الفريق العربي للبرمجةأرشيف المنتديات · 2000 – 2023
نسخة أرشيفية للقراءة فقط — التسجيل والمشاركة مغلقان، والمحتوى محفوظ كما كان.

صاحب بالين كذاب؟ لو موافق تابع المثال

مغلق
بدأه Anwarica في 4 سبتمبر 2005 · 27 رد · 5,477 مشاهدة · في الأخبار والنقاشات التقنية
مشاركة: واتساب X فيسبوك تيليجرام
#1 صاحب الموضوع

لو كنت مؤيدى هذا المثل فأنفيه لك بطريقة لا اعتراضيه وأعتقد أنك طبقت المثال قبل أن أحكيه..

- تأكل الطعام (هذه واحده)

- تأكل الطعام وتستمع إلى الراديو (اثنين)

- تأكل الطعام وتستمع وتشاهد التليفزيون (ثلاثه)

- تأكل الطعام وتستمع وتشاهد التليفزيون وتسمع أخاك يناديك (أربعه)

- تأكل الطعام وتستمع وتشاهد التليفزيون وتسمع أخاك يناديك وترد عليه بالكلام (خمسه)

هل أكمل؟

أنت الآن قمت بخمسة أشياء معا دون أن تدرى ..

صراحة المثل لا يعجبنى خصوصا أن قدرات البشر تختلف من شخص لآخر، لأنه ممكن شخص واحد لا يمكنه أن يركز فى شئ واحد لوحده .. ممكن مش يقدر يركز فى اللى بيسمعه ولا يستوعبه رغم أنه عمل واحد ..

لو أن المثل صحيح لكنا فى عداد الأموات .. فقلبى يخفق وعينى ترى والرئة تتنفس والأذن تسمع والجلد يشعر وكل شئ يتم تحت سيطرة مباشرة أو غير مباشرة من المخ ..

هل المخ كذاب؟ :lol: :lol: :lol:

نسيت، الmulti-tasking التى بدأت فى ويندوز اكس بى جعلته أفضل!

احنا مش أقل من الويندوز :angry:

#2

أخي الحبيب:

أنا فعلا معك في أن هذا المثل ليس صحيح تماما , ولكن كما تفضلت فهي مسألة قدرات شخصية تختلف من شخص لآخر, فهناك من يستطيع أن يفعل العديد من الأشياء التي تتطلب تركيز عالي في نفس الوقت , وهناك من لا يستطيع القيام بشئ واحد إلا بعد جهد جهيد , و أعتقد من وجهة نظري الشخصية أن المزضزع يتركز في قدرة الشخص على التركيز, لكن عموما فالله جل جلاله حبى الإنسان بقدرات كثيرة تجعله في المعتاد قادرا على القيام بالكثير من الأعمال في نفس الوقت و مثال على ذلك ما تفضلت و ذكرته أخي الحبيب, و أنا شخصيا جربت هذا الموضوع , والحمد لله (ربنا ستر) :D ...

(بالمناسبة النور هايقطع لغاية بكرة الصبح , أجيبلك شمعة؟؟؟ :) )

و لك مني جزيل الشكر,,, (h)

تم تعديل هذه المشاركة بواسطة Alaa Awaad في 4 سبتمبر 2005 في 22:09

____________________________________________________________________________

{ اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مَّعْرِضُونَ } سورة الأنبياء (1)

____________________________________________________________________________

In a world without walls and fences, who needs Windows and Gates

مدونتي

#3

لا يا انور كلام مش صح فى اعتقادى الشخصى

هو المثال الى قلته عامل زى الـ Time sharing لا اكثر

لأن المخ مقسم لأجزاء و لكل جزء و ظيفة واحدة

و المقصود من كلمة ( بال ) و هو التركيز مش مجرد التنفيذ العادى لمهمة

انا ممكن اسمع اخوية بينادينى و اسمع التلفزيون ( دول مش عمليتين ) هى عملية واحدة بس نتيجة لتخالط الأصوات

