السلام عليكم ورحمة الله وبركاته
كيف حالك اخى الحبيب وكل عام وانت بخير ايه اخبارك وصلت لفين ؟؟ لسة ملقتش برنامج مناسب تعمل بيه التقارير والنماذج ؟ الحقيقة انا محتار اقلك ايه بس انت بتتكلم عن اختيارين كل واحد عالم لوحده سواء ماى سيكوال واحتياجته و اوراكل واحتياجته ايضا وخصوصا اوراكل لأن فى اوراكل كل حاجة موجودة ان شاء الله ومش محتاجة اى حاجة خالص حتى نظام التشغيل عامل نظام تشغيل وفى حاجات فى اوراكل انا واثق ان هى مخطرتش فى بالك ولا بالى ولا نسمع عنها حاجة حتى .. لأن فى حاجات وتفاصيل واقسام كتير فى اوراكل الحقيقة مش قاصر الموضوع على قاعدة واستعلامات وتقارير ونماذج مبنية عليها وانتهى الامر لا فى حاجات كتير وامكانيات كتير واختيارات كتير ولسة فى حاجة جديدة من يومين اتعرفت عليها موجودة فى اوراكل هى موجودة قبل كدة طبعا ويمكن مر عليا اسمها لكن دخلت فى التفاصيل لقيته موضوع كبير الحقيقة بعيد عن اللى نعرفه اما ماى سيكوال كانت الاول منافسة لكن دلوقتى بقت جزء من اوراكل والحقيقة ده اسعدنى جدا جدا لأن لما تحب اتنين ويكونوا منافسين لبعض بتبقى زى اللى واقع بينهم ومحتار لكن لما بيبقوا حاجة واحدة او مع بعض بترتاح نفسيا على الاقل المهم نرجع لموضوعنا اما بخصوص الماى سيكوال فهتلاقى حاجات كتير تنفع معاه جافا او asp او php او اكسيس او فيجوال او بايثون وغيرهم وكل دول ينفعوا بردوا مع اوراكل بس اوراكل مش محتاجة فى حد ذاتها حاجة لكن احنا ممكن نستخدم اللى احنا عاوزينه او حسب معرفتنا اما ماى سيكوال فلازم بتختار حاجة من الخارج لأن ماى سيكوال مش عامل حاجة مخصوصة ليها لعمل النماذج والتقاير (ولو فى حد يعرف غير كدة ياريت يصحح لنا المعلومة) يعنى مثلا الاكسيس من اهم مميزاته ان فيه كل حاجة نماذج وتقارير واستعلامات وسهل وسلس ومش بتحتاج حاجة معاه تساعده بس عيبه انه محدود او مينفعش فى كل حاجة او كل الظروف لكن فى اللى يناسبه بيسد وبكفاءة الحقيقة بغض النظر طبعا عن كفاءة المبرمج لأن مش عيب اى لغة او برنامج ان المبرمج معرفش يستفيد بيه وبقدراته صح ويتلافى اى عيوب ممكن تقابله لكن المهم ان اللغة او البرنامج نفسه امكانيته واصلة لحد فين عموما فى انتظار ردك ان شاء الله وتعليقك
ووفقكم الله والجميع لما يحبه ويرضاه
والسلام عليكم ورحمة الله وبركاته
