السلام عليك اخوتي الأعزاء
في البداية انا شغال في مصنع ووظيفتي عبارة عن اني باجمع اوردرات من الموظفين في المصنع وباقوم بعمل فلترة للاواردرات دي وباصنفها حسب نوعها وحسب المطعم المطلوبة منه وطيعا الكلام ده بيتم بشكل يومي وتقريبا باطلب يوميا في حدود 200 وجبة مختلفين من 5 مطاعم مختلفين فا مع صعوبة الوضوع وقصر الوقت اللي المفروض انجز في الحوار ده كنت عاوز المساعدة في برنامج يكون عبارة عن واجهة لبرنامج اوزعه على كل الإدارات وكل موظف يدخل علية ويطلب الطلب بتاعة حسب نوع الوجبة وحسب المطعم وكل الكلام ده يسمع عندي في قاعدة بيانات ويتقسم حسب كل مطعم وعدد الوجبات اللي مطلوبة منه وإمكانية اننا نضيف اي تعديلات عليه في المستقبل
معلش انا اسف للإطالة بس فعلا الموضوع ده مرهق بالنسبة لي فارجو من لديه اي فكرة او اي مساعدة يفيدني بيها وجزاه الله كل الخير ويكون في ميزان حسناته
واسف للإطالة مرة أخرى