السلام عليكم ورحمة الله وبركاته
انا اخيكم هانى من منتدى الفيجوال بيسيك
وده اول طلب ليا فى هذا القسم وارجوا ان تساعدونى
انا عندى هارد40 WD ومن يومين وقع منى على الارض وبعديها جربته وعملتله سكان وما لقيتش عليه اى مشاكل ولكن لاحظت انه بيعمل صوت عالى شوية ولكنه مش صوت كركبه وانما صوت زى صوت موتور بيلف بسرعة كبيرة جدا عموما هو صوت مش ملحوظ
بعد كده خدته عند واحد زميلى (بس ما لحقتش اركبه عنده) ولما ركبته عندى تانى لقيته بيعمل صوت كركبة وخبط عالى جدا وكأن البرة بتتحرك وترجع لمكانها مرة اخرى بسرعة وطبعا الجهاز ما بيقرأهوش خالص :wacko: :blink: :wacko:
ولما ما لقيتش فايدة فكيته ولقيت بالفعل الابرة بتتحرك حركة بسيطة جدا (حوالى نصف مسارها الطبيعى) وبترجع تخبط مكانها تانى وده اللى بيعمل الصوت
فكيت الابرة وركبتها تانى ولقيت الصوت شبه اختفى وحركة الابرة طبيعية الى حد ما
بعد كده لقيت الجهاز بيقرأه فى البداية 200mb ثم يقرأه 80GB ولكن الويندوز ما بيفتحوش خالص
جربت EZ ,patition magic , disk manager وكلهم ما بيقرأهوش خالص او بيدوا رسالة error
حاولت اقسمه بال win xp setup ولكن بيدينى رسالة
can not access this disk
وانا الان اريد ان اعرف هل يوجد حل لهذه المشكلة ؟ واذا لم يكن هناك حل هل توجد اى طريقة لاستعادة البيانات اللى كانت عليه؟؟
وايضا اذا كان الهارد اشتغل تمام بعد وقوعه فما سبب المشكلة ؟ وهل من الممكن ان تكون مشكلة فى بوردة الهاردام عيب ميكانيكى؟؟
وايضا كنت بالاحظ من فترة ان البوردة بتاعته بتسخن جامد حتى لو اشتغل 5 دقائق فما السبب؟
انا اسف للاطالة عليكم وارجو ا ن تساعدونى
وفى انتظار ردوردكم :rolleyes: والسلام عليكم