منحة مجانية لدراسة البرمجة وقواعد البيانات وتصميم

بسم الله الرحمن الرحيم

وأيضـــــا

فرع طنطا

ش البحر-دلتا سيتى مول-الدور السابع-البنية الرقمية

----- لو سمحت محدش ينسى طنطا تانى-----

أنا مشترك فيها

وبصراحة

المستوى

فـــــــوق الممتاز

.........................والسلام ختام

السلام عليكم

بصراحة ومن غير زعل المنحة دي كدبه كبيرة

المنحة عبره عن الاتي

اولا انا روحت قدمت واعطلعت علي الموضوع ودخلت كمان الtest وعملت كمان السمينلر

شوف ياسيدي

انا اول ما روحت قالي هات عشرة جنية علي شان التقديم ونعطيك 2 cd علي شان تذكر فيهم لو انت مبتداء ولو انت متوسط الخبرة ممكن تعمل test او اختبار تحديد مستوي

انا والله قوالت طيب خليني ابداء من الاول وعلي راي المثل ابو بلاش كثر منه ماشي ياعم

لم روحت عملت ال test

لقيت الامتحان بتاع ال test زي امتحان بالعربي وعمل ذي الامتحانات بتاعت اول ابتدائي يعني ذي الاجابة علي ورقة الاسئلة

ونجحت وحددت ميعاد السمنلر الي اتعرف فيه علي ظروف المنحة كله ظروف الدرسة وكيفية العمل والمطلوب مني

شوف الي انا سمعت ايه

بعملو تقسيم حاولي 3 مجميع

اولا 1 و 2 مينفعوش خلاص

3

1- المحاضرات حصة في الاسبوع + 2 سي دي تعليم فيه الي اتقال في الممحاضرة الاثنين قوال هم 5 جنية + بعض الورق

يعني 4 حصص في الشهر + 20 اسطوانه + بعض الورق كل ده

اتدفع 70 عن الشهر + 20 اسطوانات + 10 الورق يعني 100 في الشهر

علي 12 شهر

تقدر تقوالي فين المجانية

وبلاش اكمالك

اعمل زي وضحي بالعشرة جنية وبقوتك وشوف

ولم تتأكل من الكلام قوالي انا في انتظارك

بس مفيش مؤسسة حتعلمك بالمستوي ده بالمبلغ ده يا راجل ده من ضمن الأشياء انك بتدرس ال SQL كلها من طأطأ لسلام عليكم data definition language + data manipulation language

ده غير الحاجات التانية و بعدين يعني انت عاوز المحاضرين يشرحوا ببلاش و لا ايه، هيا بالنسبة للخيارات الأخري خبيرا كونها تجعلك مبرمج خبير هذا غير الشهادات القيمة التي تحصل عليها و من ضمنها MCSD.NET و القرار قرارك في النهاية اعمل استخارة و ربنا يكرمك

و الله .................. احنا نجرب و نشوف

و في فرع طنطا علشان ما نزعلش د.محمود

يعنى انا بكلم عن تجربتى مع شركة مثل هذة الشركات و(الذكى يفهم)

أولا الشركة متخصصة فى اية ؟؟

بص يا سيدى بسم الله ما شاء الله

لغات برمجة بجميعها وتصميم برامج وأيضا برمجة الشبكات وصيانة الشبكات وتصميم الشكبات سواء كانت بين جهازين ف مكتب

أو أكثر وف أكثر من مكان و دعم واتخاذ القرارات وايضا تدعم حلول المشاكل وأيضا تصميم الويب وما فية بكل حاجة وأيضا

تصميم قواعد البيانات بجميع لغات تصميمها وعمل حماية لها وايضا عمل أمان لشبكة ما

وأيضا عمل update للبرامج المعمولة من قبل اى شركة وايضا صسانة اجهزة وبيع وأيضا محللييين نظم

وكل دة ف كل مجال تجد الخبراااااااااء!!

