ محدد و نتفق على طريقة الدفع .. مع شعور بالخجل و كأنك تطلب منه صدقة او احسان عندما تطالب بنقودك و هو ما يدفع الشخص للتمادي في موقفه

ماهو الحل؟؟

ان نتخلص من الخجل في مثل هذه المواقف و نتخذ مواقف حاسمة

لانك لا تطلب منهم احسان .. انت تطلب حق

اقتباس

مظنش إن في يوم ممكن واحد يجي يقولي ممكن تعملي برنامج Anti-Virus

عادى دا خالى من حوالى سنة ونصف كنت قاعد بذاكر على الجهاز وقالى ماتعمل لى anti-virus أصل الجهاز اللى عندى فى الشغل مليان فيروسات بالهبل

عادى يا جماعة فى أكتر من أن انا بروح لناس جيرانى فى الدور الخامس وما أدرا بطلوع السلم ونزولة علشان أعمل copy-paste من إسطوانة أو حذف حاجة من الهارد

عادى أنا مش متعرض على أى حاجة بس المشكلة أن صاحب الحاجة بيكسل يعرف إزاى أتعملت علشان بعد كدة يقدر هوة يعملها أو إزاى يسطب ويندوز وهكذا من فترة كنت قاعد مع صديقى دة بستطب ويندوذ على جهازة فبقول لة أتعلم الطرق علشان بعد كدة تعمل الموضوع دة لواحدك فرد عليا ببرود وقالى مش لازم كل حاجة مرة واحدة انا مركز حاليا على تعلم الالعاب

أنا إستغربت (مع العلم ان صاحبنا مايعرفش برمجة نهائيا) فقلت لة يعنى بتتعلم إزاى تصمم لعبة طب والله جميل فرد عليا بسرعة مدهشة وقالى لا دا أنا بتعلم ازاى ألعب بس وبعد ما أتعلم أزاى ألعب أبقى أتعلم أى حاجة تانية بعد كدة

أنا مش معترض على خدمة أى حد بس أهم حاجة متعطلنيش أنا و أيضا أن الشخص اللى بعملة الخدمة دى يعرف إزاى أتعملت علشان لما يقع فى تلك المشكلة دى مرة أخرى يقدر يحلها :)

اقتباس

عادى دا خالى من حوالى سنة ونصف كنت قاعد بذاكر على الجهاز وقالى ماتعمل لى anti-virus أصل الجهاز اللى عندى فى الشغل مليان فيروسات بالهبل

ممكن

هي المشكلة الأساسية إن معرفة الناس بالكمبيوتر تعتبر شبه سطحية شوية و ميعرفوش المجهود إللي بينبذل في تصميم البرامج و مبيقدروش الجهد المبذول في أي حاجة لها علاقة بالكمبيوتر لإنهم بيلاقوا كل حاجة جاهزة من الأول زي ماقلت وببلاش

ده حتى في المنتدى هنا ما أكتر الأسئلة من مبرمجين أغلبهم مبتدئين طبعا يطلبوا كود نظام تشغيل أو حاجة مشابهة ما بالك بقه بالمستخدمين العاديين :)

و أنا برضه ما أكتر مبروح لإصحابي كل شوية ويندوز وقع واحد حصله مشكلة في الجهاز و ده عادي بس المهم ذي منتا قولت برضه إنهم يعرفوا يحلوها بعد كده لوحدهم أنا فاكر إن في مثل سمعته تقريبا صيني بيقول "لا تعطه سمكة و لكن علمه كيف يصطادها"

بس المشكلة إن بعض الناس مبتكونش عايزة تتعلم من البداية بتريح دماغها و تقول و أنا أتعب نفسي ليه مادام هو موجود على طول أجيبه يعملي أي حاجة

اخى الحبيب احمد دى قصة بتحصل معايا يوميا وبصراحة انا شايف ان ليها حل من الاثنين :

1- ان الواحد يكون رخم وغلس ويقدر تعبة قبل ما يشتغل فى الجهاز ويطلبة

2- او تطنش الناس اللى مش بتقدر وفاكرة ان الموضوع دة بيتعمل وييجى بالفتاكة مش بالكورسات والمصاريف والتعب

وبصراحة انا مش عارف اطبق ولا حل من الاتنين فى شغلى فياريت يا احمد تشوف حل بردة وتقولى :s

والله

ياجماعه أنا بأعاني من نفس المشكله

ومش عارف

أعمل إيه

لكن المشكله في عملية الإعلام عن دور مهندس أو تقني أو خبير الحاسب بالطريقه الملائمة وإعطاء هذه الطبقة المكافحه والمتحدية ماتستحقة من الدعم النفسي والإجتماعي والمادي حتى تنمو الأفكار وتزداد دا مجرد رأي رغم إني عارف إننا كلنا في مركب واحد ولازم نشترك في حل مشاكلنا بطريقه هندسية تلائم التفكير والمستوى العلمي .

ســـــــــــلام....

وانا نفس المشكلة الله يفرجها

انا من جهتي شايف فتح محل للعروسات اربح بالف مرة

لاني المرء عليه التزامات مادية بتكوين نفسه

او هال الامر مابيتحقق الا بمعجزة في مجال البرمجة بسوريا

او ضلت البرمجة هوااية او معشوقة عندي او لهيك بعرض خدماتي مجانا لمن ارادها

عملو متلي بترتاااحوووو صدقوووني

لاني نحن العرب كل شي ممكن انساويه الى اني نطور

نظرة ماساوية اليس كذالك

اعتذر هو مجرد راي

وشكرا