اقتراح محو امية الكمبيوتر

السلام عليكم ورحمة الله وبركاته :

أولا الفكره حلوه , ولكن هل قمت بعمل دراسة جدوي للموضوع , أم تطرح فكره وخلاص , وتنتظر الحلول ,

أسألك للأسباب التاليه .............,

بفرض أنك وجدت من سيقوم باعطاء هذه الدروات هل تتخيل أنه سيعمل مجانا ؟؟؟

وهتجيب فلوس للمدربين منين ؟؟؟

وبفرض اننا وجدنا قاعات !!! ما مصدر تمويل تأجير هذه القاعات ؟؟؟

وأعتقد انك هتحتاج تراخيص ؟؟؟ , هل تعرف حد يخلص الموضوع ده ؟؟؟

ومنين هتجيب الأجهزه للمتدربين ؟؟؟ , وغير كل ده الناس هتيجي تتدرب عندك علي أي أساس ؟؟؟

وهل ستقوم بعمل دعايه ؟؟؟ , وهتجيب فلوسها منين ؟؟؟ ,

الموضوع مش سهل الا اذا كنت عامل حسابك علي الكلام ده !!!

ثانيا : ممكن تقولنا انت منين ؟؟؟ :D

ثالثا : لو كنت عامل دراسة جدوي ومظبط النقط السابقه يبقي ان شاء الله فيه أمل , واعتبرني مراسل في أسيوط :D , و يبقي فيه كلام تاني ان شاء الله ,,,

لو الموضوع باشراف إداري فعلي , مثلا جمعيه خيريه أو مؤسسه اجتماعيه , فلا يوجد مانع لدي بل ارحب بالمشاركه في هذا العمل الخيري

لكن لو فكره فرديه , او مجموعة أصدقاء . . . سأحتفظ برأيي لنفسي كي لا يقول احد تحبيط وغيره

اقتباس

السلام عليكم ورحمة الله وبركاته :

أولا الفكره حلوه , ولكن هل قمت بعمل دراسة جدوي للموضوع , أم تطرح فكره وخلاص , وتنتظر الحلول ,

أسألك للأسباب التاليه .............,

بفرض أنك وجدت من سيقوم باعطاء هذه الدروات هل تتخيل أنه سيعمل مجانا ؟؟؟

وهتجيب فلوس للمدربين منين ؟؟؟

وبفرض اننا وجدنا قاعات !!! ما مصدر تمويل تأجير هذه القاعات ؟؟؟

وأعتقد انك هتحتاج تراخيص ؟؟؟ , هل تعرف حد يخلص الموضوع ده ؟؟؟

ومنين هتجيب الأجهزه للمتدربين ؟؟؟ , وغير كل ده الناس هتيجي تتدرب عندك علي أي أساس ؟؟؟

وهل ستقوم بعمل دعايه ؟؟؟ , وهتجيب فلوسها منين ؟؟؟ ,

الموضوع مش سهل الا اذا كنت عامل حسابك علي الكلام ده !!!

ثانيا : ممكن تقولنا انت منين ؟؟؟ 

ثالثا : لو كنت عامل دراسة جدوي ومظبط النقط السابقه يبقي ان شاء الله فيه أمل , و يبقي فيه كلام تاني ان شاء الله ,,,

اقتباس

سأحتفظ برأيي لنفسي كي لا يقول احد تحبيط وغيره

كده من الأخر لازم راعى للموضوع

السلام عليكم

الأخ ZOLA أحييك على حبك للعمل الخيري وبصراحة كلنا عندنا برضه حماس اننا ننقل معارفنا لحد تاني ونمحي امية الكومبيوتر من عالمنا

انا اتفق مع باقي الاخوة ان الموضوع عايز تنسيق بس ياجماعة الموضوع موجود اثصلا وناس شغالة فيه وناس مهتمين بالتنسيق وكل حاجة

في جمعيات خيرية كتير في جميع محافظات مصر بتعمل الكورسات لمحو امية الكمبيوتر باشعار رمزية

والمدريبن بيبقوا اغلبهم متطوعين واللى مش متطوع بياخد حاجة رمزية

في جمعية اسمها رسالة للاعمال الخيرية

وبلافعل عاملة مركز وفيه متطوعين كتير وكل اللى راحوا يتدربوا في المركز قالوا انه على اعلى مستوى

