السلام عليكم ورحمة الله
شباب ترا عندي مشروع شهادة ( أخوكم رسالته في المنطق ) فجالس أفتشلي على برنامج أو كود للغة برمجة... لعدة نماذج ( forms ) زي مثلاً لمن تسجل في الهوتميل بس في الهوتميل بيكون نموذج أو إثنين بالكثير بس أنا ابغا اكتر من نموذج ويكون الترابط اللي بينهم منطقي يعني ما يفتح نموذج إلا إذا تحقق شرط معين ( مثلاً النموج الأول يسألك عن وظيفتك فإذا كنت طبيب مثلاَ يفتح لك عدة نماذج خاصة و إذا كان تخصصك في طب الأطفال لك عدة نماذج ... و إذا كنت مهندساً لك نماذج وكل إختيار في النماذج يعتمد عليه نموذج أوعدة نماذج و كدا ) أرجو إنو يكون المثال وضح أكثر ... يعني بإختصار نماذج كثيرة مترابطة منطقياً وممكن أحط جواتها صورة أو فيديو أو رابط أو حتى ممكن أغيرشكلها ( layout ).
حصلت برنامج قلت ممكن يسويلي اللي أبغاه بس ما عرفت كيف أشتغل عليه البرنامج هو MS infopath .... بس ما عرفت كيف أربط بين النماذج علشان كدا سألتكم.
أنا ما بعرف في لغات البرمجة كتير بس عندي شوية معرفة بأسس الجافا و السي بلس بلس وكمان أعرف أشتغل على HTML كويس و كمان الأوفيس.
فبالله عليكم إذا في أحد يساعد لا يبخل .... لو بتساعد تقولي برنامج يسوي زي كده و سهل ماعندي مشكلة و لو تديني كود ممكن يتعدل كمان ما عندي مشكلة حتى لو ما فيه كل اللي أبغاه .... و إذا قلتولي كيف أشتغل على ال MS Infopath كمان أكون شاكر لكم فلا تزلبوني ( تتركوني ) يا شباب ... ساعدو باللي تقدرو عليه ... وجزاكم الله خير.