شكرا على الدروس ...
قد أ كون إنضممت متأخر للدروس ....و لكني متحمس...لهذة الدروس الرائعة
واصل...و جزاءك الله خيرا
و أعتبرني أحد طلابك..
تعلم تصميم المواقع ...من الصفر للمبتدئين
مغلقرائج
webdesigner كتب:ف انتظار اي حدا يبي التعلم لابدا الدروس B)
السلام عليكم
أرجوا مساعدتي في معرفة الفرق بين الصفحات الديناميكية و الاستاتيكية
وشكرا
جزاك الله خير علي هذه الدروس
انا منتظرة ال asp أو ال php
وشكراً :D
العلم نور ونور الله لا يهدي لعاصي
جهد رائع الله يوفقك يا webdesigner
بس ياريت لو تقلل اللهجة المصريه وتزيد اللغة العربية الفصحى احسن
وياريتك بدات بلغة اصعب من الhtml لانه الكلام كله اللي قلته يتنفذ توماتيكي توماتيكي :D في الfront page يعني انت عقدتها حبتين :wacko:
لكن ننتظر منك بقية الدروس بفارغ الصبر بارك الله فيك
thaaaaaaaaaaaaaaaaaaanks alooooooooot DR.web designer
your style is very easy for any student
I didnt found any teacher like your style
thaaaaanks again but can you talk by arabic language not egybtian language B)
gooooooo ahead
الي الامام يااخي وفقك الله. -waf
السلام عليكم والرحمه
يعطيك الله العافيه وجزالك الله خير
على الموضوع الاكثرر من رائع...
وعلى طريقتك في الشرح الممتعه..وحتى على اللهجه المصريه .. تخلي الواحد انه عايش وياك بالخطوات ولاكأنك تقرها من علىنت
وأهنئك على اسلوبك وشرحك..
وخصوصا لانه بدائي على رأي بعض الأخوان :wacko:
بس بالنسبه لي افادني جدااااااااااا لكوني ماعرف شي وتعلمت بكل سهوله
وبإنتظار الدرس القااادم بكل حماس وأجتهاد بعد B)
ولي الشرف باني اكون طالبه وياكم في فصل المبدع<webdesigner>
والله يوفقك في دراستك يارب...
وتقبل مني خالص التحياتي وياليت ماتطول علينا :lol:
جهد رائع وممتاز (h)
وارجو عدم الاطالة في ادراج الدروس B)
جهد جميل جدا ولا ينفع معه سوى الإحترام
أنضم معكم كطالب مطيع باذن الله
السلام عليكم
يشرفني أخي أن أنظم إليكم كطالب.
لكن عندي بعض الاسئلة :
1: متى يبدأ الشرح العملي على برنامج فرونت بيج ؟؟
2: ماهو البرنامج الذي تشرح فيه الآن ؟
آسف على الاطالة ولك جزيل الشكر . . .
تحياتي , , ,
السلام عليكم و رحمة الله و بركاته
مشكوووووووووووووووور جداً أخي
و الله إسلوبك جميل جداً جداًجداًجداًجداًجداًجداًجداًجداًجداًجداًجداًجداًجداًجداًجداً -waf
مع إني فهمي بطئ لكن فهمت بجد B) B)
إلى الأملم يا بطل -waf
:D
الف شكر لك
أعتبرني أحد طلابك
بصراحة انا مكنتش متوقع ان الاقبال هيبقى للدرجة دي ...
انا متاسف جدا علي انقطاعي الفترة اللي فاتت دي كلها ..بس الظروف كانت اقوي مني :( :blink:
وشكرا جدا علي الكلام الكتير اللي انا مستاهلوش ده :rolleyes:
انا بصراحة بحب اتكلم باللهجة المصرية افضل لاني بستريح فيها وباخد حريتي واعتقد الكلام واصللكوا برده مش هيروغليفي يعني .. :D عربي برده ... انا بهزر طبعا محدش يزعل ..
وان شاء الله هنكمل ف الدروس علطول ..بس الاقي انكو لسه موجودين ومتابعين .. عشان ممكن تكونوا مشغولين ف الامتحانات ..
مستنيكو ..
ردا علي اسئلة بعض الاخوة ...
تحت امرك اخي ..بس الاقي انكو لسه موجودين .اقتباسالف شكر لك ولكني قصدت عدم الاطالة بين الدرس والاخر
اقتباسأرجوا مساعدتي في معرفة الفرق بين الصفحات الديناميكية و الاستاتيكية
يااخي كل ده هنتعرضله قدام باذن الله ..
وعموما الصفحات اللاستاتيكية هي هي الصفحات اللي دائما ثبتة زي ماهي بغض النظر ن تصرف الزائر ..
