[ تمت الإجابة ]سؤال : هل أختار ++C لأبدأ تعلم البرمجة ؟

و عليكم السلام و رحمة الله

لو مكانك لن اختار سي ++

سأختار لغة فري باسكال free pascal مع بيئة التطوير لازارس lazarus . لماذا ؟ اليك بعض الاسباب

1 لغة سهلة و قوية و سريعة , سرعة سي++

2 مجانية

3 تدعم العديد من المنصات من بينها android و ios

4 تدعم العديد من CPU Architecture

5 لديها مجتمع نشط 

6 تدعم العديد من المكتبات الخارجية database, 3D graphics ,2D graphics , sound  و الكثير الكثير

اسف اخى بس انت اثرت لى فكرة كانت شاغله بالى جدااا

هى المكتبات

هعطيك مثال لتعرف مشكلتى بالتفصيل

مثلا انا بتعلم c++ واتعلمت كل الاساسيات وخلاااص

اجى مثلا عايز اعمل تطبيقات GUI لانى عارف انى بشتغل على Consol مش واجهة رسومية

اجى ابحث عن الموضوع يقولون انه بيتوفر بها مكتبات GUI بس انا مش فاهم

يعنى مثلا المكتبات ده فيها دوال وكلاسات وغيرها لاضافة اشكل وكده

ثم قلت بلاش يمكن ده متقدمة عليا جداا

فبحثت قلت انفذ العاب بس لم اكن عارف ازاى اضيف صور وكده فرجعت وبحثت قالوا احسن مكتبة OpenGl

نفس الفكرة هى ايه المكتبة ده شىء عمله مبرمج اللغة ام انه شىء خارجة يتم ربطه باللغة

ارجو بس توضيح الفكرة لى بطريقة مبسطة لافهمها

وشكرا

أخى العزيز

المكتبات هى تستخدم لتوفر الوقت والمجهود للمبرمجين, وبتتعمل بنفس اللغة اللى أنت شغال بيها.

يعنى كمثال لو عاوز تعمل مكتبة للتعامل مع الصورأو مكتبة للتعامل مع الصوتيات إلى أخرة , سوف يتطلب منك وقت كبير + مجهود كبير لعمل ذلك, ودى بيكون شخص أو فريق قام بصناعة هذة المكتبة ويقوم بعرضها على المبرمجين الاخرين ليستخدموها فى برمجياتهم الخاصة .

نيجى بقى لسؤالك الاصلى :

لو كنت مكانى تختار  C++ ولا كنت هتفضل لغة ثانية ؟

أنا بالفعل بتعلم هذة اللغة فى الوقت الحالى ولكن ...

للاسف السوق حاليا أقل أحتياجا لهذة اللغة, كمثال السوق المصرى فى الوقت الحالى أكثر طلبا للغة C# .

طبعا ليس أكثر طلبا لان لغة C# أفضل من C++ لا طبعا, ولكن لانها أسرع فى إنجاز المشاريع بالإضافة أنها أسهل فى الفهم , ولهذا السبب تجدها مطلوبة من قبل شركات البرمجة .

أما لو تكلمنا عن اللغة الافضل فبلا شك C/C++ هى الافضل, لكن أكثر صعوبة وأكثر تعقيد .

اخى فهمت منك ان المكتبات تكون تبع اللغة وبستخدمها باقى المبرمجين

طيب مثلا انا عايز اصمم واجهة رسومية GUI ببرنامجى

وشفت موضوع بالمنتدى عن افضل المكتبات ولكن لقيته بيتكلم عن برامج مش اكواد وكدة

لقيته بيشرح qt

                visual c++

               وغيرها

ده اللى مستغرب له جدا

انا ايه فائدة البرامج ده لانها معقدة جدا  وانا ممكن اشتغل ببرنامج بسيط مثل dev c++ واضيف له المكتبة اللى تعمل واجهة رسومية