ما شاء الله يعنى كل دة لوجيت تحلل

هتلاقى هذة الشركة العملاقة مجمعة بجميع مجالات الشركات الكبرى زى صن ومايكروسوفت واى بى ام و ماكينتوش وشركة أوراكل وأيضا شركات الدعم وأتخاذ القرار وأيضا خبراء محللين نظم

جمعت جميع التخصصات دا لو مبرمجين مايكروسوفت سمعت بتلك الشركة دا بيل جيتس يقفل شركتة ويروح يشتغل ف هذة الشركة !!

دا انا متعقد من كل هذة الامكانيات ومع ذلك فى سؤال يراودنى لية الشركة دى ماتنافس الشركات الكبيرة وتكتسحها من طريقعها؟؟؟

يعنى انا هقولك على نصيحة وياريت تتقبلها منى بصدر رحب

انت مش هتستفيد بأى شيى من هذا الكورس (هذا ليس أحباط ولكن عن تجربتى الشخصية)

فكرة العمل ف هذة الشركة ( عن الشركة اللى انا رحتها وكنت منبهر بيها سابقا والذكى يفهم)

ماشى بنظام( البيزناس ) وأكيد انتو عارفينة ودة حرام شرعا

طب هتقولى وانا مالى بكلام دة انا ريح اتعلم وخلاص؟؟ تمام

بص ياسيدى دى ياجماعة مقترحات الcources اللى من المفترض ان يدرس كما يقول صاحب الشركة

قواعد بيانت (جميل جدا )طب بأية ؟؟

عندك بالacess

عندك sql, mysql

عندك بالoracle

وتعليم أزاى تعمل أشكال أى سيمز للفورم وأيضا أزاى تنشأ مواقع وازاى تتتحكم ف الشبكة وتعمل administration

وازاى تمنع الhacking على الشبكة وازاى تعمل برنامج يقوم الجهاز اى فى وقت محدد الجهاز يتأد من نفسة

وازاى تحترف جميع قواعد البيانات السابقة

وازاى تعمل security لdata base by oracle

ازاى تفك أى قاعدة بيانات معمولة بالoracle اللى (هى اقوى قاعدة بيانات ف العالم )

وازاى تعمل DB على الشبكة ويكون لكل عامل على هذة الDB يكون لة limit محدد

وازاى تنشأ مواقع بجميع لغات الموجودة والتى تدعم تصميم المواقع

وازاى ترفع DB بحيث يتم عمل access لها عن طريق صفحة الويب

كل دة فى فترة ستة شهور وأقل!!!!!!

ياجماعة انا عاوز عضو من الاعضاء يتكرم بأقناعى بكل دة ازاى يتم تحصيلة فى هذة الفترة

وماتنساش ان انت والراجل بيشرح ممكن يبقى معاك ناس لا تعرف تفتح الجهاز(أوعو تفتكروا ان انا بعيب عليهم لا والله ما بعيب ع حد)

ومعاك فى نفس الكورس بمعنى انة لما يشرح لازم ينزل لمستوى البسيط حتىيفهم الناس اللى معاك وانت معاهم أيضا ولما تطلب

بعمل امتحان تحديد مستوى لكى يضع كل شخص ف كانة الصحيح لا البسيط مع المتقدم ولا العكس تلاقى الاجابة ربنا يسهل هنعمل كدة

وف الاخر ماتلاقيش اى حاجة

أزاى تعرف متغير فى ثلاث فترات متواصلة (دة مش حرام ولا اية)

مش لازم يبقى فى مستويات للناس اللى داخلة تتعلم ولا انا داخل اسمع كلام انا عارفة وفى غنا عن سماعة

انا كنت ف الكورس دة مضى ثلاث أربع الوقت و أكرر ثلاث أربع الوقت وكنا يا دوب بنعمل أزاى تربط الVB بالacess

بواسطة الDATA GRID

طب فين باقى الشغل اللى انت قلت علية فى البداية (الله أعلم أختفى)

وتسأل طب فين ياعم الoralce ؟؟ لا تجد اى جوااااااااب

وعندما تسأل سؤال advanced عن الموضوع يقول لك المرة القادمة هتأخذ هذا الكلام والسؤال بتاعك هيوضح

