أنا و أحمد الوليد و البوفيه

احم اندو مش طبق مالك ده اللى كان احمد بياكل منه فى اخر محاضرة لمالك حتى انت كنت مستغرب وياى سوفاج :P

بالمناسبة اخبار الرز ايه؟ :P

إيه يا عم اندو هو فى تار بينك وبين الطبق إلى فى إيدك, شكلك زعلان منه اوى ومش ناوى ترحمه.

وعلى فكره لما يكون عندنا مؤتمرات كمبيوتر هنا فى السويد, الاكل بيكون فى قاعه تانيه غير قاعة المحاضرات, لانه معروف إن الاكل بيشتت افكار المحاضر وبيخليه مش عارف يكلم. وطبعاً بالتاكيد بيشتت المستمعين وبخلى المحاضر فى وادى والستمعين فى وادى تانى.

وبالمناسبه معلومه بسيطه جداً عن الشعب السويدى:

شعب متحضر فى كل حاجه, ومهذب ومحترم بشكل مخيف, واول ما البوفيه يتفتح!!! عينك ما تشوف إلا النور.

:lol: :lol: :lol:

أنظر الى عنوان الموضوع أجد "أنا و أحمد الوليد" ثم أنظر على اسم الراسل أجده undo ، قلت في بالي "هو الواد جاله انفصام في الشخصية ولا ايه؟؟ :wacko: " أتاري ان أحمد الوليد بتاع المؤتمر ظهر على حقيقته ;) بس متخفي في شخصية undo

اقتباس

مش أومليت بيض و بس يا محمد يا عبد العليم

الحقيقة ان الموضوع ليس لأني أحب الأومليت فقط، بل لأن الأومليت هو الذي اجده فقط بعد عدة محاولات لاصطياد أي حاجة تصلح للأكل :o فلا أجد أمامي غيره...

ان شاء الله صحة يا اندو

عالأقل في بوفيه مفتوح ..

آخر ندوة حضرتها هون بسوريا , كانت شوكولا ونسكافيه عالماشي

أييه ياعمي .. العز للرز

لو كنت خليتك مع اندو او فتحى ياعبد العليم كانوا ظبطوك اكل وكله :P

أنا كنت ديم مقضيه أمليت زي محمد

أنا كنت بروح قى أخر البوفية و كان ياعني البيض كله بيبقى موجود مفيش حد بص له

أما فى الغداء كنت بروح على الحلويات لان الناس بتكون شغالة على التقيل

على العموم الحمد لله أن المؤتمر خلص بدون خسائر فى الأرواح

لان فى حاجات فى البوفية أتكسرت :)

:rolleyes:

اقتباس

على العموم الحمد لله أن المؤتمر خلص بدون خسائر فى الأرواح

لان فى حاجات فى البوفية أتكسرت

انا بيهايئلي ان اكتر الخسائر كانت في البدل لأني شفت الناس في البوفيه كل واحد كانت بيأكل بدلة اللي قدامه

وبعد ما كل واحد ياكل يبدأ ينظف في البدلة :(

أندو :D

يا جماعه اغلب الغزوات اللى قمت بيها مع اندو على أطباق البوفيه كان اندو واخد حقه تالت و متلت ،، ده كان بيحط الجاتوه على الفراخ البانية فى نفس الطبق :D

احم ....

إن الله حليم ستار :D

الله يفضحكم :lol: :lol: :lol:

يا جماعة أنا مش قولتلكم محدش يتكلم في مواضيع البوفيه علشان ماحدش يفهمنا غلط ;)

لأ بقى وبمناسبة ان كل واحد بيمسح لى بذلة اللى قدامة انا اكتر واحد شاهد واسالوا pumpo كان شغال لى ياور فاكر يا بامبو

وبعدين ياسى تتحى مش اندو لواحده كان بيحط البانية على الملوخية كان فيه ناس بتاكل من الصوانى على طول وعلى ماتبلع تحط شوية فى الطبق.

احم نرجع للموضوع الاولانى:

ان الله حليم ستار

اقتباس

احم اندو مش طبق مالك ده اللى كان احمد بياكل منه فى اخر محاضرة لمالك حتى انت كنت مستغرب وياى سوفاج

بس انا استأذنت الأول .. المصور قال لي: "اتفضل" .. اقول انا لا بعديها يعني؟؟

اقتباس

الاكل بيكون فى قاعه تانيه غير قاعة المحاضرات

هو فعلاً كان في قاعة تانية.. لكن المحاضر كان واخد طبق معاه .. اعتقد الطبق بيوصل له لغاية عنده..

