ربط قاعدة البيانات

السلام عليكم ورحمة الله وبركاته

اخى الكريم ما قصدك بالادوات الكاملة التى يمكن العمل عليها هل قصدك التى من خلالها تصميم القاعدة وبناء وادارتها فيما يخص الماى سيكوال اذا كان قصدك هذا فأرجو توضيح ما قمت بتحميله اولا حتى لا اخوض بك فى برامج وحزم اخرى قد تشتتك اما بالنسبة لطريقة ربط قاعدة البيانات فيكون عن طريق ال odbc هل عندك فكرة عنو ام تحتاج الى توضيح وشرح

فى انتظار ردك والله الموفق والمستعان

والسلام عليكم ورحمة الله وبركاته

يعطيك العافية وما قصرت على تجاوبك معي

بالنسبة من وين حملت النسخة من الرابط

http://www.mysql.com/downloads/mysql/

والشي الاخر الي واتمنى ان يكون واضح لك

انا ابي اعرف بعد ما اسوي قاعدة البيانات كيف تكون على شكل نماذج عشان كذا انا طلبت كيف الربط مع الفجوال بيسك واذا كان فيه حل لعمل النماذج والتقارير بطريقة سهلة ومرتبة لانه من الممكن في المستقبل ان ارفع قاعدة البيانات على الانترنت عشان كذا ابي من البداية ان اكون ماشي في السليم

اتمنى منك كيف اصنع نماذج وتقارير والشي الاخر ياليت اذا جيت تشرح لي يكون مطول اذا ما عليك امر عشان اقدر افهمك اكثر

السلام عليكم ورحمة الله وبركاته

اخى فى الله اسف جدا جدا على التاخير وبالنسبة للرابط السابق فحسنا فعلت بتحميلك ايها فهو افضل ان شاء الله ولكن ينقصك معه تحميل MySQL Workbench وستجد اخر اصدار فى هذا الرابط ان شاء الله

http://www.mysql.com/downloads/workbench/

وهو يستخدم فى ادارة القاعدة والسيرفير الذى قمت بتحميله فى الرابط الاول ولكن بواجهة رسومية وستحتاج فى حالة التعامل مع برامج اخرى مثل الفيجوال او الاكسيس وما شابههم الى MySQL Connector وستجده فى الرابط ده

http://www.mysql.com/downloads/connector/

وفى الغالب ستختار ال Connector/ODBC او حسب احتياجك وستجد فى الراوبط التالية شرح لعملية ربط بين الماى سيكوال والاكسيس وهو مشابه للفيجوال فى الربط

/index.php?showtopic=193535

/index.php?showtopic=231115

ومعلش كنت عاوز اعرف حضرتك عندك خبرة فى لغة ايه علشان اقدر افيدك اكتر وهل عندك استعداد تغير لحاجة غير الفيجوال ولا لأ

وفى انتظار ردك ان شاء الله

ووفقكم الله والجميع لما يحبه ويرضاه

والسلام عليكم ورحمة الله وبركاته

اشكرك من اعماق قلبي لتجاوبك معي وبصراحه هذا المنتدى وجت الاستفادة الكبيرة من التعلم من الاعضاء والمشرفين

وانا يا اخي العزيز

اريد انا اعمل قاعدة بيانات سوى بالماي سكيوال او اوراكل كلها مش فارقة معي المهم في النهاية اني اجد هذا القاعدة على الانترنت ولكن اجد الصعوبة في عمل النماذج فقد اشار الي كثير من الاخوان بان تكون النماذج عن طريق الفيجوال بيسك وناس يقولون خلك على php وناس يقولو asp.net وكذا انا تهت جداً لاني او كنت متعود فقط على النماذج مثل الاكسس او اوراكل لم اقوم بعمل قاعدة تعمل على النت