تيجى المرة القادمة لا تجد اى شيى

وأيضا بيقولوا لكل شخص مشترك ف هذة الدورة خلى بالكم واحد جيجا ع النت

وأكرر واحد جيجا ع النت واما طالبنا منهم هذا كما يقولون لا تجد اى شيى

فهل هذا حرااااااااااام ام حلال

علما بأن مع بداية كل شهر بتدفع سبعون جنيهة وألا هتروح (يعنى بالسلامة)

يا جماعة نصيحة منى أى حد قبل ما يأخذ اى دورات لازم يبحث الاول عن اسم الشركة ف السوق ومدى معاملتها لعملائها

ومدى صدقها

وما تفرحش بأن الشركة ما عندها توكيل من عند مايكروسوفت يبقى الشركة دى جباارة

لا دا كل الحكاية معاها فلوس خلاص ادفع ويجيلك التوكيل

وأرجو الاهتمام من الاعضاء

عرفتم سبب عدم تقدم هذة الشركات

وأأسف لو كنت طولت عليكم

والسلام خير الختام

بسم الله الرحمن الرحيم

اريد ان ابدي رئي في هذه المشاركة

انا جربت نظامهم ودخلتها لمدة 3شهور

ولكن عن تجربة شخصية لاتفيد الا المبتدئ بعد استنذاف امواله

وعملين منتدى على موقعهم ولكل الاسف انه بيسرق موضوعات

من arabteam2000 والمنتديات الاخرى والطلبة مفكرين انه

من عند الشركة .

وحتى المفروض الاعلان ده ميدخلش منتدانا علشان لوفيهم واحد حتى

عنده خبرة من فريق التدريس ليه مفدش منتدانا بالرغم من سرقتهم مواضيع من عندنا

وهي ليست بمنحة ولكن ضحكة على المبتدئين والامتحان والسمينار كله في التراوة

بس هما بيعرفوا يكلموا كويس بس.

افضل طريقة للتعلم من نظري

الكتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتببببب

فالكتب امهات العلماء

(h) (h) (h) (h) (h) (h) (h)

أخواني الأعزاء سلام الله عليكم ورحمته وبركاته

يبدو أن الأراء تضاربت حول هذا الموضوع

أنا عن نفسي لست من المؤيدين أو المعارضين ولكني سأقوم بتجربة هذه المنحة بنفسي وسأقوم بوضع تقييم شخصي علي الرغم من أقتناعي ببعض أراء الأعضاء حول التشكيك في أمكانية تدريس كل اللغات المعلن عنها وخصوصا أن المنحة لا تشترط أن تكون أكاديمي أي لا يتطلب وجود خبرة في الحاسب وهذا شبه مستحيل ولكن الشىء المطمئن أن ITI يدرس منحة شبيهة لها ولا يتطلب خبرة في الحاسب ولكن يتطلب أن تنجح في الأمتحانات الأمتحانات التي يقدمها ITI وهي صعبة جدا وأن تجتاز المقابلة الشخصية وأن تحصل علي TOEFL SCORE 500 وهو الأمر الأكثر صعوبة

مع العلم أن الدراسة يوميا لمدة 9 ساعات علي مدي 9 شهور

إذا طبقنا زمن الدراسة في هذه المنحة قد يكون وارد أن يتم تدريس المواد المعلن عنها أما إذا كان التدريس مرة واحدة في الأسبوع كما قال أحد الأعضاء إذن فهي خدعة أو كذبة كبيرة فعلا

علي العموم أنا لا أعرف التفاصيل أنا عندي سمينار غدا بأذن الله وسأنقل لكم ما سمعت بأمانة وفي حياد ولكم الحكم

Nothing for FREE

السلام عليكم

اما عن ITI فدخلوها في غاية الصعوبة بالنسبة لي ولني مقتنع انها فعلا مفيدها

وده لم بتشوف طريق التدريسس او بتسمع بالمواد الي انت اتدخلها

مش AGC الي بيقواللك انديك كل لغات البرمجة طيب اذي هي نقصه تشتي

انما في ITI في هدف محدد ليك ولهمم

بالنسبة لك انت بتختار التخصص وانت داخل يعني حاجة محترمه

ولم بتكو نالدرسه 9 شهور كل يوم 9 ساعات

داه انت تتعلم الكوفت يابه :lol: :lol:

