منحة مجانية MCAD,MCSD,SQLServer,ORACLE, MySQL

شكرا يا أستاذنا

بس أنا عندي سؤال هل هذه الدورة لها فرع بالإسكندريه و ما هي مدتها؟

و جزاك الله كل خيير

أخي العزيز محمد عبد العليم شكراً لك على المعلومة ولكن هل جرب أحد الالتحاق بهذه الدبلومة ليخبرنا عن مدى جدواها؟

السبب الذي يدعوني للسؤال هو أني حاولت الالتحاق بدبلومة مشابهة - وأعتقد هي نفسها - ولكنها كانت غير مقنعة فبينما يدعون أنها دبلومة مجانية 100% فإنه يتم تحصيل رسوم دورية على هيئة كتب واسطوانات بأسعار غير مقنعة، كما أنه يتم إلزامك بعمل برامج لصالح الشركة وذلك لكي تتمكن من الانتقال من مستوى إلى آخر ..

فهل الأمر كذلك ؟؟؟؟؟

وهل بالفعل ستحصل على شهادة MCAD ؟ بانتهاء الدورة أم أنها ستؤهلك لدخول الامتحانات !

حيث يوجد فرق كبير بين الاثنين ...

وأشكرك مرة أخرى

اقتباس

هل هذه الدورة لها فرع بالإسكندريه و ما هي مدتها؟

نفس سؤالى و لكنهم لم يضعوا سوى هذه العناوين

اقتباس

القاهرة  : 12 شارع الفريق محمود شكري - خلف مسجد عبد الناصر - كوبري القبة -  بجوار مترو الأنفاق.

الدقـــى: 9 شارع الخليج العربى - متفرع من شارع مصدق - أعلى الكاتيل.

المنوفية: شبين الكوم البر الشرقى - شارع المدينة المنورة - خلف مشتل التربية والتعليم

طـــنـطـا: شارع البحر - دلتا سيتى مول - الدور السابع.

الشرقية: الزقازيق - 40 شارع الجلاء امام مجلس المدينة - أعلى لكوظ للأشعة - الدور الثالث - city work.

يوجد فروع بجميع المحافظات

فاين باقى الفروع

حقيقةً يا جماعة لا أعلم ان كان هناك فرع في الأسكندرية أم لا، و لكن يمكنم أن تسألوا عن طريق رقم التليفون في أسفل صفحة الموضوع.

أخي عبد الله، جرب الموضوع...... فإن حدث ما تخشاه، فإنسحب من الدورة، حيث اني قرأت في لموضوع انه من حق أي متقدم أن ينسحب في أي وقت بلا شروط.

و هذه الدورة يا أخي أعتقد إنها تؤهل فقط لدخول الإمتحان، و الباقي عليك...

شكراً محمد

ربما أجرب مرة أخرى

اقتباس

ما هي مدتها؟

أعتقد أنها تتم على هيئة مراحل دون اعتبار الوقت (18 مرحلة على ما أتذكر)، وإذا تجاوزت المراحل كلها تنهي الدبلومة .. ولكن أعتقد أيضاً أن اجتياز هذه المراحل يحتاج إلى تطبيقات عملية كثيرة - تأخذ الكثير من الوقت -

عموماً إذا حصل أي أحد على معلومات ممكن أن يعلمنا

بالنسبة للـ MCSD.Net فإنها تقترب من الـ 400 ساعة، و الـ MCAD طبعاً أقل منها، و لكني لا أستطيع أن أتذكر كم بالضبط.

و هذه المدة ليس لها علاقة بالزمن الفعلي للدورة، فمن الممكن أن تتم الدراسة بنظام 4 ساعات كل يومين أو 8 ساعات كل يوم، لذا فمن الطبيعي أن تأخذ وقت أكثر مما تعتقد.

طيب في حد يعرف متى تبدأ

و يا ريت أي معلومات يحصل عليها الاعضاء يمدونا بها

شباب أنا إتصلت بيهم

قالوا فرع الاسكندريه يبدأ الإسبوع القادم

و لا يوجد مصارييف

و بعد التسجيل تحضر سيمينار يوضح فيه كل حاجه

أنا قلت أخبركم بها لعل الله ينفعنا بهذا الكورس

و جزاك الله خيرا يا محمد عبد العليم

و الله و لي التوفيق

رقم التليفون و المكان يا عم

السلام عليكم ورحمة الله وبركاتة

انا قمت بتجريب هذة المنحة من قبل فهى تعتمد بالاساس على التعليم عن بعد

عبر موقع معين وباستخدام حجرة مخصصة لذلك فى البالتوك

وفى نظرى لم تكون مفيدة حيث انها لا تلزمك على الاطلاق بموعيد محددة لدورة ما بل ممكن تكمل دورة واحدة على مدى حياتك كما قيل لنا

