السلام عليكم ورحمة الله وبركاته
انا نفسي اخش عالم الاسمبلي خصوصا بعد ماعرفت ان كود السي بيتحول لاسمبلي يعني في مرحله انا اجهل من دابه فيها
اولا : هل الاسمبلي ذي السي مر بمراحل تطور وليه انواع ..يا ريت لأ
ثانيا : ممكن وصله لتحميل مترجم اسمبلي
ثالثا : عاوز اسم كتاب بالعربي كبدايه لتعلم اساسيات الاسمبلي
رابعا : ياريت تعبروني وتجاوبوني
السلام عليكم
إتفضل خش يا ميدو بيتك ومطرحك :)
طيب اولاً لازم تعرف إن السى والاسمبلى ولاد عم, يعنى إلى يعرف سى يتعلم الاسمبلى اسرع من غيره.
والاسمبلى نوعين نوع 16 بت والبرامج إلى تعملها عليه تشتغل بس فى dos ووندوز 16بت زى الوندوز 3,1.
يعنى لازم تحدد النوع إلى إنت ناوى تتعلمه,
بالنسبه للمترجم خدلك جوله بسيطه وحتلاقى فى روابط كتيرا اوى للمترجمات, فى موضوع ما بقالوش إسبوع الاخ chik حاطط فيه كل الروابط إلى ممكن تحتاجها.
وفى شويه دروس هنا فى المنتدى إبتدى بيهم لغاية ما ربنا يسهلها وننظم القسم دا إن شاء الله.
ورابعاً واخيراً : إطمن إحنا مش بنطنش حد هنا, بالعكس دا إحنا بنتخانق على مين إلى يجاوب الاول.
والسلام
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
انا دورت كتير ملقيتش والله اي وصله لتحميل مترجم (بعدين انا خايف اوي من نظرية الخرفان !)
يعني اللي يجري ورا كذا خروف مش هيمسك ولا واحد .
انا محققتش اللي انا عاوزه من c++ وبعدين بجري ور الاسمبلي بعين محققش اللي انا عاوزه فيه برضه وتبقي هيصه !
المهم تعاونو معايا يا رجاله وهاتو الوصله بالزوق ..اصدي لو سمحتم !
احلا حاجه إن الخرفان مش بتعض, فمافيش داعى للخوف يا ميدو.
الرابط اهه http://www.masm32.com/, واحسن مكان للتعليم موجود هنا http://win32asm.cjb.net/ .
يلا شد حيلك وسيبك من نظريه الخرفان دى, الاسمبلى والسى ولاد عم وماهمش دعوا لا بخرفان ولا معيز :)
يالا سلام
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
طب اخر حاجه والله ..انا ايه اللي هيضافلي بعد ما اتعلم الاسمبلي ..ناهيك عن اني هفهم اكتر ايه اللي بيحصل (علي اساس ان السي مجرد cover للاسمبلي ) هل البرنامج اللي هيتعمل بالاسمبلي هيكون افضل ؟
لو صح هيكون افضل في ايه
بص يا ميدو, اولاً لو هتعمل debug على البرنامج إلى إنت عماله عشان تدور على اخطاء; ال debug حيوريك البرنامج على شكل اسمبلى, وتقدر تصلحو.
ثانياً لو حسيت إن البرنامج بطيئ بسبب function موعين تقدر تكتبه بالاسمبلى عشان يبقى اسرع,
بارمج الالعاب والجرافيك فيها اجزاء كتيرا مكتوبه بالاسمبلى.
وسلام عشان لازم اكل
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
انا حلفت انها اخر حاجه (في المشاركة دي علي الاقل ) انا هبتدي ولو ابلتني اي مشاكل انت موجود طبعا والبيت بيتي (صح؟!)
سلام ..ومتنساش تسمي ابل ما تاكل !
السلام عليكم ورحمة الله وبركاته
ههههههههههه
انا كمان زي ميدو :) ...عندي مشكلة الخرفان بس فسرتها بإسلوب غير الخرفان
المهم أنا عيني فارغه شوية بأمسك الشبكات ..وشوية أبطل وأمسك الإسمبلي وشوية أبطل وأروح أقرأ عن system programing. و وشةي أرجع للبورلند سي ++
وأحس إني عأطلع في الأخر فشووووووف :(
أصلي حاس أنه عندي طاقة وعايز أفجرها ...وأخاف تتفجر بإتجاه الإحباط :(
المهم لا يأس مع الحياة ولا حياة مع اليأس :)
ومشكور ياميدو على الموضوع ومشكور يأستاذي وأخي العزيز أحمد غريب
ويالله سلام الله عليكم ورحمته وبركاته
هذا الموضوع مغلق.