مش لغات البرمجة بس

ولا ايييييييييييييييييييييه

www.iti.gov.eg

إعلان نتيجة السمينار :lol:

في المشاركة السابقة أخبرتكم أنني سأحضر السمينار وأنقل لكم ما سمعت ولكم الحكم

مواصفات المنحة بالترتيب

1- المواد الدراسية كما ذكرتها في أول مشاركة بالتفصيل

2- عدد مرات الحضور في الأسبوع مرة واحدة فقط

3- عدد الساعات الدراسية في الأسبوع ساعتين فقط

4-المصروفات الشهرية 70 جنيه

5-عدد المستويات 12 مستوي

6- مدة الدراسة عام كامل

وإليكم التفاصيل

1- يقوم الدارس بحضور محاضرة مرة واحدة في الأسبوع زمن هذه المحاضرة ساعتين

2- في هذه المحاضرة يتم شرح الموضوعات بشكل نظري دون أستخدام أي لغة برمجة عمليا

3- بعد المحاضرة يقوم الدارس بشراء عدد 2 CD تحتوي علي الشرح العملي للغة البرمجة التي سوف تستخدم

4- في حالة وجود أي جزء في الأسطوانات يصعب علي الدارس فهمه يسمح للدارس بطلب محاضرة خاصة مجانا يتم فيها شرح الأجزاء التي يصعب علي الدارس فهمها

5- يقوم الدارس بتقديم مشروع كل أسبوع حول الجزء الذي تم دراسته خلال هذا الأسبوع

الخلاصة

رأي الشخصي أن الموضوع يستحق التجربة فالفكرة عبارة عن تقديم الشرح عن طريق الأسطوانات بدلا من الكتب ولكن الفرق أنك بينما تقرأ الكتاب إذا صادفت جزء يصعب عليك فهمه لن تجد من يساعدك ولكن هنا ستجد من يشرح لك الأجزاء التي قد يصعب عليك فهمها

الأمر الثاني أنك قد تتكاسل في قراءة كتاب يتعلق بموضوع معين ولكن هنا لن تستطيع التكاسل لأنك تعلم أن لديك مشروع يجب تسليمه في نهاية الأسبوع

الأمر الثالث وهو الأكثر أهمية كيف يمكن شرح هذه اللغات لشخص غير أكاديمي وهو ما ذكرته من قبل أنه مستحيل وأصر علي رأيي ولكن تم حل هذه المشكلة حيث أن الشرح يقد لك عن طريق أسطوانة ولن تجد من يقطع الشرح ليسئل لماذا فعلنا هذا أو تلك تلك الأسئلة التي تهدر الوقت ولو كان مئات الساعات

وأيضا شرح الأجزاء التي يصعب عليك فهمها يقدم لك لوحدك كدرس خصوصي أما بخصوص المصروفات الشهرية

أعتقد أنها لا تمثل الكثير إذا كنت ستحصل علي شرح للغات التي ذكرتها من قبل وأريد أن أذكركم أن الحصول علي كورس في مادة واحدة مما سبق يتكلف ألاف مؤلفة وإذا درست لغة لن تدرس الأخري وستعتمد علي الكتب ولكن السؤال ماذا إذا صادفت جزء يصعب عليك فهمه؟؟

بالأضافة إلي حصولك علي شهادة خبرة لمدة عام كمبرمج

رأيي كما ذكرت أن الأمر يستحق التجربة حتي لا نرجع نادمين

ألهم بلغت ألهم فاشهد

اقتباس

إعلان نتيجة السمينار laugh.gif

في المشاركة السابقة أخبرتكم أنني سأحضر السمينار وأنقل لكم ما سمعت ولكم الحكم

مواصفات المنحة بالترتيب

1- المواد الدراسية كما ذكرتها في أول مشاركة بالتفصيل

2- عدد مرات الحضور في الأسبوع مرة واحدة فقط

3- عدد الساعات الدراسية في الأسبوع ساعتين فقط

4-المصروفات الشهرية 70 جنيه

5-عدد المستويات 12 مستوي

6- مدة الدراسة عام كامل

وإليكم التفاصيل

1- يقوم الدارس بحضور محاضرة مرة واحدة في الأسبوع زمن هذه المحاضرة ساعتين

2- في هذه المحاضرة يتم شرح الموضوعات بشكل نظري دون أستخدام أي لغة برمجة عمليا

3- بعد المحاضرة يقوم الدارس بشراء عدد 2 CD تحتوي علي الشرح العملي للغة البرمجة التي سوف تستخدم