لكن عندى جزء تانى من مخى بيحلل الأصوات و بيتم من خلالها اتخاذ قرار بأنى اركز مع اخوية و لا اركز مع التلفزيون

- جرب تتكلم مع اخوك و تسمع التلفزيون و اكتب فى الأخر ناتج الى سمعته من الأثنين فى نفس الوقت

و على نفس المنوال بتتم بقية العمليات :)

Web Citizen

ShrefInLife.gif

__________

General blog : Shref In Life

#4

انا اتفق مع انور و علي وايضاً مع اشرف

والسؤال كيف تتفق مع الثلاثة من وجهة نظري

ان الانسان يستطيع ان يقوم بالكثير من الاعمال وتعلم الكثير من انواع وفروع العلم المختلفة في آن واحد ولا يعني هذا ان يدرس البرمجه والشريع هذا ورقة وتلك ورقة ولكن مادام استطاع الانسان ان يئقلم نفسه ونظم وقته ويدير ساعات يومه فبعتقادي انه يستطيع خلال حياته الصغيرة التعرف تقريباً علي جميع العلوم وكلنا يعرف العالم لينرد دفنشي كان مخترع وفنان عظيم مع ان هناك فوارق كبيرة بين المجالين

واعتقد بأن الانسان الذي يؤمن بهذا المثل لن الكثير واعتقد انه سوف يصبح جاهل اي جاهل بباقي العلوم فسوف يكون عالم في فرع معين ولا يدري اي شئ عن باقي العلوم

ولا اعتقد ان هناك مبرمج سوف يبرمج مثلا برنامج عن المحاسبة دون ان يدرس اصول المحاسبة جيداً ولا برنامج عن الطب حتي يلم بالمفاهيم التي يقوم بصناعة البرنامج علي اساسها

اقترح ان نقوم بعمل مثل جديد ونلغي هذا المثل الذي اكره بشددددددددددده

ولنرا اقتراحات الاعضاء عن المثل الجديد رجاء الكل يدلو بالرأي

واقترح (صاحب بال واحد كسلان وصاحب اثنين يحب الراحه وصاحب ثلاثة يجب ان يجتهد ليأتي بالرابع)

يابن ادم ولدتك امك باكياً والناس حولك سروراً فعمل لي يوم اذا بكوا في يوم موتك ضاحكاً مسروراً

اطلب اي ملف Testking او كتاب من كتب ميكروسوفت في اي مجال

#5

ثوانى واحد اعترض :D

a_shref كتب:
لا يا انور كلام مش صح فى اعتقادى الشخصى

هو المثال الى قلته عامل زى الـ Time sharing لا اكثر

لأن المخ مقسم لأجزاء و لكل جزء و ظيفة واحدة

و المقصود من كلمة ( بال ) و هو التركيز  مش مجرد التنفيذ العادى لمهمة

انا ممكن اسمع اخوية بينادينى و اسمع التلفزيون ( دول مش عمليتين ) هى عملية واحدة بس نتيجة لتخالط الأصوات

لكن عندى جزء تانى من مخى بيحلل الأصوات و بيتم من خلالها اتخاذ قرار بأنى اركز مع اخوية و لا اركز مع التلفزيون

- جرب تتكلم مع اخوك و تسمع التلفزيون و اكتب فى الأخر ناتج الى سمعته من الأثنين فى نفس الوقت

و على نفس المنوال بتتم بقية العمليات :)

بس العادى أنه لو اثنين كلموك فى نفس الوقت تقدر تركز هنا ثانيتين وهناك ثانيتين :)

الفكرة فى الوقت الأطول :)

طبعا مش تقدر تكتب كلام الاثنين لأنك هتستوعبه الكلام ككل .. إذا كنت ذو قدرة عاليه على التذكر ستكتب فى نهاية حديثهما كل ما قالوه :lol:

هل المقصود بكلمة "البال" هو الانشغال التام .. بمعنى واحد حصل له مصيبه شغلته عن التفكير (وقفت مخه يعنى صدمة :) )؟

#6

أنا شايف برده ان لما يكون الواحد متعود يعمل حاجه معينه ... يمكنه بسهوله عمل أشياء أخرى معها.