اتمنى ان ترشدني الى الطريق الصحيح والسهل

واسف على الاطالة اخي العزيز

السلام عليكم ورحمة الله وبركاته

اخى فى الله

بدايتا اقولك متقلقش ان شاء الله هريحك وهتلاقى الاجابة عندى بإذن الله لأنى سبقتك فى الموضوع وبحثت كتير ودرست الموضوع من معظم الجوانب حتى اصل للإجابة الشافية لكن علشان اريحك فعلا فى سوؤال مهم جدا وارجو الا تعتبره تدخل لكن ده لمصلحتك والله علشان اقولك على المفيد صح وهو انت عاوز القاعدة على النت ليه ؟ هل هتستخدم القاعدة لعمل برنامج او نظام لمنشاءة بالكامل ولا علشان موقع ولا علشان ايه؟ ده اهم سؤال الحقيقة بمعنى اخر انت عاوز تعمل ايه بالظبط ؟ برنامج ولا موقع ولا نظام ولا برنامج وموقع ولا ايه ؟ لأن انك تقول عاوز ترفع القاعدة على النت واتصل بيها من مكان تانى ايا كان المستخدم فى الاتصال سواء فيجوال او اكسيس او بى اتش بى او غيرهم فده مفيش اسهل منه ان شاء الله لكن المهم الهدف وعلى فكرة بردوا بتفرق بين نماذج سطح المكتب (دسك توب ابليكيشن) او نماذج الويب (ويب ابليكيشن) وفى حاجات ومعايير تانية مش عاوز ازعجكك بيها حتى لا تتشتت فلكل مقام مقال فحسب الهدف والامكانيات يتم تحديد المناسب باذن الله وربنا يقدم اللى فيه الخير وفى انتظار ردك ان شاء الله

ووفقكم الله والجميع لما يحبه ويرضاه

والسلام عليكم ورحمة الله وبركاته

مشكور وبصراحه كلامك اعطاني دوافع كثيره واهتمام في نواحي ماكنت اعرفها

المهم اخي العزيز بالنسبة ما الهدف من رفع القاعدة على الانترنت اقولك

انا في عملي مسئول عن عددة اقسام ومن ضمنها قسم السجلات ويعتبر الدينمو الاساسي للاقسام اريد ان البرنامج الخاص بهذا القسم يكون على النت وذلك للاستفادة من الاستعلام من اي مكان وطباعة وادخال البيانات عن بعد بمعنى الانترنت ويكون على سيرفر خاص او عند شركة استضافة عملي متنقل من مكان الى مكان واحتاج الى معرفة وجلب بيانات وادخال بيانات فكل هذا لايصلح الا عن طريق الانترنت

اتمنى اني قد وصلت المعلومه لك وانا بنتظار ردك با سرع وقت ممكن

السلام عليكم ورحمة الله وبركاته

الشكر لله اخى الكريم وهذا حقك علينا وربنا يعينا على اداءه وبالنسبة لما تفضلت بتوضيحه فقد فهمت الان ولكن ينقصنى بعض التوضيح والتاكيد على بعض النقاط وهى هل تنقلك من مكان لأخر فى عملك قصدك من بلد لأخرى ولا من مكان لأخر بس فى نفس البلد ولا قصدك ايه ؟ وقاعدة البانات انت عاوزها تكون متاحة ليك فقط كمدير لها على اساس يمكن التعامل معها من اى مكان ولا للجميع ؟ وعلى فكرة مش شرط الانترنت علشان تعمل اللى حضرتك ذكرته فى حلول اخرى وان كانت مكلفة ولكن اذا كان الامر يستدعى والامكانية متاحة فلا بأس عموما وضحلى اكتر لأنى مهتم جدا بالموضوع ده فعلا وباحث فيه كتير بس مش عارف احدد الحدود اللى انت عاوزها قصدى الانترنت لو عاوز ترفع عليه قاعدة وتشركها تعمل كدة فى حالة الفروع المتشرة على حدود دولة او العالم كله ولا تكون كمان الامور مفتوحة ومتاحة فيجب استخدام ال vpn الا اذا كان عامل الامان غير هام او غير ضرورى او مطلوب التعامل مع القاعدة كالتعامل مع موقع نت متاح لاى حد يمكن الدخول عليها من اى مكان كالدخول على الاميل عموما معلش طولت عليك بس وضحلى اللى قولت لحضرتك عليه ومعلش استحملنى بس الموضوع ليه فروع كتير وانا عاوز اوجهك الاتجاه اللى يفيدك صح انا ممكن ارد عليك رد عام بس انا مبحبش النوعية دى من الردود لأنها تكون غير واضحة وربنا يعينا ان شاء الله

ووفقكم الله والجميع لما يحبه ويرضاه

والسلام عليكم ورحمة الله وبركاته

بالنسبة اخي العزيزي للكلام الي يحتاج توضيح كالتالي :

