منحة مجانية لدراسة البرمجة وقواعد البيانات وتصميم

السلام عليكم ورحمه الله وبركاته

اولا انا قريت الموضوع دا دلوقت وانا عارف انه قديم بس حبيت اقول رايى فيه بالكامل للتوضيح للجميل ومش غرور منى ولكن لانى فى الشركه دى من سنه 2004

وهذه تجربتى

اولا انا دخلت الشركه دى من زمان اول ما بدا المشروع

ونفس كلام صاحب الموضوع

70 جنيه و12 شهر والاسطوانات والورق

فى البدايه حقيقى بجد كان الموضوع جميل جدا جدا كلمه حق امام الله

يعنى ممكن تقول للمستوى تقريبا الخامس او الرابع على ما اتذكر

كان فى مهندس بيشرح مع عدم ذكر اسمه ولكن بجد كان مستواه عالى جدا

بس كانت الميزة ان فيه تفاعل بينا وبين المهندس المحاضر

يعنى كنا بنخليه يقولنا حاجات حتى لو كانت خارج المنهج لانه شايف مستوانا كويس جدا وكنا اعلى مجموعه ساعتها

وفعلا زى ما الاخ تفضل وقال ان فيه فروق فى مستويات الطليه هناك

دا حقيقى بجد

يعنى انا من اول يوم لانى كنت اعرف برمجه وانا اساسا شغال صيانه وشبكات

كان فى ناس بالعافيه تعرف تشغل اغانى وساعات كانت بتعطلنا

وبدات الشركه تبقى وحشه من اول ما حصل اول مشكله فى الشركه مع الطلبه وهى كانت مشكله دورة الاوراكل وقالوا انتوا متطورين مش ادمن ومش هتاخدوها كامله وكلام زى كده

وبعدها بدات الاسطوانات تبقى مافيش

وبالعافيه ممكن تاخد الاسطوانه بتاعه المحاضرة ولكن بدون صوت

من ساعتها وبدا الموضوع يبقى تجارى ومادى بحت فعلا

لكن انا استفدت جدا وحقيقى عملت شغل كتييييييير بس لان حظى انى بدات فى الاول

وكان معانا مهندس ساعتها

وبعدها عملت تاجيل لظروف مرض

وكل شوية باجل لظروف معينه

وكنت باجل علشان استفيد من التحديث فى المهنج الجديد

المنهج الجديد احدث واقوى بس فيه عيب هو ان الطلبه بتاخد حاجات جاهزة تستعملها زى موضوع الحمايه مثلا

لكن ايامنا كنا بنعمل كل حاجة بايدنا من الالف

وحاليا النظام بقى اسطوانات بتشتغل عن طريق التفعيل بواسطه النت كنوع من الحمايه

وبكده بقت ماديه مليووووووووووووووووووووون فى الميه

ومافيش حد يعرف يفتح الدروس غير بيوزرنيم وباسوورد

وبقى حقيقى مش تمام

ودا مش رايى لوحدى دا راى اللى فى الشركه كمان بس طبعا ساكتين

وعلشان ندى كل واحد حقه

بجد يعنى دكتور عمرو موسى المسؤول عن الشركه حقيقى مستواه وفكره عالى جدا واستفدنا منه جدا جدا

بس حاليا النظام مش هينفع حد داخل يتعلم ويحط امل قوى يعنى

وكمان كثره اعطال اسطوانات الفيديو بتعمل احباط للطلبه

وانا حاليا قربت اخلص ومش هعطل نفسى تانى علشان استفيد بالتحديث لان التحديث بقى مادى للشركه مش معلومات وخبره ليا

اسف على الاستطراد بس حبيت اقول الموضوع بالكامل بسبب علاقتى القديمه فى الشركه

وزى ما قولنا انها حاليا وحشه لازم نقول انها كانت كويسه والواحد استفاد كتير (((ايام وعدت)))) ..... وشكرا للجميع

السلام عليكم ورحمة الله وبركاته

أنا انهيت هذا الكورس قبل ذلك وهو لا يطلق عليه منحة لأنه ليس مجاناً بل تدفع مبلغ شهرى + ثمن إسطوانات + ثمن ورق + ثمن استخراج شهادات الخبرة والإفادات وجميع الشهادات التى ستأخذها

المميزات :

1- تدرس كم جيد بسعر متوسط

2- يوجد محاضرات خاصة بدرجة مقبول

3- يوجد عمل مشاريع وتقييمها بدرجة مقبول

العيوب :

1- لا تدرس كل ما يعلنون عنه

2- لا تدرس المحتوى الأساسى بالكامل لأى لغة

3- إذا قررت الاهتمام وقمت بعمل مشاريع كثيرة وتطبيق كل ما تأخذه وطلبت محاضرات خاصة لحل المشاكل تبدأ المعاملة تتغير وترى الوجه الآخر !

4- استخراج الشهادات والإفادات تأخذ وقت ضخم جداً لتسلمها بعكس ما يخبرونك به فالإفادة التى هى مجرد تفيد باللغات التى درستها وعليها ختم الشركة يخبروك أنك تستلمها فى اسبوع ثم تستلمها فى شهر وشهادة الخبرة يخروك أنك تستلمها فى شهر ثم تستلمها فى أربعة أشهر !

5- الإسطوانات التى تأخذها لكى تقوم بتشغيلها يجب أن تتصل بالإنترنت فى كل مرة تشغلها لكى يتأكد أنك أنت الذى تشغلها وليس شخص آخر وهى تعمل على جهاز واحد فقط وأيضاً بعدما تنهى الكورس كله لا تعمل هذه الإسطوانات لأنك اصبحت غير مسجل عندهم وبالتالى تصبح هذه الإسطوانات بلا قيمة لديك

6- إخلاف الوعود والإتفاقات عندهم شىء عادى وطبيعى

بصفة عامة لا أنصحك بهذه الشركة بخلاف كل ذلك سوء الأخلاق والمعاملة والله يشهد

يا شباب انا عندى اسطوانات ال agc الجديدة اول 7 مستويات و اول مستويين من ال MCTS

حد يعرف يفك الشفرة

انا ممكن ارفعهم