مثلا الرجل الذي يصنع الفطير , يمكنه أن يقوم بصنع الفطير وعمل بعض الحركات البهلوانيه بها أثناء التحدث معك(وبتركيز) ... ولكن الشخص الذي مازال يتعلم صنع الفطير لن يستطيع التحدث مع أحد أثناء عمل الفطير خصوصا عند هذه الحركه التي يلقون بالفطيره الى عنان السماء وهى تدور !!

كما تعود صانع الفطيره على صنع الفطائر ... أيضا نحن تعودنا ( بدون ارادتنا ) على أن يدق القلب وتعمل الأجهزه الداخليه الأخرى في الجسم ... ولهذا أصبحنا محترفين في كيفية أن نظل أحياء كما تعود صانع الفطيره على صنع فطائر جيده ولذلك يمكننا عمل أشياء كثيره ونحن أحياء(أى وقلبنا يدق والجهاز التنفسي شغال ... الخ .... ).

#Read

http://MoutazShams.blogspot.com

projects003.gif

أعتذر عن التغيب هذه الأيام نظرا للانشغال المريب

#7
معتز شمس كتب:
كما تعود صانع الفطيره على صنع الفطائر ... أيضا نحن تعودنا ( بدون ارادتنا ) على أن يدق القلب وتعمل الأجهزه الداخليه الأخرى في الجسم ... ولهذا أصبحنا محترفين في كيفية أن نظل أحياء كما تعود صانع الفطيره على صنع فطائر جيده ولذلك يمكننا عمل أشياء كثيره ونحن أحياء(أى وقلبنا يدق والجهاز التنفسي شغال ... الخ .... ).

أيه حكاية الفطير النهاردة فى كل مكان (h)

الأجهزة الداخلية مش متعوده يا ميزووو دى مأموره مش بمزاجها B) وأحيانا المخ مش له سيطرة على حركات معينه مثل الفعل المنعكس وضربات القلب مع نفسها (موضوع رخم حبه :) )

بس فى الغالب برضه هو المخ ماسك شغل كبير جدا يحسد عليه :blink:

بمناسبة صانع الفطيرة .. برضه افتكرت لاعب السيرك

لاعب السيرك فنان لما يمشى على الحبل ويحفظ التوازن .. وبعدين ينقل مجموعة من الكرات بين يديه وهو على الحبل .. :o

#8

اولاً: انا اتفق مع a_shref في الرأي

وأختلف معك يا anwarica حتى في الأمثله

حيث أنك اخترت وظائف تشغل حواس مختلفه وآليات مختلفه في جسم الانسان , مع العلم أن كل حاسه من هذه الحواس له مركز في المخ مكلف بإدارته

ولكن لا يمكن أداء وظيفتين في نفس الوقت بنفس احاسه او الأداه

حتى مثال

اقتباس
- تأكل الطعام وتستمع وتشاهد التليفزيون وتسمع أخاك يناديك (أربعه)

- تأكل الطعام وتستمع وتشاهد التليفزيون وتسمع أخاك يناديك وترد عليه بالكلام (خمسه)

لم تحل المر بل اوضحت عكس النظريه

فحين يناديك أخوك تحدث مقاطعه للوظيفه السمعيه ويتبعها البصر حيث يصبح هو الاخر مشوشا

وحين ترد عليه فانك قطعت كل من السمع والأكل ايضا لأنك لن تبتلع اثناء خروج الكلام من الحلق , ولن تمضغ اثناء نطق الكلام باللسان , ولو عملتها أبسط شيء اخوك يقول لك نعم ؟؟؟؟؟ فتتوقف مباشرة عن المضغ والبلع وتوطي صوت التلفزيون وتكلم اخوك بصوت واضح :lol:

اقتباس
لو أن المثل صحيح لكنا فى عداد الأموات .. فقلبى يخفق وعينى ترى والرئة تتنفس والأذن تسمع والجلد يشعر وكل شئ يتم تحت سيطرة مباشرة أو غير مباشرة من المخ ..