الاول : القاعدة التي اريدها على الانترنت المقصد بها هي تكون نفس القاعدة التي نعمل عليها بالمكتب مثلا قسم السجلات

الثاني : تنقلي من مكان لمكان داخل البلد وبعض المرات يكون خارج الدولة

الثالث: بالنسبة للعمل على القاعدة هي لاتكون متاحة للكل بل للعاملين وكل شخص يحمل باسوورد وكلمة مستخدم وحسب الصلاحيات المتاحة له يعمل عليها (مثلا يدخل بيانات او يستعلم او يحذف كل شخص حسب الصلاحيات المخوله له من قبل المدير )

طبعا الهدف منها هذا كلها انا احتاج وانا خارج العمل سوى بنفس المدينة او خارجها احتاج الى ادخال معلومات جديده وطباعة واستعلام كاني داخل المكتب

واقرب مثال برنامج الفروع او الاتصالات او السوبرماركت او اي برنامج يستعمل من اي مكان

انا لا اريد موقع او منتدى لا فقط اريد نفس البرنامج الي داخل المكتب هو الي استطيع ان اعمل عليه من مكان بعيد فقط

السلام عليكم ورحمة الله وبركاته

اخى فى الله يظهر ان ردى اللى فات مش هو اللى انت كنت عاوزه عموما انا هريحك فى نقطة وهى الحاجة اللى مش هتختلف فى جميع الاحوال والافضل فى جميع الاحوال الا هى قاعدة البيانات ولغة البرمجة الى ستخدم فى عمل الواجهات والنماذج فبما انك بداءت فى الماى سيكوال فكدة احنا خلصنا من موضوع القاعدة يبقى فاضل ايه البرنامج المستخدم مع الواجهة والافضل فى التعامل مع الماى سيكوال هو البى اتش بى فلو عاوز تعمل اللى حضرتك ذكرته يبقى هتحتاج تتعلم الماى سيكوال والبى اتش بى هتقلى فى ناس قلولك ال asp وال ms sql افضل او اوراكل افضل هقلك كل حاجة ليها مميزات وعيوب ونقاط ضعف وقوة لكن انا برشحلك اتجاه معين علشان متتعبش نفسك وخصوصا ان asp وال ms sql او اوراكل مش ببلاش وفيهم كلام كتير واحتياجات معينة فبدل مشرح كل واحد سألتك افضل انت عاوز ايه وعلى فكرة اللى انت عاوزه مشابه جدا للى انا عاوز اوصله بس انا عاوزه على اكبر وبشكل مختلف شوية بس الاختلاف انى الحمد لله عارف طريقى وماشى فيه وربنا يعينا على اتمامه ويهديك ويهدينا للى فيه الاصلح والافضل فمبدئيا ابداء باللى انا قلتلك عليه لأنه هاينفع سواء هتعمل البرنامج على جهاز واحد او حتى على مستوى العالم ومن الناحية البرمجية مش هتفرق فى حاجة زى محضرتك متخيل بل الامر بيكون بسيط ان شاء الله ولو انت عاوز عاوز تستخدم حاجة تانى غيرهم مفيش مشكلة قلى اللى انت عاوزه ايه ونتناقش فيه ولو عاوز اوضحلك اى نقطة او اى حاجة انا فى الخدمة ان شاء الله

ووفقكم الله والجميع لما يحبه ويرضاه

والسلام عليكم ورحمة الله وبركاته

اخ محمد

طبعا الامر بيكون موسع اذا كانت الفكرة قابلة للتطوير مستقبلا

واحب اوضح لك باني انا اريد ان اعمل هذا كله لاجل الاستمرار في تعليم مثل هذه الاشياء يعني هواية ولا يهم صعوبة الامر اذا كان فيه احد زيك يساعدني في فهمت ما انا لم استطع فهمه فهذا دافع لي ولكل من ارد التعلم

ومن الناحية التي تكلمت عنها بالنسبة لرفع البيانات على النت لامانع تكون في البداية داخل البلد ( السعودية ) وفي المستقبل ممكن يحول الموضوع على الطريقة الاخرى التي تحتاج الى بي اتش بي او بي اس اكس

وطبعا في الاول والاخير لان نستغني عن خبرتك في هذا المجال ومساعدتك الا اذا كنت موش راغب في الاستمرار يعني اذا كنت منزعج فلا استطيع ارغامك