4- في حالة وجود أي جزء في الأسطوانات يصعب علي الدارس فهمه يسمح للدارس بطلب محاضرة خاصة مجانا يتم فيها شرح الأجزاء التي يصعب علي الدارس فهمها

5- يقوم الدارس بتقديم مشروع كل أسبوع حول الجزء الذي تم دراسته خلال هذا الأسبوع

أولا واضح من كلامك ان انت أول مرة تحضر سيمنار لشركة من الشركات التى تقدم كورسات أو برامج تعليمية مدفوعة الثمن فهذه الشركات يا عزيزى فى كثير من الأحيان لا يهمها الا المال

وأتمنى أن تكون مدركا لهذه النقطة .

والقصة بصراحة منذ أكثر من عام تقريبا حدثنى أحد الأصدقاء أن هناك منحة مجانية لدراسة البرمجة قلت فى نفسى يارب أكون واحد من اللى حيخدوا ( المنحة ) دى وفعلا حدثنى صديقى انه حضر Seminar وأن المحاضر أبلغهم أن هما حيدرسوا الC++ و C# , Visual Basic و قواعد البيانات و ...................................

كل هذا مقابل مبلغ مالى يقدم شهريا وهناك اربع أو ثلاث مستويات للدفع

المهم أنا لم أنتظر وسارعت بتقديم أوراقى ودخلت الSeminar وحاضر فى هذا السيمنار رجل بشوش يجيد التحدث بلباقة وحدثنا عن وجود برنامج ومنحة مجانية عاملها الحزب الوطنى و دورة من 12 شهر حتتعلم فيها كل لغات البرمجة واسطوانات ومحاسبة أى موظف ضد اى خطأ وموقع مجانى وووووووووووووووو...........................

أنا طلعت من الSeminar وأنا مذهول وأندفعت بسرعة لكى أدفع الفلوس دون تفكير وكان لى عذرى وهو ان ماكانش فيه حد لسة بدأ الا فى level 1 المهم بدأنا الدورة وكانت فى البداية آخر حلاوة : اسطوانات شرح جميلة جدا وورق مفصل ومحاضر جميل وكله تمام

استمريت فى الدورة وأنا لا اسميها منحة كما ذهب البعض فى ذلك ووصلت الى الlevel 4 وبعدها قالوا ان معدش فيه اسطوانات شرح كل شىء حيكون على السبورة وفى الورق وكنا الى هذا الوقت اشترينا 5 اسطوانات ومفيش غيرهم وبصراحة أنا كنت بفهم من الأسوانات فقط وكنت بروح الدرس النظرى فقط لمعرفة المشروع فعلمت بعد ذلك ان العملية بدأت تظهر على حقيقتها .

المهم أجلت الدورة وصديقى اللى كان بدأ أجل حوالى ٣ شهور وعاد تانى وهو حاليا فى level 12 وتعرف يا حبيب قلبى انت وهو ايه اللى خدوه فى ال12 level مكتبة الdao و الado وشوية

sql server مع حبة oracle ولسة لا خادوا .NET ولا .SHED

12 level L× 70 LE = 840 LE

٨٤٠ جنية ده غير المصاريف العادية اللى توصل الضعف فى المنحة المجانية الخيالية

ملحوظة هناك بعض المميزات عن الدورة سأذكرها لاحقا

كما ذكر الإخوة هي ليست مجانية ..

كما أن مستواها سيء جداً ،، وهذا الكلام عن تجربة سابقة ..

أما منحة الـ ITI فهي ممتازة فعلاً ..