أنت غير مسؤول عن أغلب هذا ولا تشغل بالك به اصلا!!!

هل يمكنك ايقاف نبضات القلب ,هل يمكنك منع دخول الصوت الى الازن الداخليه , هل يمكنك عدم الشعور بالحراره أو البروده في الجلد , حتى العين هل يمكنك ان تفتح عيناك دون أن ترى ما أمامك ؟

ستسمع وترى ولكن بامكانك تجاهل ما تسمع أو ترى , هذا لن هذه الحواس تسلمك نتائجها فقط ولم تعطيك زمام الامور في كيفية الاستماع او الإبصار , إلا لتغيرت قوانين الفيزياء لكل شخص, فمثلا تحدد نقطه معينه على مسافه معينه فتسمع ما يقال هناك دون سماع ما قبلها وما بعدها

أو تكون الرؤيى في منحنيات مثلا بدل منها في خط مستقيم

أخيرا

اقتباس
نسيت، الmulti-tasking التى بدأت فى ويندوز اكس بى جعلته أفضل!

فكرة الـ Multi tasking مبنيه على الـ Time Sharing وهي فعلا لا تقوم باكثر من وظيفه في نفس الوقت وإنما تبدل بين الوظائف بسرعه فتشعر أن اكثر من وظيفه تعمل في نفس الوقت , وهي بالتالي تؤثر على وقت انتهاء كل وظيفه.

وللعلم هذه الفكره ظهرت مع النظام المحمي عموما وليس مع ويندوز XP فقط فهي نفس الفكره في كل اصدارات الويندوز واليونيكس والماكينتوش وكل الأنظمه الحديثه

اقتباس
بس العادى أنه لو اثنين كلموك فى نفس الوقت تقدر تركز هنا ثانيتين وهناك ثانيتين

الفكرة فى الوقت الأطول

وهو ده مفهوم مشاركة الوقت , إيقاف أحد العمليات واستقبال عمليه اخرى والتبديل بينهما لإيهام عملهما معا

وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ

#9

علم النفس بيقول أن توزيع الأنتباه يتم بين مثيرين بشروط معينه

1- مثيرين بينهما ألفه (زى الأستماع إلى أغنيه محببه و قراءة كتاب رغم أن تركيزك يكون فى الكتاب)

2- مثيرين بينهما ترابط ( مثل النظر إلى نوته موسيقيه و العزف على الآله )

3- مثيرين يمكن التحول من أحدهما لأخر بسرعه (مثل التحدث مع شخصين فى وقت واحد )

4- مثيرين أحدهما يتطلب أستجابه آليه (مثل قيادة السياره و الأستماع إلى الكاسيت )

بس خلاص

تم تعديل هذه المشاركة بواسطة net_code في 6 سبتمبر 2005 في 15:17

لا تراجع و لا إستسلام

#10

هناك اقسام متعددة في المخ ذات وظائف متعددة مش حنعلم الدكتور انوريكا. هناك جزء في الدماغ لتعلم حركات معينة متتالية او غيرها مثال ذلك المشي. هل في هذا العمر يفكر احدنا كيف يمشي حتى لا يتعثر ؟ هذه الجزئية من الدماغ مسؤولة عن الحركة. لدرجة انك يمكن ان تصل البيت و لا تعلم كيف حصل ذلك، ربما مثلا لانك مشغول فكريا. و بالطبع حواس مختلفة لها اجزاء مختلفة فانت مثلا منبهر بالصورة و الصوت و الرائحة و الجو(الحرارة و الرطوبة) و في نفس الوقت تتذوق الطعام (يعني الحواس الخمسة) و ذلك ممكن لانها حواس لها اجزاء للتحليل منفصلة.