وكمان استفادوا جدا

انا كان المفروض ادي كورسات وكمان كان معايا متطوعين ( معيدين ) من كليتي بس المشكلة ان فرع الجمعية في المحافظة بتاعتي عشان فلة الفروس ( مش لاقيين فلوس نعمل بيها مقر يسع العدد ) فطبعا موضوع مركز الكومبيوتر بره الحسابات لفترة

بس مركز القاهرة شغال

ربنا يوفق الجميع

ويدي كل واحد على قد نيتوا :rolleyes:

بسم الله الرحمن الرحيم

ما اقوله هو عمل خيرى

شكرا جزيلا على الردود ولكن ما اقصده اننا من الممكن ان نسعى لمعرفة معظم الجمعيات الخيرية فى المحافظات او التعاون مع الاستاذ /عمرو خالد

ردا على الاخ H@mis تقول (لا يوجد تمويل لعمل مقر يسع العدد) هل فكرتم فى القاعات التى فى المساجد او الكنائس(جميعها بيوت الله) من الممكن الاستغلال لفترة من الوقت مثلا ظهرا وسوف تتسع لأى عدد

هل احد فكر ان يبدأ مثلا بجيرانه أو اقاربه

ولكن المهم ان نفكر ثم نسعى ثم نعمل ولكن لا نقف مكتوفى الايدى

نحن الان وللاسف لا شئ نحن كدولة فى عالم الكمبيوتر(((صفر)))

واخيرا باذن الله انا على استعداد مراسلة جميع الجمعيات والتنسيق معها

كانت هذه فكرة ولكن البداية فهل يوجد من يبدأ

يا راجل أنا فكرت انك عندك ولو جزء بسيط من التظبيط أي علي الأقل عارف الجمعيات اللي ممكن تساعد في الحكاية , يعني انت طرحت الفكره اللي (كل الناس اللي نفسهم يعملوا خير فكروا فيها) وتنتظر الحلول ,

اقتباس

هل فكرتم فى القاعات التى فى المساجد

عن كامل اقتناع بالظروف المحيطه وبكل أسي أقولك انسي :(

ولو قدرت انك تستغل القاعات اللي بالمساجد , عايزين أجهزه :(

اقتباس

لا يوجد تمويل لعمل مقر يسع العدد

وهذا هو أساس المشكله :(

اقتباس

باذن الله انا على استعداد مراسلة جميع الجمعيات والتنسيق معها

الله ينور عليك انت ظبط موضوع التنسيق وأنا زي ما قلتلك (هكمل معاك ان شاء الله تعالي في أسيوط) ,

بس مقلتليش صحيح انت منين :D ؟؟؟ وياريت تعرفنا بنفسك :D

انا من بورسعيد

كلام جميل يا جماعة و يدور في راسي من فترة .. وممكن التطبيق بالنسبة لي .. بس احتاج الى المنهج الدراسي .. كيف ممكن اتحصل عليه ...؟

بنت اليمن ،،

ZOLA كتب:

ردا على الاخ H@mis

←

والله العظيم هاميس ده اسم بنت :( :( :( :(

ZOLA كتب:

(لا يوجد تمويل لعمل مقر يسع العدد) هل فكرتم فى القاعات التى فى المساجد او الكنائس(جميعها بيوت الله) من الممكن الاستغلال لفترة من الوقت مثلا ظهرا وسوف تتسع لأى عدد

←

انا مش مع الاقتراح ده لاسباب سياسية معروفة كويس في مصر :rolleyes: :rolleyes: :lol: :lol:

ZOLA كتب:

هل احد فكر ان يبدأ مثلا بجيرانه أو اقاربه

←

بالفعل زي ماقلتلك لقيت ان موضوع المقر ده قدامه كذا سنة وفيه اعضاء في الجمعية نفسها عايزين يتعلموا فبالفعل الحمد لله نجحت في محو امية عضوة

