قهوتي هي سؤالي الساذج هذا ؟؟

أولا

وعليكم السلام ورحمة الله وبركاته

وياهلا بيك في الموقع العلمي هذا

ثانيا

أعذرني اذا ما استطعت اوصل لك المعلومه بطريقه صحيحه

عموما نبدأ

المعلومات اللي قلتها عن دارة ( دائره )المصباح صحيحه

ولو غلفت ( غطيت - أخفيت ) اسلاك توصيل المصباح داخل علبه وما يضهر لك إلا المصباح

أما الأسلاك والبطاريه داخل مغلف كرتوني أو بلاستيكي أو أي نوع من الصناديق تكون بهذه الحاله سويت داره وصنعتها وبشكل خارجي مقبول

نرجع للداره اللي ذكرتها كمثال

عموما الموقع خاص بالأشخاص اللي عندهم معرفه بالإلكترونيات علما انك تسطيع معرفة الأشياء هذي وكلامك السابق خير دليل على ان عندك موهبه واضحه وماشاالله عليك

مجرد تبدأ بعمل دائره دائرتين وتصير فلته زمانك

عموما

القطع تقول ما عندك مشكله فيها أوكي

نجي للأسلاك اللي هي الخطوط في الرسمه الأسلاك توصل بالقطع كما توصل

المصباح ولكن

المصباح الصغير جدا وليس المصباح المنزلي

فالمصباح المنزلي يوصل ببراغي

اما المصباح الصغير جدا واللي يسمى ( دايود ضوئي ) وممكن تشوفه في طبلون السياره في خلف عدادات السرعه عندما تضئ لمبه انتهاء الوقود أو فتح الأبوب وغيره

فهذا يوصل بأسلاك صغيره ويتم تلحيم الأسلاك في المصباح

لذلك فالدائره السابقة اذا جمعت قطعها بالرقم ومن نفس المحل اللي شريت منه القطع ممكنتطلب منه اسلاك توصيل أو تطلب منه لوحه توصيل وهي لوحه مخرمه أو غير مخرمه وميزه اللوحه انك تثبت القطع عليها وهذي اللوحه ممكن تشوفها في أي راديو عندك اكسره هاهاهاها

لا لا لا

قصدي فك الراديو تجد ان القطع الإلكترونيه مثبته على لوح بني هذا اللوح منه اشكال كثيره واللي يهمك منها اللي ما يحتاج الا تثبيت القطع عليه فقط

واذا ركبت القطع ولحمتها بالأسلاك ووصلت الأسلاك بالقطع الثانيه ووصلت الكهرباء بها وانتبه من الكهرباء هنا فليست 110 فولت كما في المصباح المنزلي وليست 1.5 فولت كما في البطاريات الصغيره حقت ريموت التلفزيون بل الكهرباء كما في الدائره اللي أخترتها مثلا من 6فولت إلى 9فولت وهذا ممكن تسويه من مولد جهد ( كهرب ) منخفض أو توصل بطاريات الريموت بشكل متوالي فكل بطاريتين تولد 3 فولت واربع بطاريات ورى بعض تولد 6فولت وانت ماشي

إن شاء الله وصلت لك الفكره

أما الحلا فلك مني ودعاء بالتوفيق

والقطع موجوده والأسلاك ما دامك بالرياض عند محل مجداف على طريق الملك فهد مقابل الجريسي

وشكرا

تحياتي للسائل العزيز

واحترامي الشديد للأخ المجيب

الاخ ابو سلطان

من لا يشكر الناس لا يشكر الله

لله درك .. نزلت الميدان وجاوبت على سائل (عليمي )

في حين تفرج الكثيرون

بارك الله فيك

اما بخصوص الموضوع

انا تبحرت في النت

ولقيت زي كلامك

في بورد تجارب ابي اشتريه واسوي شوية تجارب

وفعلا عندي مسجل ما يسوى شى ابي اكسره :) واعمل شوية تجارب عليه

واشوف الدارة اللي محيرتني

لكن

كان لا يمكن اترك الموضوع بدون ما اقولك بارك الله فيك

الله لا يحرمك الأجر

على سعة صدرك

ووقتك

وكنت اتمنى لو غيرك تبرع بوقته للمبتدئين

لكن معلش

بكره اصير فني ويسألوني وبطنشهم :) الا يجيبون ابو سلطان واسطه ولا ما ارد عليهم

فمان الله

والله يحفظك

اخوك ابو مشعل

تحياتي لك

الله يوفقك أخوي محب الرياض