وانا سعيد جدا بالاستمرار معك والاستفادة اكثر

السلام عليكم ورحمة الله وبركاته

اخى الحبيب بدايتا انا احب ان اوضح لك انى لا انزعج ابدا من حضرتك او اى حد زيك على العكس انا معايا هنا واحد صحبى بترجاه واتحايل عليه علشان يتعلم ويمشى معايا ومش راضى وسايب نفسه لحياة فارغة واحباط غريب فربنا يهديه ويهدى الشباب كلهم ان شاء الله فتخيل لما الاقى حضرتك او الاقى حد عاوز يعرف ويتعلم هعمل ايه فمتقلقش ابدا من الموضوع ده وان شاء الله انا معاك لحد متقول كفاية وعلى فكرة انا مش خبير ولا حاجة انا يعتبر طالب او باحث فى العلم بس يختلف الامر ان ابتديت قبلك مش اكتر واتمنى من الله ان تكون من النخبة فى المجال وربنا يوفق الجميع ان شاء الله وعاوزك تقولى رايك فى اللى قريته فى المواضيع اللى اديتك الروابط بتاعتها وهل جربت الادوات المساعدة للماى سيكوال اللى ذكرتهالك وانا ان شاء الله لما هدخل تانى هبتدى اوضحلك الامور على قد ما اقدر و واحدة واحدة ان شاء الله بس متنساش تقولى تعليقك علشان منه سأبداء وهل يهمك ما فيه ام تحب تناول الموضوع من جهة اخرى ام نبداء مما قراته فى هذا الموضوع وربنا يقدم اللى فيه الخير بإذن الله

ووفقكم الله والجميع لما يحبه ويرضاه

والسلام عليكم ورحمة الله وبركاته

في البداية

السلام عليكم ورحمة الله وبركاته

طبعا انا كما وضحت لك سابقا في الردود اني متحمس جدا لفهم اي معلومة تفيدني في هذا المجال واما بالنسبة لروابط قمت بانزال المطلوب ولكن استطع فتح mysql-workbench-gpl-5.2.35-win32 تقريبا تعرفت على بعض الادوات مثل اظهار الجداول وبس زي اضافة اعمدة وتعديل في الخصائص ليسى اما بالنسبة لرابط السيرفر قمت بتشغيلة ولكن ما ادري هل انا ماشي في السليم ام لا

يبقى برنامج الربط هذا هو الذي لم استطع التعامل معه يحتاج الى شرح تطبيقي يعني حتتعب معاي في هذا الموضوع بالاخص

واتمنا ان يكون بداية الشرح تكون القاعدة بشكيل سليم وما احتاج في عملها بشكل مناسب والتعرف على اهم الادوات المطلوبة عند البدء في الانشاء والخطوة الثانية طريقة عمل النماذج بدون تحديد لغة انت اتوقع افهم مني في هذا الموضوع وتشوف المناسب لي من ناحية الاسهل والامان طبعا قبل كل شي والخطوة التي تليها هي عملية وضع القيود على الحقول والاعمدة عن طريقة النماذج وعمل التقارير

شكل الموضوع ازداد صعوبة قولي يامحمد انا مثقل عليك او نبدء على بركة الله

السلام عليكم ورحمة الله وبركاته

اخى الحبيب مفيش تتقيل ولا حاجة انت اللى بدعى ربنا انك تستمر وتوصل لأعلى الدرجات لأن مهما انا تعبت مستحيل هيكون زى تعبك وانا لازم اقدر النقطة دى كويس عموما انا كنت عاوز اديك رابط فيه شرح عجبنى وهيوضحلك نقاط كتير مهمة والفيديو ده جزء من دورة كبيرة عن الماى سيكوال وهى موجود حتى الرابط بتاعها فى الموضوع اللى طرح من يومين عن فيديو تعلم الماى سيكوال عموما ده رابط الفيدو اللى كنت عاوز اعطيه ليك

http://vimeo.com/30483124

وده رابط الدورة من اول درس فيها

http://vimeo.com/album/1604254/page:4

وبخصوص الربط انت مقرتهوش فى الموضوع اللى اعطيتك الرابط بتاعه ؟؟؟ لأنه مشروح بالصور وبشكل كويس لو فيه اى مشكلة فيه او عاوز تستفسر عن اى حاجة معينة انا فى الخدمة ومتشغشل بالك انو مطبق بالوامب سيرفير وانت شغال بالماى سيكوال سيرفير لأنها فى الاتصال مش هتفرق انت بس ركز فى نقطة الاتصال ولو لقيت فيها مشكلة ان شاء الله هتلاقينى

