سؤال بسيط فى دراسة الشبكات

شوف يا ريس

شكلك من مصر و انا حتكلم من هذا المنطلق

لو انت في مصر ارخص و افضل مركز هو intelligent في هليوبوليس و الكورس فيه لل mcse بحوالي 1200 جنيه شامل الموكات طبعا على بي دي اف و ساعات عملي غير محدودة بس الامتحان عندهم لانه برومتريك ب 450 جنيه اما السيسكو ccna ب 500 و الامتحان ب 1050

في مراكز اخرى في مصر الجديدة و مدينة نصر مثل مصر ليرن و يات و ميدكوم و غيرها من المراكز و دي اسعارها بين ال 2000 الى 3500

ثم عندك نيو هورايزون الكورس ب 9200

فوجيتسو او icl سابقا ب 6500

لو انت مش عارف حاجة انصحك ب mcse

او تاخد كورس اساسيات شبكات في اي مركز الاول و ده بحوالي 180-350 جنيه حسب المكرز و الكورس

ثم تتكل على الله بعدها في ال MCSE

و اي خدمة

اشطة يا busbar متشكر اوى

بس على فكرة انا فعلا من مصر

بس السؤال المهم عندى اوى شهادات n+ " mcse وشهادات سيسكوا فى الشبكات

تكفينى فى مجال العمل يعنى الحاصل على الشهادات دى مطلوب فى سوق العمل

وشكرا للجميع

انا مش عارف تخصصك ايه

لو انت مهندس كومبيوتر او باور زي حالاتي انا ابتديت بال mcse لانه مطلوبة جدا

لو انت مش واخدها حتشتغل في اي شركة بين ال 500 الى 1000 جنيه

لكن اما بتاخدها و تتجعص كده اقل مرتب 1000 الى 2000حسب الشركة

و هي مطلوبة جدا

لو انت تخصص اتصالات يبقا عليك بال سيسكو لانها مطلوبة جدا لمهندسي الاتصالات

اما لو انت خريج تجارة و من هاويين الكومبيوتر برضوا ال mcse تلعب معاك شغل جامد و فعلا هي مطلوبة

اقتباس

لكن اما بتاخدها و تتجعص كده اقل مرتب 1000 الى 2000حسب الشركة

ابقي قبلني ....!!!!!!!

ليه بس يا عم يونس كده

نتقابل فين باذن اللهّّّّّّّّّّ!!!!!!!!!!!!!!!

شكلك كدة يا basbar دايس فى الحاجات دى انا فى 4 تجارة فعلا و كنت عايز اظبط اى كورس شبكات لانى بهواها فعلا

فطبعا مش عايز اصرف الوفاااااات على الكورسات منغير ماتكون جايبة همها مش كدة علشان كدة بسالكم تانى

خريج تجارة ينفع يشتغل فى الشبكات و مطلوب فعلا ولا اية

واسف على التاخير

trust me you can do i if u r a guru

to believe me lambergen (if i spelled the name correct) one of the biggest gas company in the world the it manager of egypt branch from tegara but he is a MCSE certified

trust be but u have to study hard

we bardo el mortabat 3laya ya3m sad2ny

no one will ask u about the BSC degree they will ask u about the certificate and things u can do

اقتباس

لكن اما بتاخدها و تتجعص كده اقل مرتب 1000 الى 2000حسب الشركة

ابقى قابلنى انا كمان مش يونس بس :D

يا جماعة نحدد ميعاد و نتفق و نشوف نتقابل كلنا فين ههههههههههههههه

و الله انت نكتة يا busbar و متفائل موت ...

اقتباس

يا جماعة نحدد ميعاد و نتفق و نشوف نتقابل كلنا فين ههههههههههههههه

حبيبي ما احنا مع بعض في المنتدي اهو .. و لا مش كفاية ..

اقتباس

one of the biggest gas company in the world the it manager of egypt branch from tegara but he is a MCSE certified

trust be but u have to study hard

we bardo el mortabat 3laya ya3m sad2ny

no one will ask u about the BSC degree they will ask u about the certificate and

انا موافق علي الكلام ده .. و كمان ممكن تشتغل في ال GAS Companies لو معاك الابتدائية بس ..

بس بشرط واحد بسيط لازم يتوفر معاك .. ان تكون معاك واســـطــــة !!!!!

متزعلش من الكلام بس دي الحقيقة المرة .. اللي هتقبلها .. اكيد هتقبلها بس فين !! .. اكيد مش في المنتدي ..

و تحياتي ..