اقتباس

شعب متحضر فى كل حاجه, ومهذب ومحترم بشكل مخيف, واول ما البوفيه يتفتح!!! عينك ما تشوف إلا النور.

:D :D :D .. لا ما يهمكش . .. لو التحضر على هذا المقياس يبقى انا اخد 10 من 10 .

اقتباس

بل لأن الأومليت هو الذي اجده فقط بعد عدة محاولات لاصطياد أي حاجة تصلح للأكل

اقتباس

أنا كنت ديم مقضيه أمليت زي محمد

عارف طبعاً .. غلبان يا بني .. كنت قلت لي و انا اشوفك معايا.. (في الحقيقة مكنتش هاعبرك :D :D .. يعني اكل و لا اجيب لك)

اقتباس

ده كان بيحط الجاتوه على الفراخ البانية فى نفس الطب

يا راااجل حرام عليك.. انا كنت اضع الجاتوه في نفس طبق الاكل بعد ان انهي عليه.. يعني مش كله فوق بعضه..

احنا ناخد حقنا في الاكل >>> ايوة

نعك ده فوق ده >> لا .. :D :D

و بعدين انت شريكي في هذه الجريمة و لا نسيت يا ميدو;)

اقتباس

جماعة أنا مش قولتلكم محدش يتكلم في مواضيع البوفيه علشان ماحدش يفهمنا غلط

:unsure: :unsure: .. انا حسبتها في دماغي و قلت اللي هيقرأ الموضوع واحد من اتنين:

1. واحد من اللي باعتبرهم صحابي و بالتالي لن يفهمني غلط

2. واحد من غير اصحابي و بالتالي رأيه لا يهمني مادام صحابي فاهمني

بالمناسبة الفئة الأولى تمثل المنتدى كله الا واحد بس(بس مش هاقول مين :P(

مين مين هه هه؟ :P

السلام عليكم

اقتباس

مين مين هه هه؟

اكيد undo نفسه.....لاحظ كده....

اقتباس

أنا و أحمد الوليد

وكمان لاحظ....

اقتباس

على عكس المعلم الكبير اللي اسمه احمد الوليد:

في الحقيقة اعتقد انه واخد الموضوع تحدي و ان الشباب كانوا بيتعلموا منه .عمري ما اشوف طبقه الا و هو فارغ و السبب بسيط: انه بياكل من الصواني مباشرةً.

مهما طلع متأخر من محاضرات و مهما كان البوفيه مزحوم تجده يدفع و ينسل و يهاجم و يتدافع حتى يصل إلى أشهى الصواني و المأكولات (مش أومليت بيض و بس يا محمد يا عبد العليم ).

ده انا مرة ظبطته و هو بياكل من الطبق المخصص للمحاضر "مالك كمّو" في اخر محاضرة في اخر يوم و قعدت اقوله "طب سيب له حاجة" و يرد و يقول : "لو كان عايز ياكل فلماذا يترك طبقه حتى هذا الوقت، لأ و كمان امامي؟"

وفي الأخر ... انتوا عالم ذي العسل

والسلام عليكم

يا جامد يا احمد يا سامح .. :D :D

دي بنسميها عندنا دماغ متهندسة..;)

بسم الله الرحمن الرحيم

الأخوة الكرام

السلام عليكم ورحمة الله وبركاته

الأخ undo

بصراحة اسلويك القصصى جميل وتتمتع بخفة دم مصرية فعلا (اهئنك عليها :D )

ولكن أخى الكريم

هل فكرت اكثر واكثر فيما تكتب ..؟؟

هل فكرت انك بهذه المقالات تعطى صورة غير صحيحة عن مصر وشباب مصر

هل فكرت انك بهذا المقالات تجعل البعض يظنون ان هم الشباب المصرين من حضور هذه الندوات والمؤتمرات هو الأكل فقط ....

الكثير من الأخوة العرب او غيرهم يدخلون هذا المنتدى ربما يقرأون قصتك هذه ويضحكون ويرسخ فى ذهنهم انا هذا هو طبع الشعب المصرى وهذا هو همه الأول

ولى تجربة مع أحد أصدقائى ( من دولة الأمارات ) وعندما كنا نتكلم فى مصر وخطتها لتطوير تكنولوجيا المعلومات وهدف مصر وهذه الشركات من هذه الندوات والمؤتمرات

كان رده ..... هو إطعام الشعب المصرى الجائع

واعطائى رابط مقالتكم الكريمة السابقة عن هذا الموضوع :angry:

بالله عليك ( حتى ولو كان هذا فعلا حقيقة وتحدث ) لماذا نفضح انفسنا بأيدنيا ؟؟

لماذا تعطى صورة سئية عن المصرين ...؟؟

حتى ولو كان يحدث اسؤا من ذلك فلا يصح ان تكتب هذا

انت بهذا تشوه صورتنا وربما هناك الكثرون( غير صديقى الأماراتى هذا ) ترسخت فى عقولهم مقالتك وأصبحت هذه الصورة راسية .... من الصعب زوالها .