والله المستعان

رقم التليفون و المكان يا عم

قالولي أكلمهم الاسبوع القادم

و أول ما أعرف إن شاء الله أبلغك

أخي fagr78 هل ممكن أن تذكر لنا تفاصيل أكثر ؟؟

عدد المستويات ؟؟ وكيف يمكن تجاوزها ؟؟

أحد أصدقائى اشترك فى هذه الدورة وأخبرنى بتفاصيلها وأنها غير مجدية لعدة أسباب:

1-عدم تحديد ما سيتم دراسته مسبقاً بمعنى أنها غير منتظمة فحين تسأل ماذا سأدرس بالتفصيل يخبروك بعناوين كبيرة وجذابة مث ستدرس VB & SQL Server & Oracle & Cوهكذا...ولكن حتى الان له 10 شهور فيها وما زال يدرس VB بدأوا معه بالVB6 واستمرت لمدة 8 شهور ثم بدأو فى VB.Net

لماذا يعطوه VB6 ثم VB.Net لماذ لم يبدأو ب.Net مباشرة لان الهدف مادى بحت وهى ليست مجانية كما يزعمون فهم يحصلون 70 شهريا يعنى حصلوا منه 700 جنيه حتى الان فى الVB فقط ولبعض الطلاب 120 ج شهريا نظير إمكانية إعادة المحاضرة إذا غاب عنها

2-تؤخذ المحاضرات لمدة ساعة ونصف مرة واحدة أسبوعيا وهذا أيضاً سببه تطويل الشهور وبالتالى يزيد التحصيل المادى ناهيك عن تأخير المحاضر نفسه

3-المادة العلمية الموزعة عبارة عن وريقات بها صور للشاشات التى يتحدث عنها المحاضر وليست فيها مادة علمية بالمعنى المفهوم فهى بديل عن الجهاز لأن الدراسة هناك نظرية فقط ولا يوجد جهاز واحد على الاقل وطبعا يتم دفع مقابل لهذه الوريقات كل محاضرة

4-قاعات المحاضرات سيئة للغاية فهم يجلسون على ديسكات لا تكفى لطفل فى الابتدائية وهذا طبعا لزيادة العدد وهناك قاعة تحت بير السلم

5-متابعة المشاريع غير جادة ولا يعلم أى متدرب هناك المستوى الذى هو فيه فأنت طالما تدفع تنتقل للشهر الذى يليه وهكذا

6-الاختبارات إن وجدت والله أعلم فسيكون رسومها طبعا عليك

7-المعاملة السيئة من قبل مشرفى المركز فهم على استعداد أن يمنعوك من ذخول المحاضرة إذا تأخرت أنت رغم أن المحاضر نفسه لم يدخا المحاضرة بعد وهم على استعداد أيضا أن يمنعوك طالما أخرت القسط الشهرى

8-كل مرة تدخل فيها المحاضرة لا تدرى من سيحاضرك فهم مجموعة من المحاضرين كل مرة محاضر مختلف بعضهم أكفاء وبعضهم مبتدأون

لكن علينا التأكد من أنها تلك التي تتحدث عليها

فعندما إتصلت بهم قالوا لي أن كلها مجانا بما فيها المذكرات

و لو أن الهدف منها الربح لما أشترطوا ان يكون المتقدم لم يتعد 3 سنوات على تخرجه

كل ما أقوله علينا توخي الحذر

و يجب أن نسأل و نتأكد من كل صغيره و كبيره قبل البدأ في الدوره

يا سيدى والله العظيم أنا متأكد أنها هى AGC

المجموعة العربية للكمبيوتر

ونفس العنوان المكتوب فرع كوبرى القبة

ونفس رقم التليفون

بسم الله الرحمن الرحيم

انا ذهبت الى العنوان الى فى كوبرى القبه بالفعل

وسالت عن نظام الالتحاق وان كان مجانى ام لا ...

اولا سوف يكون فى ملازم وانها تكون بسعر التكلفه على حد قولهم ؟؟!!!

سالته وما هى تكلفتها قال : على حسب الورق ؟

سالته وهل يوجد مثلا شرح عن طريق cd او غير ذلك

قال نعم قلت وهل مجانيه ايضا ام بسعر التكلفه ؟؟

قال لا بسعر التكلفه

قلت كام

قال 2.5 جنيه مصرى لل cd ؟؟

وللالتحاق تحضر الاوراق وهى

اقتباس

استيفاء أوراق الالتحاق:

                                        1- صورة كارنيه  الكلية أو صورة شهادة التخرج.

                                2- صورة البطاقة الشخصية.

                                3- عدد صورتين شخصيتين.

                                4- تعبئة دوسيه الالتحاق ويتم سحبه من المقر.