اشطة كدة اوى مش عارف ققولكم اية بس انتوا عارفين الموضوع دة علشان ادرش فية كويس محتاج بتاع 30000 جنية

وطبعا مش عايز ادفعهم و فى الاخر اعلق الشهادات دى فى البيت

وخصوصا انى مش خريج حاسبات

اروح اتجووز بيهم احسن مش كدة

ولا اروح اخد ال mous و خلاص اهى تبع تجارة و وربنا يوفق

مش busbar بس اللى نكتة ده vampir124 زى العسل ..

اقتباس

عارفين الموضوع دة علشان ادرش فية كويس محتاج بتاع 30000 جنية

وطبعا مش عايز ادفعهم و فى الاخر اعلق الشهادات دى فى البيت

طبعا الموضوع ده حيبقى وافق عليك بخسارة الجواز أحسن بكتير :D ...

المشكلة يا اخى مش كفائة الشهادات ولا مسميتها ولا حتى مستوى اللى بيجتاز أمتحانتها المشكلة فينا احنا و فى فهمنا الغلط لمجال الــ IT و كمان الجنون و التعصب ناحية الألقاب و الدراجات العلمية من بكارليوس هندسة لتجارة و هكذا ..

وافقكم الله لما فيه الخير ..

شكرا يا جماعة على ردكم السريع و واستجابتكم معايا

وربنا يوفق الجميع

كدة بقى خلاص مفيهاش كورسات الى عندوا عروسة عايز يخلص منها يبعت

والله موضوع جميل وربنا يبارك فى اهل مصر ويكثر من أمثالهم .

لكن انا عندى سؤال انا طالب بالفرقة الرابعة نظم معلومات حاسب وغن شاء الله ناوى ادخل الشهادات الخاصة بتخصص البرمجة .

فسؤالى أيه الفروق بين الشركات اللى ذكرها الأخ busbar يعنى ادخل فين احسن مكان واتعلم فيه ويشرح كويس .

والله انا كنت عارف بس كيت وقولت شكلها حلوة لكن الأخ busbar قال شركات كثيرة جداً فى أرخص وأغلى فانا عايز اعرف الفرق بينهم . ياريت التوضيح يا جماعة اخوكم مصرى برده .

وبعد ما تقولى الفروق تقولى رايك انت تنصحنى بأنى شركة من واقع معرفتك لهذه الشركات .

وياريت توضح لى مسالة الأمتحان ديه بالذات ؟ ايه نظمها يعنى . والكتب بى دى أف بس ولا كتب عادية تاخذها وكده يعنى .

وشكراً

انا حتكلم عن الشركات التي لي احتكاك بها و سابق معرفة اما شخصيا او من الاصدقاء و المعارف

intelligent جيد جدا لو حتدرس mcse او mcad/mcsd جميل جدا و الانستركتورز هما اللي فاتحين المكان (يعني اصحاب المركز)و ممكن تيجي في اي وقت و تقعد في المعمل معاهم و يساعدوك و يشرحلوك بدون اي مبالغ اضافية بس عيبه لو حتدرس سيسكو لانهم يعطوك ال simulator بتاع الراوترات و غيرها ممكن ده يكون كفاية لوالواحد فاهم او يمكن كل المراكز بتعمل كده بس ده عيبهم.

نيو هورايزون ممتاز ايضا بس عيبه ان اي ساعة اضافية انت عايز تحضرها ب 50 جنيه و سعره غالي بس عدد الحضور في المعمل اقل بكثير يعني لا يتجاوز 5 مقارنة ب 15 الناحية التانية.

icl هو جولد بارتنر لمايكروسوفت و ليهم ميزة خطيرة جدا و هو انه كل المراكز تقول لك انك لازم تنتظر لحد ما يتم تجميع مجموعة بس icl ممكن يديك الكورس لوحدك و دي ميزة ممتازةجدا لو انت مستعجل الكورس هناك ب 6000 جنيه لو طرحت ثمن الموكات و الكتب(4500) تلاقيه زي انتليجنت بس انا مروحتش هناك لانه مدير مبيعات الترينينج بيتكلم باسلوب (احنا مفيش حدا ادنا) و حسسني انه بيبيع بطاطس في السوق و البلدي(بيحلي بضاعته) انا معجبنيش الاسلوب و مروحتش

يات ممتاز و سعره رائع ده غير انه ليك 50 ساعة مجاني و الموكات متوفر (للاستعارة) ده غير انه بتاخدها بي دي اف .