السلام عليكم

بصراحة يا حماعة والله من غير كلام كتير الشركة دى عن تجارب شخصية لى ولبعض زملائى فاشلة من جميع المقاييس

ومن الأخر فى الزمن ده اللى عايز يتعلم عنده حل من الاثنين إما أن يقدم فى المنح الخاصة بميكروسوفت أو يتعلم عبر الإنترنت وممكن حل ثالث ألا وهو ان واحد صاحبه يعلمه

ويكونوا أخوة بجد لا تجمع بينهم المصلحة وإنما الحب فى الله .

أحب كل المسلمين جميعا فى الله .

أخوكم المحب mandrak

يا جماعة انا جربت الكورس دة فى فرع طنطا الموضوع تجارى بحت ملهوش اى علاقة بفوائد علمية هيقولولك كلام فى السيمنار وبعد كدة هتلاقى النظام مختلف تمتم وبتدرس حاجات قديمة وببطء رهيب وكمان بشكل نظرى بحت واالعدد كبير جدا جدا فعلا الموضوع دة مفيهوش استفادة نهائيا عن تجربة يعنى افضل لك قلراءة كتب افضل بكثير جدا من هذا الكورس الفاشل وشكرا :angry: :angry: :angry:

بسم الله الرحمن الرحيم

كنت عايز ااول رأى فى الموضوع دة لانى بدرس فى هذة الكورس بقالى حوالى 11 شهر

كل العايز أأولة انى لم بدات الكورسات مكنتش اعرف اى حاجة عن البرمجة اما دلوأتى فانا

بعرف اعمل برامح كاملة باستخدام ال vb6 و access و sqlserver و وطبعا درست ال

SQL دراسة مفصلة وحاليا بدرس ال MySQL & Oracle وبعدة ال vb.net ثم الدخول فى web application

asp \ php ................................

مع العلم ان مدة الكورس اطول من ال 12 شهر

طبعا مش هتلائى اى مكان فى العالم ممكن يدرسلك كل دة بمستوى جيد و بالفلوس الاليلة جدا دى

الكورس دة اكثر من ممتاز

وشكرا.....................

يا شباب انا مقدم تنسيقى على كلية حاسبات ومعلومات ولو قدر الله مجتليش انا مش عارف اعمل ايه فعايز ادبر طريق حياتى لانى مش عنفع غير فى دراسات الكومبيوتر والبرمجة فياريت انصحونى عشان انا خايف اتحطم وياريت حد ياخد بايدى فى موضوع تعلم البرمجة لانى قلقان وخايف...

طيب يا جماعه مين عنده الأسطوانات دى نشتريها منه او نشوف توصلنا ازاى ونشوف الكورس عباره عن ايه

شكرا

السلام عليكم

طبعا احترم رأى كل الاخوة لكن احب اشارك معاكم بكلمة بسيطة وهى

اولا لا تحكم على شىء حتى تراه للنهاية وتراه كاملا مكملا ولا تقول اسئل الشركة سمعتها ايه ولا فيها ولا الكلام دا انا يا جماعة مش بدافع ولا بعارض الشركة لكن بعارضكم انتم لسبب بسيط

اولا انسي انك تعتمد على مصدر واحد وتنام ومستنى يديك المعلومة بالمعلقة ويقولك منحة ولا حتى بتدفع ولو حتى كنت فى كورس من ميكروسوفت اعرف ان حضورك الكورس لوحده مش كفايا

مهما كانت قدرات الكورسبالاخص البرمجة واللغة الانحليزية كمان يظهر فيهم الموضوع ده والسبب انهم مش معتمدين على مجموعة معلومات محدودة يعنى روح خد كورس صيانة او A+

فى مكان كويس او متوسط هتلاقى نفس الكلام تقريبا والى بيحصل بياخدو منهج من ميكروسوفت او كمبتيا يدرسو بيه والمنهج معروف واحد اتنين تلاته خلصت كورسك كدا تمام مش ناقصلك حاجة لو بتذاكر ومجتهد كدا ومتابع على طول هتبقى واحد تمام فى الصيانة اه بس مينفعش نفس الاسلوب ولا فى كورس انجليزي ولا كورس برمجة ولا حتى كورسات التصميم والديزين