ووفقكم الله والجميع لما يحبه ويرضاه

والسلام عليكم ورحمة الله وبركاته

انا على بطلع على ا لموضوع انتبه تروح بعيد عني :)

السلام عليكم ورحمة الله وبركاته

معلش انا اسف اخى الحبيب مفهمتش الجملة كويس فمعلش وضحهالى بارك الله فيك وجزاك الله كل خير

والسلام عليكم ورحمة الله وبركاته

كنت اقولك انا راح اشوف على الفيديو الخاص بالدورس بس ما يمنع انك تكون معاي ما تهرب :)

بس اخ محمد انت ما شرحت لي كيف يتم التحكم على قاعدة البيانات عن بعد مو انا اتفقنا بس بيكون السيرفر داخل بلدي يعني على محيط السعودية فقط

السلام عليكم ورحمة الله وبركاته

اخى الحبيب اسف جدا جدا على تأخرى وارجو ان تسامحنى ومعلش مكنتش موجود لما ارسلت المشاركة السابقة فأرجو المعذرة وعموما انا الحمد الله فى الوقت ده استفدت بتجربة عملية قرينا عنها وعن نتيجتها لكن حبياجرب بنفسى الحقيقة وهى انى اشتركت فى موقع يقدم خدمة رفع قواعد البيانات والتعامل عليها وكان رابط الموقع طرحه احد الاخوة هنا فى موضوع اخر فقلت اجربه والحقيقة كانت تجربة مفيدة وجميلة وجربت الاتصال بهذه القاعدة بعد ان وضعت بها جدولين بهم الاف السجلات حتى تكون تجربة عملية مفيدة وقمت بدايتا الاتصال من خلال الاكسيس ونجح الاتصال والحمد لله وعملت ربط بالجدولين وعملت عليهم نموذج وجربت كذا حاجة الحمد لله ولسة هجرب ان شاء الله وده رابط الموقع

http://www.db4free.net/

الحقيقة انا مكنتش جربت الاتصال بقاعدة على النت لأن مجاتش مناسبة او سبب وفوق كدة مكنتش فاضى بس كنت عارف الخطوات وقريت عنها وعارف النتائج العامة مثل البطىء مع الاكسيس وانو مينفعش وان الافضل البى اتش بى مثلا وحاجات تانية كتير بس الحقيقة انت خلتنى اجرب الموضوع بنفسى لأن التجربة العملية افضل بكتير والاحتكاك المباشر افضل عموما قولى انت وصلت لحد فين وموضوع الاتصال والربط لسة عندك مشكلة فيه ولو عندك حددلى بالظبط المشكلة ومع انهى برنامج يعنى انت عاوز تتصل بالماى سيكوال (سواء كان على النت او على الجهاز او ايا كان لأنها مش هتفرق ان شاء الله) من الاكسيس ولا فيجوال ولا بى اتش بى حددلى وصحيح انت مقلتليش تعليقك على اللى فى الرابط ده ليه

/index.php?showtopic=193535

وهل فادك بأى شكل ولا ايه اللى حصل وان شاء الله هتابع معاك بس ياريت تقولى انت عندك فكرة فى اى البرامج ولأى درجة علشان تكون عندى فكرة وابتدى معاك صح انت قلتلى فى المشاركة رقم 13 (واتمنا ان يكون بداية الشرح تكون القاعدة بشكيل سليم وما احتاج في عملها بشكل مناسب) والحقيقة بداية موضوع زى ده بعيد شوية عن البرامج لأن البداية فى قواعد البيانات ايا كان البرنامج المستخدم هى الاسس علمية لقواعد البيانات عموما وهى اسس كلما كان المبرمج او مصمم قواعد البيانات على دراية ومعرفة بيها ازدادت كفائته وخبرته ودرجة احترافيته وجودة شغله وحجات كتير الحقيقة بس اخاف الحقيقة البداية دى تزعجك شوية لأنها نظرى اكتر بس الحقيقة هو ده الصح لأن اوعى تكون فاكر انك لما تاجى تعمل برنامج او نظام لمنشاءة هتقعد على الجهاز على طول وتصمم وتشتغل ده ممكن يحصل فى الحاجات البسيطة والعادية لكن فى الشغل الجد مينفعش خالص عموما فى هنا موضوع كامل عن الاسس العلمية لقواعد البيانات يمكن تكون خدت بالك منه لأنه مثبت فى قسم الاكسيس وده الرابط بتاعه