يعني انا لما ادخل عليها هلاقيها بنفس المنظر اللي انت هتلاقيه لما تدخل عليها ...
وده له لغاته واولها لغة ال html الللي احنا شغالين فيها ..
الديناميكية هديلك عليها مثال صغير.
انا لما بدخل هنا المنتدي بلاقي مكتوب welcome webdesigner ..انت بتلاقي مكتوب welcome اسمك ..
مع انها نفغس الصفحة ..ي اسمها صفحة ديناميكية ..لانها بتتفاعل مع الزائر علي حسب المدخلات اللي دخلها ..ودي لها لغاتها ..وهنتعرض للكلام قدام بالتفصيل ان شاء الله ..
اقتباسوياريتك بدات بلغة اصعب من الhtml لانه الكلام كله اللي قلته يتنفذ توماتيكي توماتيكي في الfront page يعني انت عقدتها حبتين
يااخي اللي يبدا بالفرنت بيج علطول يبقى عايز يصمم موقع وخلاص من غير ميكون فاهم هو بيعمل ايه ..اللي بيتعلم html بيبقي فاهم هو بيعمل ايه ودي بتديه احترافيه ف تصميم موقعه وبتريحه كتير جدا ..ده اولا ..
ثانيا اللي يتعلم فرنت بيج من غير html يبقي ميقدرش يتعلم اي لغة تانية بعده لان كل اللغات المتقدمة معتمدة علي ال html او بمعني تاني ال html هي ال base بتاع تصميم المواقع ..
اوهلا بكل الاخوة الجدد ا معانا ..نورترونا ..وشكرا علي الكلام الجميل بتاعكو ..
السلام عليكم و رحمة الله و بركاته
أخي الكريم webdesigner
أنا عن نفسي مستعد للتواصل من اليوم
و فعلاً شرحك رائع جداً
جعله الله في ميزان حسناتك
بإنتظار ردود باقي الأخوة
اهلا بحضرتك معانا ..
وبانتظار ردودهم معاك ...
السلام لكل الأحباب :
أنا عندي إستفسارات حول تصميم الموقع بإستخدام الفرونت بيج أولا أنا عندي موقع توني أعمله موقع عن الزهور لمحل معين أنا صاحبه بس صادفني في التصميم بعض المشاكل منها كيف أكتب في الشريط الذي في الأسفل رسالة ترحيبية في الشريط الذي يكتب فيه جاري فتح الصفحة وأيضا كيف أجعل كلام يتبع سهم الماوس اي كلام معين وكيف اجعل الشاشة الإسمية موحدة على كل الصفحات بدلأ من أن يكون لكل صفحة شاشة إسمية مستقلة طبعا وهناك الكثير من الإستفسارات أتمنى أن تفيدونني طبعا هذه الإستفسارات السابقة اريد أن أعملها بالفرونت بيج وشكرا
نحن بنتظارالدروس الجديده
oops.....it seem i'll hav 2 wait sdo much till they return back
so i'll begin now and any time any one comes back, he will be welcome and the lessons are allowed forever :rolleyes:
ان شاء الله هنبدا الدروس من تاني بكرة ......................
;) ;)
الدرس الخامس
بسم الله الرحمن الرحيم…
نعتذر عن التاخير المرة دي بس المنتدى هو السبب .. كان مش شغاال :rolleyes: :rolleyes:
برده كالعادة…اقرا كله الاول من غير متنفذ حاجة
..وبعدين اقبرا مرة تانية وجرب تنفذ وانت بتقرا في المرة دي..
اتفقنا ان صيغة أي امر كالتالي:
<command name attribute="value" attribute="value">
وخدنا امر البودي واتنين من الاتربيوتس بتوعه….:textوbgcolor
طب لو انا عايز احط صورة تكون خلفية الموقع؟؟؟
يعني صورة عندي علي الكمبيوتر وعايز احطها خلفية للموقع بتاعي….
الاول نتفق علي حاجة مع بعض…
خلي شغلك كله في فولدر خاص بيه لاسباب هنعرفها دلوقتي ان شاء الله..
يعني قبل متعمل أي موقع او أي صفحة افتح new folder وسميه زي متحب وتدخل جواه وتفتح بقي صفحة ال notepad وتكمل شغلك…عشان ننظم الشغل شوية والسبب هيتعرف حالا ان شاء الله….
