اذا كانت تهمك مصلحة الاعضاء والزوار

:)

السلام عليكم ورحمة الله وبركاته

عارف تقول وش عنده الاخ ذاب وجهه وداخل بعنف ومسوي يقلد المواضع

بس علشان ابين اني مهتم وابغى استفيد مثل الجميع

اولا : عندي معلومات و قد اشتغلت على الفيجوال بيسك دوت نت

ثانيا: من المتمرسين << ايه هين في الأكسس

ثالثا: عبقري في الهاكر

عارف راح تقول ان الموضوع فيه نفخه او شيء من هذا القبيل ،،، اقول لا والله لكن ابين انه مها صار عندي استفسار اقدر اساهم واجاوب على الأسئلة بعد طبعاً اذن المشرفين

لذلك اذا بغيت ان المنتدى يصير فوق التوب يبغى لنا بعض الأصلاحات :

1. السؤال والرد ،،، ارجو من الجميع اذا شافوا سؤال ما يقفل المتصفح على طول يحاول يجاوب باللي يقدر عليه و هذا يفيد من عدة نواحي

أ) سرعة الرد والتجاوب مع الأعضاء

ب) عدم اشغال المبرمجين الاساسيين في المنتدى والعمالقة في البرمجة لانه اكيد اما انه يعد لدرس او يعمل على مشروع ولا فائدة من ازعاجه بسؤال متكرر

ج) حتى لو ماكان الجواب شافي ممكن انه يفتح المجال على السائل ويقدر يلقى الحل بعد ما يمسك الطريق الصحيح ... وبذلك يكون استفاد بقوة من السؤال

2. الأخوان اللي يدخل ويسأل وثمن مانشوفه إلا بعد سنة هذا يعتبر تسيب :)

اما اللي يدخل و يطلب برنامج مره واحده ،،، فعندي اقتراح انه يكون قسم لطلبات البرامج ويحدد شخص يصمم البرنامج بمبلغ معين وهذا مافيها شئ بالعكس اشوف انها وسيلة تحرك المنتدى و يستفيد منها الاخوان ...

3. ملاحظ بعد التطوير للمنتدى ان اغلب الوصلات لم تعد تعمل مثل الأمثله المشروحه ويطلع مسج الملف مفقود؟؟؟!!

والمشكلة ان بعض الامثله المشروحه تكون نادره او لم يجاوب عليها إلا شخص بعينه ويكون تعب في البحث عن الحل او حتى تصميم المثال ... لذلك ارجوا من الإدارة الحرص على هذه الأمثل

فمثلا قسم ارشيف الاكسس الامثله التي استطعت تحميلها لا تتجاوز مثالين من 70 درس ؟!!!

بالختام ،،

ارجو من الاخوان المشرفين وادارة المنتدى ان تتقبل اقتراحاتي والخطمات اللي قمت فيها والكلام اللي قلته كله حرص ومشاركة

<<<< شكله والله بيجيك تسطير و استفهام بخشتك وبوز من المنتدى عقب ها الخمبقه اللي فوق