/index.php?showtopic=35237

الحقيقة موضوع مهم جدا وغنى بالعلم ويفرق فى مستوى اى حد مهتم بهذا العلم عموما ادينى فكرة عن اللى تعرفه علشان مزعجكش بحاجة انت عارفها ولو لقتنى فى كلامى شردت عن اللى حضرتك عاوزه ابقى نبهنى علشان نكون على تواصل ان شاء الله وربنا يقدم اللى فيه الخير ان شاء الله

ووفقكم الله والجميع لما يحبه ويرضاه

والسلام عليكم ورحمة الله وبركاته

مشكور محمد

طبعا اطلعت على الروابط السابقة بالنسبة لعملية الاتصال لسى لم اقوم بالتجربة وسوف اقوم بتجربته بعد الانتهاء من انشاء القاعدة

طبعا انا بديت في رسم نظري للمطلوب انشأه في الجداول ولكن انا استخدم سابقا في انشأ اي قاعدة بيانات على اوراكل وتعلمت كيف انشأ جداول ونماذج يعني على شي متوسط لا تتخيل انه كبير بس المقصد اني مارسة العمل عليها فقط واريد انا احول اكثر عمل على الماي سيكو ال ولاهداف كثيرة ومن اهمها مرونه في العمل وانها مجاني

طبعا لما حبيت اعمل الجداول واجهتني مشكلة الا وهي الخصائص الخاصة بالحقول مرفق لك

ياليت توضح لي الخصائق مع التوضيح ومن اهمها التاريخ

اخ محمد

بالنسبة للرابط الخاص برفع قاعدة البيانات http://www.db4free.net هل يعتبر سيرفر واستطيع الاتصال على قاعدة البيانات من اي مكان ام مجرد سيرفر فقط لرفع البيانات

ياليت توضح لي اكثر والحمدالله الى حد الان قمت بانشاء عددة جداول ولكن تبقى علي النماذج والتقارير وتعتبر هي المشكلة الاساسية في موضوعي وانا اقدمت على عمل النماذج على asp.net ولكن سيكون في نهاية الموضوع المهم حاليا تشرح لي الموقع الذي سبق وان ارسلته لي برفع قاعدة البيانات هذا هو المطلوب منك حاليا

السلام عليكم ورحمة الله وبركاته

اخى الحبيب اسف جدا جدا على التاخير معلش كان فيه ظروف اخرتنى فأرجو ان تسامحنى على تقصيرى فى حقك وبالنسبة لما سألت عنه بخصوص الموقع فالموقع يمكن التعامل معه كاسيرفير فعلا وعملت تجربة اخرى ونجحت الحقيقة وهى ان ال MySQL Workbench اللى حملته وبتتعامل معاه على قاعدة البيانات اللى عندك ممكن تستخدمه فى التعامل مع قاعدة البيانات اللى على الموقع وتنشى جداول وتستعلم وتعمل اللى بتعمله مع القاعدة اللى عندك فى سيرفيرك المحلى اللى على جهازك معادا انشاء قاعدة اخرى لأن تعامل مع الموقع بيكون ليك قاعدة واحدة وبتعمل اللى انت عاوزه فيها وده ميعتبرش عيب طبعا لأن القاعدة الواحدة تشيل كتير عموما انا رفقتلك ملف فى صور تشرح ازاى تعمل اتصال بين Workbench والموقع وهبقة ادخل تانى اكمل ان شاء الله علشان مضر اقوم دلوقتى كان نفسى اكملك بس معلش غصب عنى عموما ان شاء الله هدخلك تانى الناهردة واكمل بإذن الله