مش حقولك بقا يا كوكو انه في مراكز معينة بتخلي الانستركتور يخش معاك الامتحان و ينجحك مين مين مش حقول لانه ده كلام مش معقول بوصلي و اكلني فول ده خبر شرحه يطول.

بالنسبة للكتب الكتاب الاصلي تمنه 450-600 جنيه بس طبعا المصريين افتكسوا الكوفت لذا عندك مكتبة المهندسين امام هندسة عين شمس او عم عبده امام جامعة القاهرة تلاقي الكتاب متصور زي الاصلي تمام ب 45-60 جنيه و كل المراكز ستعطيك الكتب بي دي اف و انا شايف انه البي دي اف بالنسبة ليا كان كافي الا في مواد معينة كان لازم اقرا من الكتاب و انا بطبق فلا تستعجل و تشتري الكتب الا عندما تحس انه انت فعلا محتاجه

بالنسبة للامتحان في شركتين يوفروا امتحانات مايكروسوفت vue و prometric

الاولى الامتحان فيها ب 50 دولار او 320 جنيه

الثانية ب 45 استرليني او 450 جنيه تقريبا تقوللي ايه الفرق اقولك معرفشي ليه السعر كده غالي اقولك برضوا معرفشي في ناس بيقولوا انه سيرفرات في يو اي اقدم ولا تحدث كبرومتريك علشان كده نسبة النجاح اعلى و كل الاسئلة غالبا بتيجي من تيستكينج بس انا اما روحت امتحن في في يو اي سألت الرجل هناك قالي انه الموضوع حظ بس هو ملاحظ انه فعلا في يو اي اسئلة التيست كينج بتيجي فيها اكتر

انا مش عارف انت عايز تعرف ايه في الامتحانات بس انت بتاخد الكورس استنا الى ان تصل الى 3/4 الكورس و اسأل الانستركتور عن مستواك و ابتدي حل الاسئلة لو لقيت نفسك جاهز ذاكر مرة اخيرة و استعد بالتيست كينج و ال actual test و تروح تدفع و تخش زي الباشا . بس لو سقطت تروح عليك الفلوس طبعا(ده عيبه).

منصحكشي بحاجة معينة الموضوع انت و فلوسك و قرب الاماكن ليك و انت حاسس انه انت مستريح فين. استخر ربنا و اتكل على الله

اقتباس

و استعد بالتيست كينج و ال actual test و تروح تدفع و تخش زي الباشا .

ممكن الأخ Busbar يطلع على الموضوعين دول ؟

/index.php?showtopic=46648

/index.php?showtopic=56163

عزيزي عاشق العلم من الواضح انه انا مضايقك في حاجة لانه كل ما اكتب حاجة تعلق عليها تعليق في غير محله

انا قولت ذاكر كويس و استعد و حتى اسأل الانستركتور و في الاخر استعد بحل الاسئلة التي هي ضرورية لمعرفة نمط الامتحان

ثم نعمل ايه اذا كنا في وسط و مجتمع تغلبت عليه الشهادات (المستوردة) و اصبحنا في مجتمع مطحون بالصعوبات و المعوقات الاقتصادية قبل ما واحد يتفلسف نشوف وضعنا الاقتصادي و سوق العمل ثم نبتدي نتكلم

و على فكرة انا كل اصدقائي العاملين في مجال الكومبيوتر اما مهندسين صيانه او مديري شبكات خريجي تجارة و اداب و في شركات محترمة جدا جدا و ليهم وضعهم و انا اشجعهم (مع اني خريج هندسة كهرباء) لانه اذا اردنا ان ننافسهم فعلينا ان نثبت انه احنا الاجدر او نستخبا لا ان نحاربهم و نبتدي نتفلسف

لي تعليق اخير (مين قال انه الموك و ال Mspress ليست كتب دراسية مع انها على الموقع بتاع ماكيروسوفت studyguide) حتقوللي ايوا يعني بالعربي دليل الدراسة بس هو كتاب و لعلمك كل النقط التي يتم طلب اتريكز عليها و ملاحظات الامتحان تأتي فعلا في الامتحان بس طبعا لا غنا عن الشغل العملي و التطبيق

ثانك يوووووووووووووووووووووووووو

والله يا basbar مش عارف ققولك اية متشكرين على المعلومات القيمة دى

انا نفسى ادرس الشبكات لان زى ما انتى فاهم تجارة دى مش جايبة همها وانا بحب مجال الشبكات

بس زى ما انتا قولت بسال عن مجال الشغل علشان الواحد لسة فى بداية حياتة يغرف يكون مستقبلة كويس