تجمل ياخى .... اكتب النقاط الجميلة التى رايتها ..تحدث عنها

أعطى صورة جميلة عن بلدك .... وهذا هو اقل حقوقها عليك

ليس من الضرورى ان تكون مصر اغنى دولة فى العالم او اجمل دولة فى العالم حتى نحبها.

وارجو منك ان تطلب من المشرفين ان يحذوا هذه المقالات وصور الأكل

بدلا ان يقوموا بحذف مشاركتى هذه( وهذا بصراحة شىء اتوقعه :D )

مشاركة مصرى غيور على بلده

والسلام عليكم ورحمة الله وبركاته

السلام عليكم

NOURHASSANIEN أولا شكرا لمشاركتك معانا

و انا هحاول اوضح الامر شوية B)

اى حاجة بتتحط فى الموضوع ده هدفها المزاح مش اكتر ،، و للعلم بالشئ يا مصرى يا غيور احنا المصريين كنا فى المؤتمر بنتعامل بسلوك حضارى جدا جدا حتى فى البوفيه .. يعنى مش هتلاقى هجوم ولا حاجة بالعكس كان فيه نظام من الناس نفسها من غير اى الزامات او اوامر ..

فالمصريين متحضرين بالفطرة B) و بعدين يا سيدى قول لصديقك الاماراتى لو كان مستقبل الامارات فى البرمجة اكبر من مستقبل المصريين (الجائعين حسب وصفه) مكنتش ماكيروسوفت هتعمل المؤتمر بتاع الشرق الاوسط كل سنه فى مصر .. كانت هتعمله فى الامارات (h)

و يا سيدى احب اذكر لك ان اندو و انا و osos.eg قابلنا مبرمج يونانى جاى مصر مخصوص عشان يحضر المؤتمر فى مصر و كان سعيد جدا بمصر و المصريين .. لأن الكل متحضر :)

اللى قصدى اوصله لك ان كل الكلام اللى هنا على سبيل الهزار B) لكن الواقع بيقول ان مصر مليانه عقول متحضرة يشهد بيها كل الزوار .. يا راجل ده كل المحاضرين بتوع مايكروسوفت امريكا كانوا فرحانين ان المؤتمر فى مصر B)

و ننتظر رد اندو

و اسف على الاطاله

السلام عليكم

الموضوع قد يفهم خطأ فعلا يا نور ... ولكن احتمال حدوث هذا ضعيف...

لان الموضوع واضح انه هدفه الدعابة والمزاح ... صحيح هو مزاح شديد و في موضوع حساس وقد يسبب الحرج.

وفي اعتقادي ان صديقك الاماراتي يستعمل الموضوع بسوء نيه واضح أو أن جهله مطبق.

وللأسف الشديد :( :( أنه درءا لهذين الاحتمالين القائم توافرهما في اي شخص فأنه من الافضل عدم وجود مثل هذه المواضيع اللذيذة.

وأعتقد ان undo سيتفهم هذا.

وشكرا علي التنبيه المهم.

والسلام عليكم

اقتباس

أخي نور حسنين،

أعتقد أن كلامك يقصد قصتي السابقة و ليس قصتي الحالية لأن قصتي الحالية تسخر من شخصي فقط.

فلنناقش موضوعي السابق هنا:

أنا اتفق ان كلامي وضح سلبيات موجودة عندنا.

السلبيات على رأسها: اللانظام.

أما حكاية البوفيه و الاكل فهي الدليل على ذلك و ليست هي السلبية بحد ذاتها.

يعني لو قرأت كلام احمد غريب في هذا الموضوع ستجد ان اكثر الشعوب تحضراً (منهم السويديون)لا يجدون مشاكل في الاكل حتى الشبع في المؤتمرات و كأنها موائد للرحمن عندنا. أما الهرج و المرج الذي حدث في مؤتمر مايكروسوفت للحلول فلم يتكررفي مؤتمر الMDC بسبب ان العملية كانت منظمة في الMDC، فالحضور هم نفسهم (باستثناء ان أحمد الوليد حضر الMDC و أكل و انبسط و undo حضر مؤتمر الحلول و لم يذق الأكل:D).