لما انا بحب احط صورة في الخلفية بجيب الصورة دي واحطها في نفس الفولدر ده ..يعني جنب صفحة ال ntepad
وبعدين وانا بكتب في صفحة ال notepad بقولله في عندك صورة جنبك حطهالي في الخلفية…
يبقي عرفنا ليه بنعمل الشغل كله في فولدر مخصوص …وايضا لاننا كمان أي صوت او فيديو او فلاش او أي حاجة هنحطها في الموقع هتتحط بنفس الطريقة..هنحطها جنبه في نفس الفولدر ونقولله واحنا بنكتب في حاجة معينة عندك جنبك حطهالي هنا في الموقع….
بالنسبة لصورة الخلفية دي بقي…
ليها اتربيوت بيتحط في البودي..
<body text="black" background="the name of the pictrue">
وهنا شوية ملاحطات….
انا مكتبتش ال bgcolor هنا وانا قاصد …واحنا قلنا ان ده طبيعي …مش لازم اكتب كل الاتربيوتس..بكتب بس اللي انا محتاجه..وممكن مكتبش ولا اتربيوت خالص…
والملاحظة التانية…ان انا لو كنت كتبتها هنا ..ايه اللي كان هيحصل…لما اكتبله لون الخلفية واكتبله صورة يحطها في الخفية هو هنا هيعمل ايه؟؟
مش يحط اللون خالص ..هياخد بس الصورة ويحطها ويطنش اللون خالص….وعشان كده انا مكتبتوش وريحت دماغي….
الملاحظة التالتة….ان وضع صورة في الخلفية ممكن يعجبك دلوقتي انما في التطبيق العملي مفيش حد خالص بيعمل موقع ويحط صورة في الخلفية والسبب: ان الصورة بتبقي فيها حتت غامقة وحتت فاتحة وده هيؤدي الي ان بعض الكلام ممكن ميظهرش…يعني لو انا عامل الكلام كله لونه ازرق..والصورة فيها حتة سودة…يبقي الكلام المكتوب في الحتة دي مش هيبان…
الملاحظة الرابعة…… ازاي بكتب اسم الصورة؟؟؟؟
لنفرض ان عندي صورة عايز احطها في الخلفية اسمها مثلا egypt.jbg
بكتبه كده
<body bacground="egypt.jbg">
وطبعا لازم اكون حاطط الصورة جنبها في نفس الفولدر….
وفي طريقة ممكن محطهاش جنبه ومن أي مكان عالجهاز اخليه يحطها بس رخمة وطويلة ..فخلينا في السهل احسن ..وكمان ده يخلي الشغل منظم …
يبقي أي حاجة هنحتاجها هنحطها في نفس الفولدر ..أي صورة ..فيديو..فلاش..او أي حاجة…
فاضل ملاحظة كمنا ابقوا فكروني اقولهالكم بعدين ان شاء الله عشان هيه حلوة ..بس بلاش اتقل عليكوا دلوقتي…
وكده خدنا 3 اتربيوتس للبودي وفاضل واحد هناخده بعدين ان شاء الله…
ندخل بقي في الشغل جوه البودي….
احنا قلنا اننا ممكن احط في الموقع بتاعي صور وصوت وفيديو وفلاشات وكلام (data)
هنمسك واحدة واحدة ونعرف ازاي نحطها وازاي نلعب فيها زي ماحنا عايزين…
بس قبل مناخد دول في شوية اوامر عامة بتتحط في بداية البودي بتسهل علينا كتير….
اول حاجة..المشكلة اللي قابلت حضراتكم كلكوا…وهيه ان الكلام اللي بتكتبوه كله بيظهر ورا بعضه …
نعرف الاول ايه سببها وبعدين نعرف ازاي نحلها…
سببها ان البراوزر وهو بيترجم المكتوب مبيفهمش ان انت عملت enter او سبت مسافة …
يعني انت لو كتبت كلام وضغطت مسافة وقعدت ضاغط عليها شهر وبعدين كتبت كلام تاني ..هيطلعك كله ورا بعضه ومش هيعبرك …
وبرده لو عملت 100 enter هيطلعه كله جنب بعضه ولا هيعبرك..
بمعني تاني هو اكتر حاجة بيفهمها في المسافات والانترات مقدار مسافة واحدة بس ايا كنت المسافات والانترات المكتوبة في السورس اللي حضرتك كاتبه…
طب حل المشكلة دي ايه؟؟؟؟
هيه ليها حلين..واحد رخم اوييييييي وملوش لازمة والتاني سهل اويييييييييييييبس انا هقول الاتنين عشان عشان تبقوا عارفين كل حاجة ولسبب تاني كمان هتعرفوه بعدين ان شاء الله…
الحل الرخم:
باستخدام الامر<br>
الامر ده معناه enter
هو اول مبيشوفه بيفهم ان انت قصدك تقولله اعمل انتر هنا …يعني انا لو حتي كتبت كلام في سطر واحد كله وفي النص كاتب<br> هيكتب كل واحد منهم في سطر….
