TE Data تنفرد بتقديم خدمة انترنت الأسره

Family ADSL متوفرة منذ مدة طويلة فأنا أذكر عندما كنت أشترك في الADSL مع TE-Data منذ سنة و نصف أن اختيار Family ADSL كان متاحاً

سلام عليكم

:D

أنت شكلك شغال فى TEData

المهم بالنسبة لموضوع بتاع Family ده فكل الناس الى مجربه بيقولوا وجودة زي قلته ليه لان بيعتمد على فلتر للكلمات التى ترسل فى الـPacket (تقريبا و الله أعلم)

يعني أصلا فكرة الـFamily ديه مش عبقريه و بعدين فيه الى أحسن من كده أنك تضع برامج Parential Lock و ديه برامج ممتازه جدا لانها كمان بتراقب الشاشة :D علشان تكن كل حاجة بالدليل

و الأفضل من ده أن الواحد يكون مربي والده و ميقلقش عليهم و كمان يكون مشغل ناس محترمين

فى عيب يعتبر عيب يعني :D وهو أن معظم الـBlack sites زي مواقع الكراك و مواقع الى فيها معلومات غير مرغوب فى نشرها سوف يتم أيقافها :D

و كمان أنا عايز أشتكي من TEData ديما فى مشاكل :D و مش بتخلص خالص :D

الأظرف من كده أن أنت ممكن تكون متعطل و تلاقى واحد فى خدمة العملاء يقولك "طب نعمل أيه :D" و كمان تيجي ساعات الدفع لو أتأخرت يوم يتفصل عنك النت :D يعني مفيش مراعه أن الواحد ممكن يكون ناسي أو حتى مزنوق :D

على العموم شكرا على المعلومة :D

تم حذف سطر من المشاركة

طبعا الى عاوز يوصل لحاجه ها يوصلها

لكن اما تكون فى صعوبه فى الوصول ها تبقى النسبه اقل بكتير

غير اما تكون نسبه الوصول 100 %

وربنا يهدى شركات النت وموزعي الشبكات لان معظم استخدمات الناس للنت تقتصر فى معظم الاحيان

على الاغانى والافلام والاباحيه

كذلك فإن انتشار الخبث من ذنوب ومعاصي في الأمة ، وسكوت الصالحين عن ذلك ، يعد سبباً في هلاك الأمة؛ عن زينب بنت جحش رضي الله عنها قالت : ( يا رسول الله ! أنهلك وفينا الصالحون ؟ قال : نعم إذا كثر الخبث).

ولا حول ولا قوه الا بالله

دائما النت المفلتر عقبه كبيره فى طريقى :D

فهو يفلتر الصالح ويترك الطالح ههههههه .. بجد الفلتره مالهاش لزوم من مزودى الخدمه .. الأحسن يستغلوا المصاريف دى فى تحسينات مفيده لأنهم كمان بيشتغلوا على لغة واحدة أو اتنين .. وبعدين يا ما قلت أنه أصغر وأتفه برنامج p2p ممكن يشد كل الاباحية اللى فى الدنيا ولو معمول على المزود مليار فلتر لأنهم يستحيل يفلتروه!

اقتباس

و كمان تيجي ساعات الدفع لو أتأخرت يوم يتفصل عنك النت

جيت على الجرح :angry:

جااااااااااااااااااااااااااااي من الدي اس ال

أنا تعلمت الأدب لما اشتركت مع رايا ... قطعوا عني التليفون في أول شهر اشتراك 20 يوم في خلال شهر واحد

شهر واحد قطعوا عني التليفون و الدي اس ال !!!

و لم يرجع خط التليفون إلا لما قابلت مدير السنترال و قلت له رجع لي التليفون إن شا الله يروح الدي اس ال و العالم كله .... و لم يرجع فعلا إلا بعد نزع أجهزة الدي اس ال

الظريف أنني طبعا خرجت من رايا و عملت cancellation

و بعد ما كنسلت بشهر لقيتهم متصلين بيا يطلبوا مني فلوس تاني :) و ما كانوش عارفين إن أنا خرجت أصلا

و بقالي دلوقت شهر كامل بحاول أشترك في تي إي داتا خدوا الفلوس و مافيش خدمة و حاجة آخر قرف

علمني حرفا كتب:

و بقالي دلوقت شهر كامل بحاول أشترك في تي إي داتا خدوا الفلوس و مافيش خدمة و حاجة آخر قرف

يبقي انت اكيد اكيد في مصر