السلام عليكم ورحمة الله وبركاته
أخوانى الاعزاء ده برنامج صممته عشان يدمج ملفين صوت مع بعض بملف واحد ونقدر من خلال الكود نتحكم فى جودة الصوت طبعا هتشوفو البرنامج مفيش فيه اى ازرار ولا قوائم لان انا صممته عشان يقود بدمج ملفين الصوت اوتوماتيك لانى صممته عشان اشغله على بيئة عمل اسمها envox وهيا تستخدم فى برامج ال IVR عشان كده المستخدم مبيعملش اى تحكم فى البرنامج لانه يتم تشغيله عن طريق امر shell من داخل ال envox فيه القيم اللى اول ما هنعملها passing parameters جوا البرنامج من خلال ال envox هيبتدى يشغل البرنامج اوتوماتيك ويعمل save كمان بأسم معين بيدخل برضه للبرنامج عن طريق أمر الشل . طبعا البرنامج ده شغال لملفات الويف بس .
هتلاقى جوا الكود 3 متغيرات ss & gg &path
المتغير ss و المتغير gg دول عبارة عن مسارين ملفين اى ملفين فيهم الملفات اللى هتشتغل مع بدايه تحميل البرنامج فطبعا انتا هتحط اى مسارين فى جهازك جواهم ملفات ويف
والمتغير التالت اللى هوا path ده اللى هيتم حفظ الملف اللى هيتم عمل mix ليه جواه .
وعشان تشغل البرنامج هتروح على الدوس
c:\ exe path 1.wav 2.wav 3.wav
1 - exe path ده مسار ملف ال exe بتاع البرنامج
2 - 1.wav هوا اى ملف صوت داخل المسار الاول ولازم تكتب مع اسم الملف الامتداد
3 - 2.wav هوا اى ملف صوت فى المسار التانى gg وبرضه لازم تكتب الامتداد ويف
4 - 3.wav هوا الاسم اللى هيتم بيه حفظ الملف بعد عمليه التسجيل
البرنامج شغال بتايمر مدته 60 ثانيه بعد اما يعدى ال 60 ثانيه يبتدى يقفل اوتوماتيك ويقوم بحفظ الملف
اسف على الاطاله بس حبيت احط فكره جديده جربوها وان شاء الله هحول البرنامج عشان تتحكموا فيه بالازرار