طيب هتقول ايه الفرق هقولك ان مفيش معلومات محدودة للمجالات دى

يعنى مش الف به ته .. خلصت ال28 حرف بقيت محترف لا الموضوع مفتوح وبيزيد كل يوم احب اعرفكم بنفسي وتشوفو انتم انا واحد دخلت الكورس فى ايه جي سي

كانت معلوماتى فى البرمجة متوسطة وعن طريق المحاولات الشخصية والبحث على الانترنت

دخلت الكورس دون اعتماد عليه لانى مقتنع تماما ان مفيش حد بيوصل وهو معتمد على غيره حتى ولو كانت شركة كبيرة لكن الكورس بيساعدك انك تنمى من نفسك ومن قدراتك

مهما كان الكورس لو اعطاك كلمة واحدة وقالك انتهت المنحة انت متقولش دا فاشل دون تفكير لا ممكن تاخد الكلمة دى وتبحث بيها لغاية ما تكبر نفسك دا الصح ودا الى يوصلنا الى احنا نوصل لهدفنا

يعنى نصيحة عايز تبقى مبرمج متعتمدش غير على نفسك وعلى عقلك ومجهودك فى البحث انا خلصت كورس الايه جي سي حقيقى مش زى ما اتقال فى السيمنار لكن دا مش مهم الاهم انى خدت معلومات اكبر من الى عندى وبالى عرفتو من الكورس روحت ودورت وبحثت بيه علشان اوصل لمعلومات اعلى وربنا يخليلنا المنتديات والانترنت الى يكتب سؤال او مشكلة يلاقى حلها ودا بفضل ربنا وبفضل ان مفيش حد كامل والكمال لله متتخيلش انك هتروح مايكروسوفت يدرسولك برامجهم معنى كدا انك هتبقى محترف صناعة البرمجيات من غير تعبك ومجهودك وبحثك مش هتوصل لشىء

اما الناس الى شوفتها بتقول وتعيد على الكورس ده وهما لسة مخلصوش ارجوكم التزمو فى الكورس وكملو وانتم هتشوفو بنفسكم انكم هتستفادو اكتر وكمان الاوراكل والسيكوال جميل جدا فى الكورس لكن لااااااااااااااازم الاجتهاد علشان هو دا الى هيوصلك للتطور الدائم فى البرمجة انت المفروض هتفضل تبحث فى البرمجة لغاية ما تموت مدام حددت هدفك ان انت تكون مبرمج كمل بقى الطريق واعرف ان المبرمج هو الى بيبحث

زى الدكتور مش بياخد فى جماعته كل شىء لكن بعد ما يخلص لازم يسافر ويحضر اجتماعات ومناقشات ويبحث علشان يشوف الجديد ويتعلم اكتر ارجوكم اجتهدو اكتر ومتعتمدوش على اى مركز او شركة كلها بتساعد بس مهما زاد قدرتها وشكرا واسف على الاطالة اخوكم محمد هشام

الشرح في المحضرة عبارة عن محضرات فيديو يعني داتا شوة يعني حضرتك لم تخوش المحضرة هتلقي فيلام شغال مش محاضر

السلام عليكم انا بدرس دلوقتى فى AGC وهى طورت فى نظام التدريب وهى مش مجانيه 100%

بس هى مجانيه بالنسبه للغات اللى فيها ومدة الدراسه فيها سنه

نظام فاشل بمعنى الكلمه وليس له هدف ولا يعلم شى

أنا أخدت سنه ضيعوا وقتى فيها منهم لله

شهرين فيجوال على شهر vb.net على شهر أوراكل على شهر c# على شهر asp على شهر sql server وشويه حاجات تانيه أى كلام

والأسم فى الاخر مبرمج والله أغلب اللى طلعوا من هناك ميعرفوش حاجه فى اى حاجه

أنا أخدت دورات فى نيوهورزون وأوراسكوم اليوم الواحد هناك بالدوره دى وما فيها

يا جماعة ويا اخوانى ويامشرفينى الكرام :