لكن هل تستطيع ان تقرأ السطرين في الاعلى معا في نفس الوقت و تفهم المعني بتجزأة الوقت ؟ كذلك الامر هل تستطيع ان تفهم شخصين يتحدثون في نفس اللحظة فهما كاملا ؟ بالطبع سيكون على حساب سماع الشخص الاخر. و هل تستطيع ان تقول هاتين الكلمتين في آن معا "انواريكا" " مخطأ" ؟ :D

39_22.gif

تزود من التقوى فإنك لا تدري *** إذا جن ليل هل تعيش إلى الفجر

فكم من فتى أمسى وأصبح ضاحكاً *** وقد نسجت أكفانه وهو لا يدري

لقراءة القرآن الكريم و سماعه و تفسيره ........

ماذا يعني انني مسلم سني؟

قصة غريبة

ConflictResolution.gif

#11

نو نو نو :rolleyes:

موضوع أنى ذكرت مثال المخ لأنى اعتبرته جزء مننا يقوم بأكثر من عملية، فما أدرانا أننا نمتلك مخ وقلب وجهاز عصبى كامل وautonomic (معرفش يعنى أيه دى :lol: ) وحاجات كتيييير..

الفكرة بتاعة المثل أن الإنسان ما ينفعش ينشغل بحاجتين فى نفس الوقت صح؟

طيب كل مواطن مشغووووول بالعمل لتوفير المال .. وفى نفس الوقت مشغووول بسلامة وأمن أولاده وفى نفس الوقت مشغوول للدفاع عند زيارة حماته :lol:

هو أنا فاهم المثل غلط؟ :rolleyes:

#12

مموضوع ممتاز يا ريكا

انا شايف المثل بنظره مختلفه دعونى اطرح عليكم مثال, فى بعض الدول الاوربيه وبعض الولايات الامريكيه منع منعاً باتاً التحدث فى الجوال اثناء السواقه, وكانت الحجه إن السائق تكون يده مشغوله بالجوال لذلك لا يستطيع التحكم بالقياده.. بعد ظهور الـHands free وافقت هذه الدول والولايات على السماح بإستخدام الجوال شرط ان يكون لديك Hands free مركب معى نظام ستيرو السياره, ولكن دراسه بريطانيه اظهرت ان عدد الحوادث لم يقل.

الانسان عادة يستطيع القيام باكثر من مهمه فى نفس الوقت ولكن شرط ان تكون هذه المهام لا تتطلب التركيز الكامل, يعنى مثلاً هل رايت جراح يقوم بعملية جراحيه ويتكلم فى الجوال فى نفس الوقت؟؟ بالتاكيد لا, لان هذه المهمة تتطلب التركيز الكامل, او مثلاُ طيار حدث له عطل فى محرك من محركات الطائره, تجده مركز بكل جوارحه كى يوصل الطياره لبر الامان.

لاحظ الامثله التى طرحها ريكا يقول

================================

- تأكل الطعام (هذه واحده)

- تأكل الطعام وتستمع إلى الراديو (اثنين)

- تأكل الطعام وتستمع وتشاهد التليفزيون (ثلاثه)

- تأكل الطعام وتستمع وتشاهد التليفزيون وتسمع أخاك يناديك (أربعه)

- تأكل الطعام وتستمع وتشاهد التليفزيون وتسمع أخاك يناديك وترد عليه بالكلام (خمسه)

=================================================

طيب يا ريكا خلينا نضيف إلى الامثله مثل فيه دراما نقول مثلاُ الشخص الذى يستمع للهاتف وياكل ويسمع اخوه يناديه سمع خبر خبر مهم فى التلفزيون.. هل سيستمر فى الاكل ؟ بالتاكيد لا لان الخبر يتطلب التركيز الكامل, لذلك سيتوقف عن الاكل ويطلب من اخوه الصمت ولن يرد على اخوه حتى ينتهى الخبر..

