السلام عليكم ورحمة الله وبركاته اخواني واخواتي اعضاء هذا المنتدى الطيب
اول مشاركه لي واتمنى تقبلوني
الحقيقه ودي ادمج مع اول مشاركه اول استفسار لي
انا طالب فرش جديد في تخصص علوم الحاسب ومع اول مادة تخصص سجلتها طلعت لغة السي وكتاب والله الى الحين ماحفظت اسمه وطبعا اغلبكم عارفين صار لنا اسبوع مداومين بالسعوديه ومع الاسف البداية عندي مابشرت بخير دكتور الماده تقول يلحقه صارووخ chapter 1 هذه خلصها والله بمحاضرتين!! تخيلوا محاضرتين بس وبكرى السبت بيبدا ب 2 وشي اكيد محد فهم شي يعني باختصار انا خايف من البدايه هذه وقلت مالي الا الانترنت وشباب المنتدى ماراح يقصرون وانا خطر في بالي اني اسجل في دوره بمعهد خارجي للغة السي خلال دراستي لها بالجامعه واستفساري هنا اي معهد اختار او بالاصح وش المعاهد الي تقدم النوع هذا من الدورات بالرياض وياليت تذكرون لي افضلها وان شاءالله مع الجامعه والمعهد والمنتدى نتوفق
وحزاكم الله خير واسف على الاطاله
ودمتم