1 - إذا أردتم معرفة الحقيقة فاسئلوا واحد اشتغل معاهم ولو Level

2 - انا اشتغلت معاهم لحد Level1

3 - شوف الكلام إزاى بتاعهم :

3أ) غير العشرة جنيه بتاعتك يا اخى بعد كدة كل Level بـ 80 جنيه و 20 جنيه اسطوانات

3ب) اترك موضوع الفلوس على جانب وانظر الجانب العلمى ماذا قال المتكلم فى اول اسطوانة قل بالنص :

اقتباس

فى ناس كتير فاكرين البرمجة صعبة لا البرمجة زى اى مهنة لا عايزة واحد فاهم رياضيات ولا فيزياء ولا اى حاجة زيها زى اى حرفة

طبعا الكلام ده ماينفعش للى بيدور على التخصص والاحتراف العالمى مثل Computer Archeticture و Boolean Algebra و Assembly وOptmization وNumeric Systems الخ... من الحاجات اللى مايدرسهاش غير اتنين يا اما واحد فى كلية متخصصة او واحد مش فى كلية متخصصة بس بيدور على العلم الحقيقى مع نفسه

اما من ناحية ان هيعلموك كل ده فهذا حقيقى هم سيعلموك التعامل مع Visual Basic و Oracl و MS SQL ولكن كبرامج وواجهة وهيختصرو ليك الوقت بس اللى بتاخده مع الواجهات ده عشان تكون سريع فيها وطبعا مع كتابة الاكواد فيهم وهايحولوا يجعلوا عندك خبرة فى كتابة الاكواد بأى وسيلة.....

لكن كمان مش هيعلموك الاسس العلمية لصناعة قاعدة بيانات متكاملة مثلا او كيفية اختصار الكود ليرنامج عشان يكون سريع فى البروسيسور او تختزل المساحة اللى بيحتاجها على الهارد ديسك

يعنى زى ما قالوا فى الاول "حرفة"

ايضا ما يدربوك عليه هو البرامج التجارية بنسبة 90 % زى مابيقولوا ان ماكانش الكورس كله برامج تجارية

كمان مفيش شرح فى الشركة نفسه هو كل Level هيديك 8 اسطوانات مع نفسك شهر تتعلمهم صحيح فى دعم فنى عن ريق النت 24 ساعة وكمان بيقولوا انك ممكن تطلب اى عدد من المرات انك تروح وواحد يشرحلك حاجة انت مش فاهمها لوحدك

وبعد 12 Level يقولك فى 6 Level تانية عشان يدربوك على شهادات Microsoft

يعنى ياجماعة المختصر لو كنت محترف فلن يفيدك بشىء لو كنت مبتدىء هيدربك بسرعة على انك تأخذ خبرة فى التعامل مع مختلف لغات البرمجة من ناحية طريقة الكتابة للاكواد syntax والتعامل مع الواجهات لكن لن يدربوك على الخبرة الحقيقية والعلم الحقيقى بل سيقولون لك ليس له استخدام اليوم مثل Computer Archeticture و Boolean Algebra و Assembly وOptmization وNumeric Systems الخ... كما قلت بالاعلى

وهذا هو الموقع لهم حتى يجكم كل شخص بنفسه :

http://www.agcacademy.com/forum/det1.htm

http://www.agcacademy.com/forum/

اقتباس

السلام عليكم انا بدرس دلوقتى فى AGC وهى طورت فى نظام التدريب وهى مش مجانيه 100%

نظام فاشل

ان لى واحد صاحبى اتعرفت عليه بالصدفة خد كل المستويات وشغال معهم الان فى الشركة

وانا ايضا من سنتين تقريبا كان لى تجربة معهم لكنى حتى لم ادخل المستوى الاول

وواحد صاحبى كمل لكن بردو خد اسبوعين ووقف بسبب انه حاول ياجل ومرضيوش مع ان الشروط انك ممكن تاجل فى اى وقت لكن لا يمكنك الغياب

وسبحان الله تروح تتفرج على فيديو على data show هناك ولا يوجحد شخص يشرحلك

طب احسن اخد الاسطوانات البيت؟؟