خلاصة الكلام إذا كانت المهام لا تتطلب تركيز كامل تستطيع ان تقوم بها على سبيل المثال يستطيع الشخص ان يمضغ لبانه وهو ماشى ولن يجد فى ذلك صعوبه, لكن إذا كانت المهمة تتطلب تركيز كامل مثلاُ حل مسئلة رياضيات معقده.

والسلام عليكم

لا إله إلا الله محمد رسول الله

busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.

#13

بالنسبه لمسئلة المشى وإنتا بتمضغ لبانه يتوقف إذا كنت ماشى فى شارع او ماشى فى حقل الغام, فى الحالة الثانيه مش حتقدر تمضغ لبانه وإنتا ماشى لان لو غلطت فى خطوه يبقى عليه العوض, لذلك سوف تتخلص من اللبانه اول ما تعرف إنك فى حقل الغام..

لا إله إلا الله محمد رسول الله

busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.

#14

متفق مع رأى أخى أحمد غريب :)

احمد غريب كتب:
بالنسبه لمسئلة المشى وإنتا بتمضغ لبانه يتوقف إذا كنت ماشى فى شارع او ماشى فى حقل الغام, فى الحالة الثانيه مش حتقدر تمضغ لبانه وإنتا ماشى لان لو غلطت فى خطوه يبقى عليه العوض, لذلك سوف تتخلص من اللبانه اول ما تعرف إنك فى حقل الغام..

تقريبا هازلط اللبانة من غير ما أخد بالى :D

#15

أخوتي الأعزاء:

لقد دخل الموضوع الذي فتحه أخي الحبيب أنوريكا في نطاق المهام الوظيفية لمخ الإنسان ,لكن أعتقد أن الموضوع أشمل من ذلك , و المثل أساسا يطلق على من ينشغل بأكثر من أمر من أمور الحياة , لكن دعما لنظرية أخي أنوريكا تجد هناك من يدرس و يعمل في نفس الوقت, هناك من يعمل في مهنتين أو أكثر مع بعض, و طبعا أشهر مثال هو الرجل المتزوج من أكثر من واحدة :lol: , اكيد عنده أكثر من بالين يعملون في نفس اللحظة, عني شخصيا كنت أؤدي الخدمة العسكرية و أدرس و أعمل في نفس الوقت...و الأمثلة كثيرة على هذا الموضوع , لكن لا يقف عند حد القدرات العقلية و الجسدية فقط .

و لكم مني جزيل الشكر,,, (h)

____________________________________________________________________________

{ اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مَّعْرِضُونَ } سورة الأنبياء (1)

____________________________________________________________________________

In a world without walls and fences, who needs Windows and Gates

مدونتي

#16

المثل اسمه صاحب بالين كداب , وانت دلوقتي اثبته يا انوريكا :lol:

هو ده ,ما ينفعش تفكر وتشغل بالك في حاجتين بتركيز شديد في نفس الوقت simultaneously

على الأقل بتعير واحده الاهتمام على حساب الاخرى

وسيبك من حكاية الهموم والكلام ده ,لأن حتى الواحد بيكون بيفكر في حاجه واحده وراكن الباقي ينكد بيه على نفسه بعدين :lol: :lol:

يعني انا عندي كذا مشكله مثلا , لكن دلوقتي حالا مشغول بالكتابه على الكيبورد , وقبل ما اكتب بافكر في الكلام يعني الموضوع بتاعك , وبعد ما اخلص انتقل لموضوع ثاني , حتى وانا باكتب معاك باعمل شات , ببدل واروح اكلم الشخص الثاني ومش بافكر في الموضوع هنا اثناء الشات , وهكذا

خلاص انت شكلك اقتنعت بالمثل , فعلا صاحب بالين كذاب :D

وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ

#17
Asm4all كتب:
خلاص انت شكلك اقتنعت بالمثل , فعلا صاحب بالين كذاب :D

أنا محتاس زياده بس مازلت موافق على رأى أخى أحمد غريب لأنه بيوفق بين النظريتين تمام :D

وعندك عم علاء فى الخدمة العسكرية ومش مشغووول :blink:

