في حالة أن أحد المستخدمين فقد كلمة السر
وطلب الحصول عليها عن طري الإيميل بعد أن يدخل اسم المستخدم الخاص به فيقوم النظام بإرسال رساله على الإيميل الذي وضعه لكي يتم إرسال رسالة تحقق من أنه صاحب اسم المستخدم وحينما يدخل على بريده الالكتروني ثم يقوم بفتح الوصلة التي أرسلها الموقع الذي فقد كلمة المرور الخاصة به عندها تفتح نافذة لإدخال كلمة مرور جديدة فما هو الكود لهذه العملية
الحكاية مش كود لكن هى فكرة و انت عندك الفكرة لكن فاضل بس تعرف حتعملها ازاى
لو مشينا مع الفكرة بتاعتك خطوة خطوة حنطلع بحاجة زى كدة
1- المستخدم بيدخل صفحة لطلب الباسورد الى نساه و بيكتب الـ user name بتاعه .
2*- احنا حندور على بياناته فى قاعدة البيانات و إن وجدت حنعمل رقم عشوائى و نخزنه مثلا فى جدول : pswd_recovery فيه الأعمدة
user_id
recovery_number
(اعتقد الجدول واضح من الأسماء ;) )
و حنرسل للمستخدم على بريده المخزن عندنا وصلة على الشكل دة مثلا
www.site.com/get_my_pswd.php?user_id=1254&num=6546546
بحيث ان الرقم الى فى الأخر دة (num) هو الرقم العشوائى الى انتجناه قبل كدة و خزناه فى قاعدة البيانات.
بالتالى عندنا فى ملف get_my_pswd.php :
1- حنتأكد من الرقم المرسل على get و هو num و نبحث عنه فى الجدول pswd_recovery مع user_id (لازم الأثنين يكونوا فى نفس الصف)
2- إذا وجدت نتأج مرجعة من البحث فبنعرض للمستخدم form اختيار الباسورد الجديد و من ثم بعد كدة بنحفظ الباسورد الجديد مكان القديم .
دى طريقة استنتجتها سريعا من كلامك و انت اللى ممكن تاخدها و تحسنها زى مانت عايز لأن الفكرة شغالة لكن لسة ناقصها نقط منطقية تانية زى ان انت تتأكد بأسلوب ادق من التسجيلات فى الـ db و مسح التسجيلات القديمة و كدة .
هذا الموضوع مغلق.