وان شاء الله عن قريب بعض اصدقائي

لكن انا نفسي في الناس الكبار اهلنا وقرايبنا دول الاصعب لانك تحاول تقنعهم يبقوا مقتنعين ومتحمسين وتيجي تتفق معاهم بقى على معاد للبدء يقولولك الشغل وانا مش فاضي فاعتقد موضوع الجمعيات والمقار مهم عشان التزامهم

ZOLA كتب:

نحن الان وللاسف لا شئ نحن كدولة فى عالم الكمبيوتر(((صفر)))

←

مين قال كده بس

اصل ماتبصش للى حواليك من جيرانك وقرايبك وتقول كده اقرا مقالات وكده هتلاقي ان مصر الحمد لله تحتل مكانة كويسة ومعقولة جدا دلوقتي في صناعة البرمجيات وكمان في مجال تصديرها

ZOLA كتب:

واخيرا باذن الله انا على استعداد مراسلة جميع الجمعيات والتنسيق معها

←

بلاش كلها خليك مركز على واحدة :D

بنت اليمن كتب:

كلام جميل يا جماعة و يدور في راسي من فترة .. وممكن التطبيق  بالنسبة لي .. بس احتاج الى المنهج الدراسي .. كيف ممكن اتحصل عليه ...؟

بنت اليمن ،،

←

انا لقيت موقع حلو قوي كان بعض المعيدين عندنا جايبين منه مواد للمبتدئين في كليتنا الموقع فيه كورسات حلوة قوي للمبتدئين وباسلوب جميل

الموقع أهو

بصراحة الموضوع مهم جدا

وانا على استعداد لاى مساعدة

بس بصراحة

انا شايف ان الامية ستمحى قريبا جدا لعدة اسباب

1- اطفال المدارس يدرسون الكمبيوتر اجباريا حتى المرحلة الثانوية

2- طلبة الجامعات لديهم كورس لدراسة الكمبيوتر ايضا اجباريا - رغم ضعف المادة العلمية بة -( اذكر ان اختبار اخر العام كان عن كيفية انشاء ملف من داخل ملف وتسمية باسمك)

3- الموظفون فى الوظائف الادارية (يتم تدريبهم بشركاتهم حيث ان كل الشركات حاليا تتحول الى ذلك النظام حتى القطاع الذى كان عام)

4- الموظفين غير الاداريين والحرفيين (معظمهم الان لدية اجهزة بمنزلة او اجهزة فى السيبر اللى جانبة والساعة بجنية واحد)

5- المعاشات وكبار السن (بحاول اعلم جديتى تشتغل علية بس خايف اجى فى يوم القيها بتعمل شات)

معنى ذلك ان كل الفئات تستطيع ان تصل للجهاز بسهول باقى المادة العلمية

وانا ارى بما اننا شعب بيحب كل شئ جديد فانهم واخدين الكمبيوتر ذى المحمول (الجوال بالضبط) والكل بيسعى لتعلمة

اعتقد ان علينا الاجتهاد فى وضع مادة علمية سهلة ومتكاملة لكل الفئات يعنى نعمل مادة علمية واللى عايزها ياخدها

يعنى لو كل واحد فينا عمل كورس وطبعة على اسطوانات ووزعة على اهلة واصحابة واللى عايز يتعلم يتعلم

بصراحة دى وجهة نظرى ولو انى متاكد انكم كلكم هتقولوا انى بفكرغلط

موقع ممتاز جداً هاميس ... واو ... الف شكر ...

اذا حصل عنجي وقت ممكن نعمل هنا دراسة شاملة لمحو امية الكومبيوتر ... فقط قليل من الوقت المستقطع :)

خالص التحية و الشكر ..

بنت اليمن ،،

الموضوع جيد

لكن أتمنا فتح موضوع اخر فية فائدة تعود على زوار المنتدى .

خلينا واقعين دراسة جدوى هذا المشروى قد تقوم به جمعيات خيرية نعم ولكن نحن كيف سنشارك بها وكل واحد منا في بلد .

على العموم اتمنا لكم التوفيق , أما أنا فالفكرة بالتنفيذ اقصد غير مجدية على الأقل على مستوى أعضاء هذا المنتدى بسبب التباعد الزمني ليس فقط في الدول وإنما كمان على مستوى المحافضات .

فكرة جميلة