ثم يتم عمل امتحان وسالته ماذا عن الامتحان قال : سيكون عباره عن introduction وبعد ذللك سوف يكون فى seminar سوف تعرف فيه كل شىء

هذا فقط اردت ان اعلمكم بما توصلت ليه بخصوص هذا الموضوع

والله ولى التوفيق

بسم الله الرحمن الرحيم

----------------------------

سلام عليكم

انا على فكره طالب فى المنحه دية وبقالى حوالى 3 شهور والنظام هناك كويس جدا والمكان نفسه مجهزا بألة عرض للشرح عليها مع وجود كميه كبيره من المشاريع وعمل البرامج المطلوبه فى سوق العمل وعلى فكره انا مش باخد محاضره واحده فى الأسبوع زى مابيتقال بالعكس انا احيانا باخد محاضرات زياده فى الأسبوع الواحد مع وجود اسطوانات تعليميه هما اللى عاملنها كويسه جدا وباخد محاضرات برايفت(خاصه) لوحدى ممكن كل يوم لو حبيت بدون أى ثمن وكمان موفرين ليا خدمه على النت ومنتدى خاص بينا بالأضافه الى ميل مساحته كبيره وكمان هوست لرفع المشاريع الخاصه بنا لأعلانها لجميع الناس وممكن عمل شغل خاص بنا عليها والمهندسن اللى هناك بيساعدونا فى برامجنا الخاصه كمان هناك الحمد للله كويس

انا كنت باعرف برمجه قبل مأبدأ معاهم وبعد مابدأت عرفت فعلا ازاى أقدر أحترف البرمجه عن طريق حاجتين المشاريع اللى انا باخدها هناك وقرأه بعض الكتب هما وجهونى ليها

وانا كتبت رد فى الموضوع ده لسببين هما الأو ل الأهانه اللى وجهه ليا زميلى ولكل اللى بيدرسوا معايا وهيا ان احنا بندرس فى بير السلم فيا ريت كل الناس اللى شافوا الكلام دة يروحوا العنوان ويتفرجوا علية ويشوفوا بير السلم اللى الأخ بيتكلم علية دة يبقى عامل ازاى وتجهيزاتة شكلها اية والسبب الثانى انى مش باحب اشوف غلط واسكت علية

وشكرا

(يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ) (الحجرات : 6 )

بس يا عم الموضوع حيخرج عن الحد الرجل لم يقصد و انما تحدث عن تجربه شخصيه و لم يوجه اهانه لاحد (راجع هذه النقطه جيداً)

لو خرج النقاش عن الحد ساكون مضطراً لغلق الموضوع

مع احترامي الشديد للجميع لا يجوز اتهام أحد ولو تعريضاً ..

ولو أردتم رأيي الصريح فعن واقع تجربة ربما أوافق الأخ AboSara في معظم ما ذكره

والسؤال هو: هل أتم أحدكم هذه الدورة أو قطع فيها مراحل متقدمة؟

بسم الله الرحمن الرحيم

انا يا جماعة طالب فى المنحة اللى بتتكلموا عنها دى فى ال AGC

و وصلت للمستوى السادس احب اوضح ان فى كتير قوى من الكلام اللى بيتقال مش صح

يعنى فى ناس مثلا بتقول ان الدراسة بنظام التعليم عن بعد ودة مش صح لأن فى اكتر من نظام للدراسة من ضمنها التعليم عن بعد

كمان النظام فى المنحة مختلف دلوقتى كتيير عن اول اما نزلت من فترة

اما بالنسبة للماديات اللى بيتكلموا عنها الحمد لله الأخ بيقول سعر الأسطوانة 2.5 جنية

دة هو اللى قال مش انا, تفتكروا دة سعر مبالغ فية زى ما بيقول؟؟

انا بتهيألى يمكن بيخسروا فيها كمان المذكرات بتتباع بسعر التصوير العادى فى كل مكان

وكمان مفيش اى حاجة اجبارى طبعا

اما الأخ الفاضل اللى بيقول بير السلم */تم الحذف/* فانا مش هرد علية كل اللى هقولة انتوا عارفين الموقع ممكن تاخدوا العنوان وتروحوا تتفرجوا وتحضروا السيمينار مجانا كمان ومش هتخسروا حاجة

انا بقول كدة لمجرد ان الناس مش تصدق كل حاجة تتقال لأن الناجحين دايما اعدائهم كتير

كمان الأخ اللى بيقول انهم بيجبروك تعمل مشاريع علشان تتنقل فى المستوى دة اعتقد انة مش اتهام اكيد , دة فية رد كبير جدا جدا على الأخ التانى اللى بيقول المنحة مش مجدية , سبحان الله بتغنوا وتردوا على نفسكوا, من مستوى واحد بيعملوا مشاريع و التانى يقول المنحة مش مجدية

