إشتغل الكمبيوتر يوم دق التلفون نص الليل وأنا نايم تخيلو وش صار وما هو الحل

السلام عليكم ورحمة الله وبركاته.

صديقي جا يقول بيفرمت جهازه قلت له هاته أنا افرمته ببلاش .

المهم فرمته ونزلت وندوز ملينيوم وعرفت الكروت وشبكت النت فيه وإشتغلت عليه حدود الساعة .

طفيته الساعه 1:30 ليلاً ونمت ,, الساعه 3 اليل أتت مكالمه من أحد الشباب يسلم بيشوف أنا نايم أو لا ... أول ما دق التلفون تخيلو أن الجهاز إشتغل !!!!!!!!!!

قمت من النوم مرعوووب وبدل من الرد على المكالمه جلست أدور بالبيت على الي شغله وماسك معي عصا .

ما لقيت احد بالبيت ؟ قلت أعوذ باالله من الشيطان وطفيت الجهاز.

طبعاً ما رديت على التلفون (( ما كنت فاضي له )) جلست شوي ويدق التلفون مره ثانية ,,, وقام الجهاز إشتغل معاه !!!

طبعاً خط التلفون موصول بالجهاز ومن فتحت الموديم الثانية مشبوك بها التلفون .(( أنا أستعمل هذه الطريقه مع جهازي وما يحصل فيه ذا الكلام ))

مع العلم ان الموديم موتريلا , ومعرف تعريف سليم بدون إنزال برامج .من السي دي غير الوندوز والأوفس والتعاريف ؟

والجهاز بانتيوم 3 سرعت 600 إنتل والمذر بورد جيجا بايت .

والهاردسك 15 جيجا

كلمت أخو الولد قال إن هذه الحالة تصير معهم بشكل متكرر وليس دائم ..

وش المشكلة . لا تقولو الجهاز مسكون :D