#18
anwarica كتب:
أنا محتاس زياده بس مازلت موافق على رأى أخى أحمد غريب لأنه بيوفق بين النظريتين تمام  :D

وعندك عم علاء فى الخدمة العسكرية ومش مشغووول  :blink:

علامات النصر :lol: :lol:

فاضلك مشاركتين كمان وتنسحب من المعركه يا أنوريكا , كمان مداخله من الأخ أحمد غريب وهجمه قويه وتنهار النظريه ويصح المثل :D

وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ

#19
Asm4all كتب:
علامات النصر  :lol:  :lol:

فاضلك مشاركتين كمان وتنسحب من المعركه يا أنوريكا , كمان مداخله من الأخ أحمد غريب وهجمه قويه وتنهار النظريه ويصح المثل  :D

:angry: :angry: :angry:

طيب هجوووووم مضاد ..

اثبات لتضارب الأمثال بين الشعوب .. هعطى مثل وعكسه ..

المثل المصــرى: "نصف العمى ولا العمى كله"

المثل اليابانى: "نصف العلم أخطر من الجهل"

مين صح؟ :rolleyes:

#20
اقتباس
طيب هجوووووم مضاد ..

اثبات لتضارب الأمثال بين الشعوب .. هعطى مثل وعكسه ..

المثل المصــرى: "نصف العمى ولا العمى كله"

المثل اليابانى: "نصف العلم أخطر من الجهل"

مين صح؟

"ما لا يدرك كله لا يترك كله " , ودي حكمه

عرفت مين الصح ؟؟؟؟ :D :D

أنوريكا :angry: الإنكار مش حيفيدك إعترف احسن

تم تعديل هذه المشاركة بواسطة Asm4all في 7 سبتمبر 2005 في 09:08

وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ

#21
Asm4all كتب:
"ما لا يدرك كله لا يترك كله " , ودي حكمه

عرفت مين الصح ؟؟؟؟    :D  :D

أنوريكا  :angry:  الإنكار مش حيفيدك إعترف احسن

:blink: :blink: :blink: :blink:

مين الصح؟ :unsure:

يعنى أنا لو عندى امكانيات قنبلة نووية ومعايا أكتر من نصف الطريقة ووصلت عند مرحلة الكتلة الحرجة (ومكنتش عندى علم بالحته دى) واضفت كل حاجة .. قبل لما أخرج من المعمل هتكون البلد فى خبر كان وأخواتها :lol:

#22
anwarica كتب:
:blink:  :blink:  :blink:  :blink:

مين الصح؟  :unsure:

يعنى أنا لو عندى امكانيات قنبلة نووية ومعايا أكتر من نصف الطريقة ووصلت عند مرحلة الكتلة الحرجة (ومكنتش عندى علم بالحته دى) واضفت كل حاجة .. قبل لما أخرج من المعمل هتكون البلد فى خبر كان وأخواتها  :lol:

وهو في عالم نووي بيشتغل بنصف المعلومات ؟؟؟؟

يعني اتعلم نصف المعلومات واكمل عليه بعدين ولا اريح دماغي من الهم ده كله واقعد في بيتنا ساكت احسن ؟

وبعدين ما تهربش من السؤال بسؤال :D ؟ إعترف وخلصنا بقى , وبعدين ابقى شوفلك مثل تاني اتكلم عليه براحتك

وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ

#23
Asm4all كتب:
وهو في عالم نووي بيشتغل بنصف المعلومات ؟؟؟؟

يعني اتعلم نصف المعلومات واكمل عليه بعدين ولا اريح دماغي من الهم ده كله واقعد في بيتنا ساكت احسن ؟

وبعدين ما تهربش من السؤال بسؤال  :D  ؟ إعترف وخلصنا بقى , وبعدين ابقى شوفلك مثل تاني اتكلم عليه براحتك

:o

يشتغل بنص المعلومات لو متخصص أوى :lol: :lol:

يعنى لو حب يعمل فيها رامبو وقال أخد شغل العالم التانى (زميله) واخلص العملية كلها هتبقى كارثه :rolleyes:

طيب المقصود بالعلم (أى علم) بمعنى حتى معلومه ..