اذا كان اهم حاجة فى المنحة دى انها عملية جدا جدا وهدفها هو الخبرة مش مجرد الدراسة

أحب اقلكم انا حاولت اتعلم قبل كده كتير قبل ما التحق بالمنحة دى لاقيت كله غير مجدى الفرق فى المنحة دى انها بتخليك تحتك مع مبرمجين فى السوق و ده المطلوب

انا عايز ايه غير انى اخلص و اشتغل بيها مشاريع ليا

انا مش عارف لازمته ايه اندخل نشوه صورة الناس و نطلع و من غير فايده انا بطلب من الادمن انه يحذف الموضوع و بعد اذنه ننزال اعتزار للناس دى و ليكن على المجهود الجبار اللى عملينه و حتى لو اعتذار فى اول صفحة فى المنتدى و اطمن مش اعلان عنهم لاانهم مش محتاجين اعلان هما معروفيين جدا فى كل مكان موجودين فيه

و انا اتمنى أكون واحد من الفريق الفنى بتاعهم

بكرر اسفى للعضو المحترم و شكرى لل AGC و الادمن

ahmed_nofal كتب:

بسم الله الرحمن الرحيم

انا يا جماعة طالب فى المنحة اللى بتتكلموا عنها دى فى ال AGC

و وصلت للمستوى السادس احب اوضح ان فى كتير قوى من الكلام اللى بيتقال مش صح

يعنى فى ناس مثلا بتقول ان الدراسة بنظام التعليم عن بعد ودة مش صح لأن فى اكتر من نظام للدراسة من ضمنها التعليم عن بعد

كمان النظام فى المنحة مختلف دلوقتى كتيير عن اول اما نزلت من فترة

اما بالنسبة للماديات اللى بيتكلموا عنها الحمد لله الأخ بيقول سعر الأسطوانة 2.5 جنية

دة هو اللى قال مش انا, تفتكروا دة سعر مبالغ فية زى ما بيقول؟؟

انا بتهيألى يمكن بيخسروا فيها كمان المذكرات بتتباع بسعر التصوير العادى فى كل مكان

وكمان مفيش اى حاجة اجبارى طبعا

اما الأخ الفاضل اللى بيقول بير السلم */تم الحذف/* فانا مش هرد علية كل اللى هقولة انتوا عارفين الموقع ممكن تاخدوا العنوان وتروحوا تتفرجوا وتحضروا السيمينار مجانا كمان ومش هتخسروا حاجة

انا بقول كدة لمجرد ان الناس مش تصدق كل حاجة تتقال لأن الناجحين دايما اعدائهم كتير

كمان الأخ اللى بيقول انهم بيجبروك تعمل مشاريع علشان تتنقل فى المستوى دة اعتقد انة مش اتهام اكيد , دة فية رد كبير جدا جدا على الأخ التانى اللى بيقول المنحة مش مجدية , سبحان الله بتغنوا وتردوا على نفسكوا, من مستوى واحد بيعملوا مشاريع و التانى  يقول المنحة مش مجدية

اذا كان اهم حاجة فى المنحة دى انها عملية جدا جدا وهدفها هو الخبرة مش مجرد الدراسة

أحب اقلكم انا حاولت اتعلم قبل كده كتير قبل ما التحق بالمنحة دى لاقيت كله غير مجدى الفرق فى المنحة دى انها بتخليك تحتك مع مبرمجين فى السوق و ده المطلوب

انا عايز ايه غير انى اخلص و اشتغل بيها مشاريع ليا 

انا مش عارف لازمته ايه اندخل نشوه صورة الناس و نطلع و من غير فايده انا بطلب من الادمن انه يحذف الموضوع و بعد اذنه ننزال اعتزار للناس دى و ليكن على المجهود الجبار اللى عملينه  و حتى لو  اعتذار فى اول صفحة فى المنتدى و اطمن مش اعلان عنهم لاانهم مش محتاجين اعلان هما معروفيين جدا فى كل مكان موجودين فيه

و انا اتمنى أكون واحد من الفريق الفنى بتاعهم

بكرر اسفى للعضو المحترم و شكرى لل AGC و الادمن

تسلم والله

ربما يكون الأمر قد تغير بالفعل، وأتمنى ذلك

وما زال سؤالي للإخوة الذين قطعوا مراحل في هذه الدورة أو الذين يعرفون عنها شيئاً ؟؟؟ ربما نجد من الأعضاء القدامى من يفيدنا ..

وللأخ ahmed_nofal كل واحد هنا يعبر عن رأيه .. كما تعبر أنت عن رأيك

بالنسبه للاعضاء المشتركين في هذه الدورة ما هي تكلفة الاجماليه للاشتراك في هذه الدورة