يا رسول الله عذراً

بسم الله الرحمن الرحيم

قصيدة لزميل لي (( صالح الشادي ))

===

البـراءة يـا رسـول الله مـن شـر البـشـر

ومن رجال دينهم صـورة ولا فيهـم ضميـر

والبراءة مـن عقـوق وشـرك وإنسـان كفـر

ومن عبـاد باعـوا الذمـة، بـلا نفـع وخيـر

والبراءة من نفاق ومن ضـرار ومـن ضـرر

ومن نفوس همهـا الدنيـا، ومرماهـا قصيـر.

يامحمـد.. يـا نبـي علـم الدنيـا الصـبـر

والله إن الصبـر فينـا فجّـره وقـت مـريـر

يامحمـد كـل ضلـع كـان مجبـور انكسـر

وكل جـرح فـي بدنـا مـن عذابـه يستجيـر

يامحمـد مابقـى فينـا ولا عــرق خـضـر

ولابقى فـي صدورنـا الاشهيـق بـلا زفيـر

انحنينـا ليـن ساطتـنـا لواهـيـب القـهـر

وانتخينـا ولالقينـا فـي دواخلـنـا نصـيـر

فرقتنـا حربـة الماسـون والظهـر انشـطـر

واشغلتنـا لعنـة الارهـاب واحترنـا كثيـر.

ولا اتفقنا، وكل شـي واضـح، وتكفـي العبـر

لى متى يا أمـة الاسـلام.. مافينـا بصيـر ؟!

وين صرنا ، كل مانكتب سطر نشطـب سطـر

ماكتبنـا الا نبـاح ولا شطبـنـا الا زئـيـر

لايذيـن بخـوف مابـه لا فـلاح ولانـصـر

وتايهيـن بلجـة العالـم، وقولـة مايصـيـر.

مايصيـر إن النبـي طـه يهيـنـوه البـشـر

ولا يصير إن الرسول يسيء له شخص حقيـر

ولايصير إنا نقول اللـي حصـل ازمـة تمـر

ولايصير إنا نتغاضـى، النبـي شانـه كبيـر

النبـي هـذا العظيـم الخالـد بخلـد الـدهـر

والحميم اللي علـى هديـه نجينـا مـن سعيـر

النبي هذا الكريـم اللـي سقـى العطشـى نهـر

والنديم اللي علـى ممشـاه ماضـاع الضريـر

النبـي هـذا الحبيـب اللـي فدينـاه العـمـر

والقريـب اللـي سكـن فينـا وغلانـا كثيـر

النبي هذا البريـق اللـي شـرق منـه الفجـر

والرفيق اللـي دفـاه أشعـل دروب الزمهريـر

يامحمـد والله إنـك فوقـنـا تــاج وفـخـر

وأمتك يا أشرف الأشـراف لازالـت (بخيـر)

ماجبنـا، لـكـن الأيــام دولات وصــور

والسحابـة تاليتهـا تنتهـي بظلمـات بـيـر .

وكل حق ولو يطول الوقـت حـق، وينتصـر

مرت فصول علينـا وباقـي الفصـل الأخيـر

اقروا التاريخ زيـن تمعنـوا يـا اهـل البقـر

ولا تبيعون الضمايـر وانتـم أدرى بالمصيـر

من طغـى لابـد مـا يلقـى المهانـة والكـدر

ومن بغى.. ربي على الباغي وله سوء (المصير)

=========