وفعلا زى ما انتا قولت برضة احسن حاجة الواحد يستخير ربنا ويتوكل على الله وربنا يوفق ان شاء الله

ومادام انتا عارف ناس خريجة تجارة وفى فعلا امثلة قدامك شغالين فى الشبكات و خريجين تجارة يبقى الواحد يستخير ربنا ويدرس وربنا يسهل باذن الله

وضاعت علينا فلوس الجوازة حروح اخد بيهم كورسات :D

واشكركم جميعا

اقتباس

انه انا مضايقك في حاجة لانه كل ما اكتب حاجة تعلق عليها تعليق في غير محله

لا سمح الله انا مأعرفكش علشان أضايق منك فى حاجة و حتى لو ده صحيح!ه منتدى علمى مش منتدى مشاكل شخصية ..

و بعدين يا أخى الفاضل بيتهيألى أن تعليقى فى محله لسبب بسيط جدا جدا جدا أنه أغلبية اللى بيقدموا على امتحانات الشهادات العالمية مش بيستخدموا غير التيست كنج و ده فعلا كارثة ..

أنا لما بتكلم على التيست كنج و مشاكله انا قصدى بيها مصلحتك و مصلحة كل اللى عايزين يقدموا على الامتحان و ده حاجة ترجعلهم و ترجعلك أنا مش خسران حاجة لو أستخدمته او لا بس انا بخلص زمتى قدام ربنا و بنصح أخوانى بما يمليه عليا ضميرى هى ده المسألة كلها ..

و لو أنت واثق من نفسك جدا فى علوم الشبكات ومتاكد أن اللى انت بتعمله صح لاستخدامك التيست كنج ومتأكد أن خطتك اللى انت واضعها للدراسة بتديلك اللى انت عايزه من الشهادة مفيش أى مشاكل ده حريتك و مشكلتك أنت لكن وجبى كخبير شبكات فة المنتدى أنص اى واحد مقدم على الامتحان بعدم اللجؤ للتيست كنج نهايئا و ده مجرد نصيحة بس تقبل أو لا تقبل ده حريته الشخصية ..

اقتباس

انا قولت ذاكر كويس و استعد و حتى اسأل الانستركتور و في الاخر استعد بحل الاسئلة التي هي ضرورية لمعرفة نمط الامتحان

لو فعلا الشخص اللى مقدم على الامتحان ذاكر كويس مش حيبقى فارق معاه شكل أسئلة الامتحان لأنها حتتجاوب حتتجاوب ..

اقتباس

ثم نعمل ايه اذا كنا في وسط و مجتمع تغلبت عليه الشهادات (المستوردة) و اصبحنا في مجتمع مطحون بالصعوبات و المعوقات الاقتصادية

ايه جاب سيرة الشهادات المستوردة و المحلية ؟..

و بعدين الموضوع مش خد شهاداة من أى شركة عالمية بأى طريقة علشان احنا مجتمعنا مطحون و حالتتنا الاقتصادية متدهورة و هو ده اللى بيمشى ..

العملية عمرها ما كانت كده و الاولى للى بيفكر كده أنه يروح يتعمله مهنة تانية غير هندسة الشبكات أو أى مجال من مجالات الكومبيوتر ..

اقتباس

قبل ما واحد يتفلسف نشوف وضعنا الاقتصادي و سوق العمل ثم نبتدي نتكلم

انا مش حرد عليك فى النقطة ده لانى برفض أسلوب السخرية و مش بحب أزعل حد منى بالكلام ..

اقتباس

و على فكرة انا كل اصدقائي العاملين في مجال الكومبيوتر اما مهندسين صيانه او مديري شبكات خريجي تجارة و اداب و في شركات محترمة جدا جدا

ربنا يوفقهم و انا مش ضد أن اللى يشتغل فى مجال الكومبيوتر يبقى خريج اى كلية تانية أيا كانت بس دول أكيد تعبوا أوى علشان يوصلوا للمراكز المرموقة اللى هما فيها مش دخلوا أى امتحانات فى أى حتة و لاى شركة علشان يشتروا اسم و شهادات بالفلوس و خلاص ..

اقتباس

(مين قال انه الموك و ال Mspress ليست كتب دراسية مع انها على الموقع بتاع ماكيروسوفت studyguide) حتقوللي ايوا يعني بالعربي دليل الدراسة بس هو كتاب و لعلمك كل النقط التي يتم طلب اتريكز عليها و ملاحظات الامتحان تأتي فعلا في الامتحان بس طبعا لا غنا عن الشغل العملي و التطبيق

و مين جاب سيرة الــ MSPress فى الموضوع بس هو انت لو مش حتستخدمه أمال حتذاكر منين ياريت تعليقك يكون مبنى على موجود ..