نفترض مثلا واحد بيتعلم الطبخ، عرف كل المكونات ومش نسى حتى الملح .. بس مش عرف أنه الأكل لازم يسخن على نار هادئة .. باظت الطبخه علشان دى :D

أنا عارف اللى هيحصل بعد كده (h)

#24

أخي الحبيب أنوريكا:

أعتقد أنك أكبر مثال على خطا هذا المثل , فعلى حد علمي فأنت طبيب , و في نفس الوقت أنت من المبرمجين الرائعين , يعني جمعت شيئين في وقت واحد , وكل منهما ليس بالأمر السهل... ولا إيه (h)

____________________________________________________________________________

{ اقْتَرَبَ لِلنَّاسِ حِسَابُهُمْ وَهُمْ فِي غَفْلَةٍ مَّعْرِضُونَ } سورة الأنبياء (1)

____________________________________________________________________________

In a world without walls and fences, who needs Windows and Gates

مدونتي

#25
اقتباس
نفترض مثلا واحد بيتعلم الطبخ، عرف كل المكونات ومش نسى حتى الملح .. بس مش عرف أنه الأكل لازم يسخن على نار هادئة .. باظت الطبخه علشان دى 

أنا عارف اللى هيحصل بعد كده 

سبحان الله , ده اما كنت حاكتبلك المثل ده في المشاركه اللي فاتت وبعدين قولت يا واد يا احمد الطبيخ ماله ومال النووي دلوقتي :lol:

انا اعرف واحد صاحبي طبخ مكرونه بالبشاميل من خلال التليفون :D , يعني المثال ده صاحبه غلطان كان ممكن يسأل

انوريكا شكلك مش ناوي تجيبها لبر وحتجيبلي المثال كلها وتقوللي ده غلط وده صح , الطيب احسن انا ماشي يا عم لغاية ما اشوف رد تاني

Alaa Awaad كتب:
أعتقد أنك أكبر مثال على خطا هذا المثل , فعلى حد علمي فأنت طبيب , و في نفس الوقت أنت من المبرمجين الرائعين , يعني جمعت شيئين في وقت واحد , وكل منهما ليس بالأمر السهل... ولا إيه  (h)

ده على مثل صاحب بالين !!!!, اصل انوريكا دخلنا في الطبيخ دلوقتي

يا عم في فرق بين الاهتمام والعلم والتركيز اللحظي , والمثل واضح ناه بيتكلم على التركيز اللحظي مش الإهتمام أو العلم

حتى المثل بيتقال لما تبقى بتعمل حاجتين في نفس الوقت , مثلا وراك امتحان بكره الصبح وماسك كتاب بتراجع الماده ومشغل التليفزيون على برنامج انت بتحب تتابعه جدا , تلاقي والدك يخرج يقولك صاحب بالين كداب , يا تتفرج على التليفزيون يا تذاكر

وبعدين ابسط حاجه , ينفع انوريكا يكتب برنامج وهو بيعمل عمليه جراحيه لمريض بيموت ؟؟؟

وأخيرا : "مَّا جَعَلَ اللَّهُ لِرَجُلٍ مِّن قَلْبَيْنِ فِي جَوْفِهِ" يعني المثل موثق في القرآن حد عنده اعتراض ؟؟

وَلاَ تَهِنُوا وَلاَ تَحْزَنُوا وَأَنتُمُ الأَعْلَوْنَ إِن كُنتُم مُّؤْمِنِينَ

هذا الموضوع مغلق.

مواضيع مشابهة

عدد الزوار حالياً

المتواجدون خلال آخر دقيقتين · يتحدّث كل ٣٠ ثانية

—الإجمالي—أعضاء مسجّلون—زوار بدون تسجيل

جارٍ التحقق من المتواجدين…