وعلي فكرة الامر ده مش بيتقفل…ليه؟؟؟فكر شوية كده وانت تفهم بعقلك..احنا قلنا اننا بنقفل الاوامر ليه؟؟عشان نعرفه نهاية تنفيذه للامر ده فين…يعني لو اسم صورة ببدا اكتب الصورة وبعدين اقفل بيعرف ان خلاص اسم الصورة خلص..
انما هنا هو هينزل سطر وخلاص..هقولله يقف علي ايه بقي…يعني مش محتاج يتقفل…وطبعا ممكن اكتبه مرتين يسيب سطرين فاضيين وهكذا ..زي محضرتك تحب….
طيب مشكلة المسافات…
بنكتب كده بالظبط
بيفهم اننا كده بقولله سيب مسافةولو كتبتها مرتين يعني بقولله سيب مسافتين…
ودي غريبة شوية في انها مبتقفلش وكمان مبنحطهاش بين علامة اكبر من واصغر من …بتتكتب زي ماهي كده وهو بيفهم ان انا قصدي اقولله سيب مسافة…
والعلامة الغريبة اللي فيها دي shif مع رقم 7
وكده المشكلتين دول اتحلوا بس حل رخممممم اويييييييي ومقرف…مش معقول كل ماحب اعمل مسافة هكتب المنظر الغشيم ده وكل ماحب انزل سطر اكتب <br> …
الحل السهل…
الامر <pre>
بكتبه في اول البودي واقفله في اخره …هو بيخلي البراوزر يفهم المسافات والانترات المكتوبة كلها زي محضرتك كاتبها في السورس…بالمنظر ده:
<html> <head> …………………… </head> <body> <pre>……………… …….. </pre> </body> </html>
وتريح دماغك وتكتب كل حاجة هتظهر زي مانت كاتبها من غير br ولا زفت…
كده خدنا من الاوامر العامة اللي هنحطها في بداية البودي الامر <pre>
تاني امر بنحتاج نحطه في البداية…
الامر <blockquote>
ده بيخلي منظر الصفحة احلي….عن طريق ان هو بيسيب مسافات في الجنبين…يمين وشمال….يعني متلاقيش الكلام بادئ كده لازق في حرف الصفحة علي اليمين والشمال…بيسيب مسافة صغيرة كده عشان يبقي شكلها كويس….
طبعا انت ممكن تقعد تعملها لوحدك فغي بداية كل سطر تسيب مسافة..بس الامر ده يريحك…واكتب عادي من اول السطر وهو هيسيب مسافة في كل السطور وكلها اد بعضها يبقي شكلها احلي..
وطبعا ممكن تكتبه مرتين لو عايز تضاعف المسافة المتروكة….وبرده بيتقفل في اخر الصفحة….
<html> <head> …………………… </head> <body> <pre> <blockquote> ……………… …….. </blockquote> </pre> </body> </html>
دول كانوا امرين بنكتبهم في الاول يسهلولنا الشغل جوه …
نبدا نتكلم عن الكلام اللي هنكتبه في الصفحة…
وازاي نلعب فيه براحتنا…
وده ان شاء الله هناخده ف الدرس الجاي
وعلي ماجهزه…عايز من حضراتكم حاجة….
انتوا شايفين كده كل درس بيبقي طوييييييل والخلاصة بتاعته حاجات قليلة اوي …امرين او تلاتة….
وده عشان انا ببقي محتاج اشرحلكم شوية حاجات قبل ماكتب الاوامر دي…
فبما ان حضراتكم خلاص فهمتوا الشرح ..يبقي كل اللي انتوا محتاجينه الاوامر والباقي خلاص اتفهم…
يبقي كل واحد يجيب ورقة ويكتب فيها الاوامر بس …بالطريقة اللي تريحه…
عشان لما تيجي تعمل موقع بعد كده تفتح الورقة دي قدامك.وتشوف اللي انت عايز تعمله ..تشوف ايه الامر اللي بينفذه وتنقله علطول….يعني هتنقل فيها شوية الاوامر المكتوبة عندك وكل درس بعد ماكتبه وحضرتك تفهمه كويس ان شاء الله تبقي تنقل منه شوية الاوامر الموجودة فيه….
وربنا يوفقكم
تم تعديل هذه المشاركة بواسطة webdesigner في 28 يونيو 2005 في 22:19
ممكن انضم
بس سؤال:
000000000000000000000000
كود صنع اوبجكت "عنصر" مثل زر و تيكست بوكس
اهلا بيك ..
بس الكود ده لسه بدري عليه هناخده قدام ان شاء الله ..
متتسسرعش
هذا الموضوع مغلق.