ووفقكم الله والجميع لما يحبه ويرضاه

والسلام عليكم ورحمة الله وبركاته

1.zip

السلام عليكم ورحمة الله وبركاته

كيف حالك اخى الكريم يارب تكون بخير سأكمل لك ما بدأته فى المشاركة السابقة المهم اخى الحبيب انت اشتركت ولا لسة ؟ وعرفت تتعامل مع البرنامج اللى موجود فى الموقع للتعامل مع قاعدة البيانات برنامج (php myadmin) ولا قبلتك اى مشكلة ؟ وعلى فكرة البرنامج ده هو نفس البرنامج اللى مشروح طريقة التعامل معاه فى الموضوع اللى اعتيطك الرابط بتاعه موضوع(ربط شاشات الاكسيس مع قاعدة بيانات Mysql ) هتلاقيه شارح فيه كيفية انشاء قاعدة وعمل الجداول انت طبعا مش هتقدر زى مقلنا تعمل اى قواعد اخرى على نفس الحساب اما لو حبيت تربط القاعدة اللى على الموقع مع اى قاعدة او نموذج اكسيس نفس اللى شارحه اخونا الفاضل Hisham_wz صاحب الموضوع ( بارك الله فيه وجزاه عنا خيرا ) بعد متعمل تثبيت لبرنامح Connector/ODBC وده الرابط بتاع اخر اصدار ليه حاليا

http://www.mysql.com/downloads/connector/odbc/

حتروح ل Data Sources (ODBC وتعمل الخطوات اللى مشروحة بالصور بطريقة معتقدش انى هشرح افضل من كدة وانا مش عاوز اعملك صور تانى واحملها علشان منحملش على الموقع بصور متكررة بدون داعى عموما انت بس هتغير اعدادات الاتصال زى معملنا فى اعداد الاتصال الخاص MySQL Workbench وتكتب فى مكان السيرفير عنوان الموقع اللى عليه القاعدة بدل عنوان السيرفير المحلى وتكتب اليوزر نيم والباسورد واللى حضرتك مشترك بيهم فى الموقع واسم القاعدة وخالى بالك متغيرش البورت لأن الموقع شغال على البورت الافتراضى 3306 ومينفعش تغيره بالنسبة للموقع لكن ممكن تغيره فى حالة لما تكون انت عامل السيرفير وفى شبكة انت اللى عاملها او خاصة علشان لازم يكون السيرفير والاجهزة الطرفية على نفس البورت فإنت هنا مع الموقع ملزم بالبورت اللى فارضه عليك بعتباره هو السيرفير بس فى حاجة علشان تكون عارف الاكسيس مش مناسب فعلا فى الاتصال بقاعدة على النت هو ممكن طبعا بس هيكون بطيء وكل متكبر القاعدة كل مايكون الامر اصعب الا ان يصل الى حد هتلاقى فيه قاعدة الاكسيس حصلها شلل وتوقفت عن القدرة على التعامل مع القاعدة وده جربته بنفسى زى مقلتلك اما الويب ابلكيش فهو افضل وزى محضرتك اكيد قريت ان البى اتش بى هى ديما اللى مع الماى سيكوال وهما مناسبين مع بعض فعلا الحقيقة وهتلاقى دروس كتير ودورات كتير عن البى اتش بى والماى سيكوال دى بعض منها

http://www.enjaztech.com/vb/f29

http://www.w3schools.com/

http://www.youtube.com/view_play_list?p=67D94BE42620925B

http://vimeo.com/album/1604254

http://www.freeforarab.com/

http://www.w3schools.com/

http://arccn.net/

http://www.traidnt.net/vb/traidnt1809572/#axzz1cMyjblwK

http://www.swalif.net/softs/swalif45/softs237553/

على فكرة خد فكرة عامة وبعدين شوف الموقع او الاسلوب اللى ريحك والاحدث ايضا وبعدين امشى وراه وهتلاقى فى دروس البى اتتش بى احيانا متضمن معلومات عن الماى سيكوال وفى موضوع لقيته اعتقد ان هيعجبك من المنتدى هنا

/index.php?showtopic=133581

عموما انت حدد بس ايه الى تعوزه بغض النظر عن اللى فات وانا معاك ان شاء الله وعلى فكرة بردوا علشان مننساش فى حجات تانية غير البى اتش بى هتحتاجها الموضوع علشان تبقى واخد بالك انك هتتعلم انشاء المواقع وربطها مع قاعدة البيانات بس من زاوية تانية وعلشان تعمل كدة هتحتاج تتعلم كذا حاجة مش حاجة واحدة بس واحدة واحدة ان شاء الله هنعرف ونتعلم مع بعض بإذن الله ومستنى ردك ان شاء الله