جزاكم الله خيراً يا جماعة ،

وجزاك الله خيراً busbar و عاشق العلم أنتم اساتذتنا ونحن نتعلم منكم ربنا يبارك فيكم .

وشكراً على المعلومات القيمة . لكن ما رأيكم بشركة كيت ؟

اولا استاذنا و حبيبنا كلنا عاشق العلم.

انا لا اقصد ان اتريق عليك او حاجة لكن انا اختلف معاك و الاختلاف لا يفسد للود قضية كما تعرف.

للعلم انا اشتغلت بقالي 4 سنين ك network administrator و اعرف تماما ما تقلوه حقولك ليه

انا روحت في شركة محترمة جدا جدا جدا فوق ما تتصور من قيمة شهر و كنت في منتصف كورس ال mcse و لقيت ال it هناك واخدها و اخر حلاوة قولت بقا الواحد اهو لقا واحد واخدها اما نستفيد منه و نستشيره..صدق او لا تصدق مش عارف يعمل create user في الدومين مش عارف حتى يخش ازاي

انا فاهم قصدك تماما وواعي له و لو مكونتش عامل كده مكونتش استعديت بشبكة عاملها في البيت خصيصا للتجارب و اغراض الدراسة و مكانشي حصلي الصداع النصفي اللي اعاني منه الان

بس انا برضوا بعد ما انتهي تماما اذاكر برضه تيست كينج و يو سيرتيفي مش حخسر حاجة زيها زي سلاح التلميذ و غيرها من الاجوات التي اعتمدنا عليها في الثانوية العامة

متزعلشي مني بس انا شايف انه في هجمة على تيست كينج دي مش غلطتهم دي غلطة الجهابذة اللي فاكرين انه ده الحل

---------------

بالنسبة لكيت معنديش فكرة عنه خالص و لا عندي فكرة عن اسعه بس حتلاقيها كلها في الرينج

---------------

فلوس جوازة ايه بس اللي طاروا يا عم كلهم 10 الاف جنيه و يروحوا لحالهم بس حتستردهم بعدين

بص بالنسبة لكيت انا حاسس انها شركة اى كلام و ضحك على الدقوون والله واعلم بس الى انا متاكد منوا انها مش بارتنر لميكروسوفت اصلا

بس مش عارف ازاى بتقول انها بارتنر لميكروسوفت

ويرضة اتاكد من الوصلة دى

http://directory.microsoft.com/mprd/

وانتا تعرف المعتمد من الى مش معتمد

اقتباس

اولا استاذنا و حبيبنا كلنا عاشق العلم.

انا لا اقصد ان اتريق عليك او حاجة لكن انا اختلف معاك و الاختلاف لا يفسد للود قضية كما تعرف.

حصل خير بس الأسلوب يبقى مختلف شويا أنا ولا بتفلسف ولا حاجة انا بقول حاجة انا شايف أن ضميرى راضى عنها و بس و ربنا يوفق الجميع لما فيه الخير ..

اقتباس

بس مش عارف ازاى بتقول انها بارتنر لميكروسوفت

الناس ممكن متكنش غلطانة ولا حاجة ده من أحدث الألاعيب اللى بتستخدمها المعاهد هو ممكن فعلا يكون partner لمايكروسوفت مفيش اى مشكلة فيها بس المشكله لانه ممكن يكون Partner بيع منتجات ..

اللى انا أنصحك بيه أنك تاخد الشهادة من Microsoft Education Center و دول تقدر تشوفهم فى الرابط اللى انت مدخله وربنا يوفقك ..

شكراً قوى يا جماعة .

وممكن رابط سريع ل Microsoft Education Center ؟

وانا دلوقتى عايز الخلاصة ؟ علشان كده انا أحترت معاكم . فممكن اسمع جواب نهائى شركة تكون كويسة وحد دخل فيها وأيضاص فلوسها كويسة مش جامدة قوى ولا رخيصة قوى أى كلام متوسطة يعنى . وشكراص يا جماعة . وأرجوا بوضع خلاصة الموضوع بأسلوب جميل بلغة عربية فصحى حتى إذا أحد دخل الموضوع يستفيد منه فى الآخر ويطلع منه بثمرة .

وشكراً فعلاً مصر لسه فيها خير . :) :)