النقطة الثانية: هل من حقي ان اناقش سلبيات بلدي هنا في المنتدى؟

الاجابة: طبعاً, و لو قلت ان الوضع في مصر تمام و كله ايجابيات. الأعضاء هيقولوا على طول اني أمن دولة و يطردوني :D.

النقطة الثالثة: الأكل:

أنا اول من يعترف اني بعد 5 ساعات من المجهود الذهني في المحاضرات فإن عصافير بطني كانت بتزقزق (و كلابها بتنبح على رأي الانجليز :D) و اني بأكون ميت من الجوع. هل ده فيه اي سلبية؟ هل انا طفس ؟ (اتمنى ان تجيب بلا :D)

ناس كتير فاكرين انك تكون على طبيعتك امام الغرباء شئ مكروه.

انا على العكس أرى اذا كنت تتصرف على طبيعتك امام اصدقائك و اقربائك فيكون من باب اولى ان تظهر بهذه الطبيعة امام الغرباء (الا اذا كانت هذه الطبيعة هتضايقهم طبعاً. يعني لا يصح انك تاخد واحد تعرفه بالعافية بالاحضان لمّا تغيب عنه فترة).

الناس بتعمل كدة حتى لا ياخذ الناس عنهم فكرة سيئة و يظنون انهم لو تصرفوا باكبر قدر من الرقي امام الغرباء سيتركون انطباعاً حسناً لديهم.. بالله عليك, حبايبك و صحابك اللي بتاخد راحتك تمام معاهم اولى بانك تحاول ترك هذا الانطباع لديهم ام هؤلاء الغرباء؟؟

في احد المرات تأخر اقلاع الطائرة 6 ساعات و قدموا لنا الوجبات و نحن على ارض المطار بحيث كل 6 يجلسون لنفس الطاولة..

الوجبة لكل فرد كانت مكونة من ربع دجاجة و مكونات اخرى..

على طاولتي، لاحظت ان الكل يستخدم الشوكة و السكينة لأكل الدجاج و طبعاً لا اعرف كيف.. انا مديت يدي و بدأت بتقطيع الدجاج بيدي - الطريقة التي نتبعها جميعنا في بيوتنا الا اذا كنت من احفاد الباشوات :D :D

هل تعرف ماذا حدث؟

3 من اصل ال5 على الطاولة قلدوني.. لأنهم في البداية كل واحد فيهم كان فاكر انه لو مد ايده في الاكل الكل هياخد عنه الانطباع بانه همجي.

و ده اللي اقصده بانك تكون على طبيعتك.

عندما قال لي محمد عبد العليم في الMDC أنه لا داعي لذكر حكاية الأكل في المنتدى ظننت انه يبالغ..

الصورة التي أخذتها و انا التهم الطبق التهاماً واضح جداً انها تمثيل في تمثيل..هل فعلاً تعتقد ان هذا الموضوع جد و ليس مزاح ؟؟ (لو الاجابة نعم يبقى لا ترد حتى لا تحرجني :D)

كما قلت من قبل:: انت لا تصدق لكم اعتبر هذا المنتدى اصدقائي و عائلتي .. و امام اصدقائي و عائلتي يمكنك دائماً الكلام بسخرية و تاخد راحتك على الاخر أمّا الغرباء الذين لا اعرفهم و بالكاد يزورون المنتدى فلن اهتم بأن اظهر امامهم شخص راقي اعرف اصول الاتيكيت و معايا شهادة مايكروسوفت في الاكل بالشوكة و السكينة

اقتباس

بدلا ان يقوموا بحذف مشاركتى هذه( وهذا بصراحة شىء اتوقعه

نحن هنا لا نحذف اي مشاركات يا حبيبي .. نحن نقوم بحذف الاعضاء من لائحة الاحياء الى قائمة الاموات :D :D (يعني ناقص لك زلطة و تطلع برة ;))

اقتباس

وارجو منك ان تطلب من المشرفين ان يحذوا هذه المقالات وصور الأكل

كما قلت لك, لا نحذف المقالات هنا ..( و الحمد لله انك لست المشرف :D :D(

اقتباس

ليس من الضرورى ان تكون مصر اغنى دولة فى العالم او اجمل دولة فى العالم حتى نحبها

كلامك 100% سليم

كل واحد بيحب بلده تمام زي ما يحب والدته.. انت بتحب والدتك ليس لأنها اجمل امرأة في العالم او افضل ام في الدنيا او انها بتعمل احلى اكل و لكن لأنها والدتك.