ووفقكم الله والجميع لما يحبه ويرضاه

والسلام عليكم ورحمة الله وبركاته

مشكور اخي العزيز محمد

اهم حاجة اني كسبتك كزميل من هذا الموقع الطيب

اما بالنسبة للموقع الخاصة بقاعدة البيانات ورأيت بانه غير مضمون وانه معرض لتلف قاعدة البيانات في اي وقت وبكذا ما استفدنا اي حاجة اذا كان الموقع غير مسئول عن الامان

والشي الاخر بالنسبة لموضوع الي اتش بي انا بصراحة هي الي بيكون العمل عليها واعتمد من اللحظة هذي بان الشرح سيكون على البي اتش بي عشان ما نضيع الوقت في اشياء اخرى لسى ما نحتاجها بس واجهتني مشكلة في الاتصال مع البي اتش بي تظهر لي رسالة تفيد بان الرقم السري غير صحيح ولكن كيف استطيع ان اعدل الرقم السري انا جربت الى asp.net واستطعت في تعديل الرقم السري وفعلاً تم الاتصال مع قاعدة البيانات ولكن في البي اتش بي لم استطع تعديل المطلوب

السلام عليكم ورحمة الله وبركاته

الشكر لله اخى الحبيب فهذا حقك علينا ونحن ليس زملاء فقط فقد رزقنا الله نعمة الاخوة فى الاسلام والحمد لله على هذه النعمة واعاننا الله على شكره وحسن عبادته وبالنسبة لما ذكرته عن الموقع فالموقع اخى الحبيب ما هو الا مثال لنجرب عليه لكن فى الشغل الجد الكلام بيختلف طبعا فايا كان الامان فى الموقع فإحنا بنتعلم ونجرب فيه علشان لما نحب ندخل فى الجد ونحجز استضافة او سيرفير بالفلوس نبقى عندينا خبرة ومعرفة مش لسة هنتعلم وخصوصا لما يكون الموضع متعلق بشركات او مؤسسات لازم نكون عند المستوى المطلوب ولا ايه رايك ؟؟؟ اما بخصوص البى اتش بى هتلاقى فى الروابط السابقة مصادر تعليمية وجبتلك منهم فيديو بيشرح موضوع الاتصال علشان تشوف وتراجع الخطوات وتعرف فين المشكلة ان شاء الله

ولو كتبت Connect to MySQL فى اليوتيوب هتلاقى فيديوهات كتير جدا وادى رابط فيه كتير

http://www.youtube.com/results?search_query=connect+to+mysql+database+with+php&aq=0&oq=connect+to+my

صحيح انت ايه ظروف الانجليزى معاك فيه مشكلة ولا تحب كل المصادر تكون عربى ؟ شوف اللى يريحك علشان اخلى بالى ان شاء الله وابقى رد عليا تحب نعمل ايه وصحيح مقلتليش عن معرفتك بلغات البرمجة او ايه اللى عندك فكرة عنه عموما ؟ والى اللقاء ان شاء الله

وفقكم الله والجمع لما يحبه ويرضاه

والسلام عليكم ورحمة الله وبركاته

والله يا اخي محمد بالنسبة للغات لم اعمل الا على قاعدة البيانات اوراكل وما سيكو ال حاليا اما اذا تقصد لغات برمجة لسى لم اعمل على اي لغة ولكن من مدة وانا اقرأ عن فيجوال بيسك دوت نت وبعد الاوامر المهمة بها ولكن بدون تطبيق عملي

وبصراحة انا اميل الى فيجوال بيسك ولكن اذا في احسن او تنصحني بتعلم شي اخر ما عندي مانع ولكن ياتي الهدف الاساس هو تعلم كيف يتم صناعة النماذج والتقارير

يعني لم اريد صناعة اي برنامج اجد ان هذه اللغة استطيع العمل بها مثلا لو اريد برنامج مشتريات او نقاط البيع او اي برنامج يخطر على بالي لاني لا افكر بان عملي تجاري انا هواية وبصدق انا احب تعلم مثل هذه اللغات والحمدالله استطع ان اتعلم انشاء قاعدة بيانات والتعامل معها وان شاء الله ان اتقدم في تعلم ما ذكرته لك