(من كلام د. أحمد خالد توفيق)

السلام عليكم

الاخ نور انت ااكيد واحد شباب زينا وحيات ابوك هى مش نقصه نكد ;) ;) الموضوع بسيط جدا وفرى خالص :) واعلم جيد انه بينما يقوم undo بسطر تلك السطور تكون هناك روح مصريه ترفر حوله فتكسبه من الدعابه والمرح مالا يستطيع ان يوصف ( خد بالك ياندو لا متكونش روح تكون عفريت :blink:

على العموم انا سعيد جدا انى قابلت اندو واحمد فتحى فى mdc وعقبال كل ال mdc سيهات اللى جايه

بسم الله الرحمن الرحيم

الأخوة الكرام

السلام عليكم ورحمة الله وبركاته

اولا احب ان اقول كلمة صغيرة

وهو انى لم اقول هذا من باب النكد

اقتباس

الاخ نور انت ااكيد واحد شباب زينا وحيات ابوك هى مش نقصه نكد [/quote

ياجماعة انا لا اقصد النكد فالمصرين بطبعهم يحبون الهزار والضحك وانا مثلكم

ولكن عندما نكون معاً ونتكلم ونضحك يكون هزار

ام

ولكن لا يصح هذا على صفحات المنتدى

فهنا الأمر يختلف .

ياخى Undo اما لم اقل لك تكلف ... إنما قلت لك تجمل

وهناك فرق كبير بين المعنين فهذا الكلام

----------------------كما تقوله -------------------------

الناس بتعمل كدة حتى لا ياخذ الناس عنهم فكرة سيئة و يظنون انهم لو تصرفوا باكبر قدر من الرقي امام الغرباء سيتركون انطباعاً حسناً لديهم.. بالله عليك, حبايبك و صحابك اللي بتاخد راحتك تمام معاهم اولى بانك تحاول ترك هذا الانطباع لديهم ام هؤلاء الغرباء؟؟

-----------------------------------------------------------

هذا هو التكلف

إنما انا قلت لك تجمل

معنى هذا أن تذكر النقاط الجميلة ( بكل صدق ) التى رأيتها فى المؤتمر

كمثال الدكتور احمد حسن الحاصل على MVP فهذا مثال مشرف لنا

والموجود فى هذا الرابط

/index.php?showtopic=56236

مثلا ان تقوم بنشرف ملخص عن جميع المحاضرات التى حضرتها

ان تقوم بنشر التعليقات الجميلة من الحضور ( غير المصرين ) عن مصر واهلها

بكل صدق

اخى Undo

من حقك ان تذكر وتناقش السلبيات التى تراها

ولكن انا اختلف معك فى انك تناقش سليبات بلدك هنا ( ليس هذا هو المكان الصحيح )

ويجب ان تعرف سبب بسيط ليس كل من يدخل المنتدى من المصرين حتى يهتموا او يهمهم ان يعرفوا هذه السلبيات --وممكن جدا ان تاخذ هذه السلبيات بالعكس عليك

(( ولاتؤخذ على سبيل مناقشة سلبيات بلدك))

وهناك كلمة دائما نسمعها عندما يسافر اى شخص إلى الخارج

((( انت سفير لبلدك )))

بمعنى ان اى شىء تعمله يعطى إنطباع عن بلدك

---الحمد لله انا عارف موضوع ونظرية الكل والجزء - ولاتحكم على الكل بفعل الجزء

وكل هذا الكلام :D

واحب ان أقول كلمة صغيرة مصر بلد لها تاريخ -كل محافظة فى مصر وكل قرية لها تاريخ -

وهذا ما جعل مصر دائما موضع حسد وغيرة من جميع العالم

وفى النهاية ارجو ان يكون مقصدى قد وصلكم

واخى Undo بصراحة انا معجب بأسلوبك القصصى فهو جميل ويعجبنى .

والسلام عليكم ورحمة الله وبركاته

اقتباس

ولكن عندما نكون معاً ونتكلم ونضحك يكون هزار

ام

ولكن لا يصح هذا على صفحات المنتدى

هذه هي نقطة الخلاف بيني و بينك..

مرة كمان:: انا هنا بالظبط .. بيني صحابي و حبايبي ..

انت مشترك اقدم مني(باكثر من سنة) لكن عدد ردودك قليل جداً و هذا يدل انك لم تنسجم بعد في المنتدى و اتحداك بعد المشاركة ال100 او ال200 هتيجي هنا تنسجم و تضحك و تهزر زي ما بتعمل مع صحابك في الحياة الحقيقية بالظبط..

بس الجماعة المشرفين ساعتها هيسلخوك تمااااااام :D

أما الأخ makin فكانت فرصة سعيدة حقاً في الmdc لمقابلتك و عقبال الMdcهااااات الكتيييييير اللي جايين ان شاء الله

ممكن انضم يا اخ undo و اكون من اصدقائك