فمثلا برنامج qt اجى اضيف له مثلا button

واشوف كود الواجهة الاقيه بلغة xml مش بلغة c++

وده شىء معقد جدا وجعلنى ابعد عن النقطة الرئيسية اللى هى المكتبات

لانى لو تعلمت اشتغل مثلا بشرح مش بفهم

مش هبقى محترف بلغة

فعايز منك توضحلى الفكرة ده اكثر لو تسمح

وشكرا

أخى العزيز

Qt تستطيع عمل برامج تعمل على الويندوز لانها مزودة بواجهة رسومية GUI ,

Visual C++ يمكنك عمل برامج تعمل على الويندوز لانها مزودة أيضا بواجهة رسومية GUI ,

dev c++ هو مجرد برنامج أو IDE يسمح لك بعمل برامج C++ عادية ولا يوفر واجهة رسومية .

أما بالنسبة لموضوع أنك تعمل أنت واجهة رسومية خاصة بيك دة مش سهل ومعقد ويتطلب خبرة كبيرة فى

• C++
• Windows API

أى لازم تكون محترف فى الاثنين , وغير كدة ستبذل مجهوز كبير .

للعلم Windows API

هى بالبلدى كدة هى الادوات اللى توفرها شركة مايكروسوفت لاى مبرمج لكى يقوم ببرمجة تطبيقات تعمل على الويندوز .

اخى انت برضو لسه ما وصلت للفكرة اللى عايز اوجهها لك

انى انا بحاول اوصله لك انى لما بعمل مثلا button 

بس المهم انا ايه اللى ممكن اعمله به لانى لما بدوس عليه ما بيتنفذ اى امر

ثانيا :::

لو معك كتاب قوى لc++ ومكان لمعظم مكتباتها ارجو وضعها لى وشكرا

أخى العزيز

حتى الان للاسف لا أفهم ماذا تقصد تحديدا لكن أنا هرد عليك حسب ما فهمت.

من خطوات إنشاء برنامج جديد من ضمنهم الخطوتين هذة:

• تصميم واجهة البرنامج

هى كأنك ترسم شكل البرنامج الذى سوف يكون أى , إضافة الازرار , إضافة الحقول النصية , إضافة مكان لعرض صورة , وهكذا .

فى مرحلة تصميم شكل البرنامج لن تجد أى روح فى البرنامج يعنى لو ضغط على الزر الفلانى لن يفعل شئ , المكان الخاص بعرض صورة لا يعرض صور .

• إضافة الكود لعناصر الواجهة

هذة المرحلة هى المرحلة التى تدخل الروح للبرنامج أو تجعلة يتفاعل مع المستخدم , وهى إضافة الكود لكل عنصر فى البرنامج , فمثلا لديك زر فى واجهة البرنامج تريد عند الضغط علية يخرج من البرنامج مثلا أو يفتح شئ أخر وهكذا , طبعا كل واجهة رسومية لها طريقتها لإضافة الاكواد لكل عنصر فى البرنامج, وهذا يتطلب أنك تتعلم كيف تتعامل مع الواجهة التى أختارتها كمثال Qt .

أريد أن أوضح لك شئ بسيط وهو أن برمجة الكونسول Console أو الشاشة السوداء مختلفة عن برمجة الويندوز فى السلوك .

برمجة الكونسول تقوم بتنفيذ الكود بالتوالى , أما برمجة الويندوز يتم تنفيذ الكود عن طريق الاحداث .

أما بالنسبة لكتب للـ C++

موقع كتب أكيد أنت تعرفة.

للاسف المصادر العربية قليلة لهذة اللغة, وافضل لك المصادر الاجنبية لو حابب تحترف , أبحث فى جوجل عن ما تريد هتلاقى المصادر كثيير.

الف الف الف شكر

انت فهمت قصدى صح الصح

وبالنسبة لموقع كتب اكيد عارفه بس كنت حابب اعرف الافضل من رايك الشخصى بالكتب

على العموم شكرا واحسن تقييم

تفضل أخى دة مصادر أجنبية كوايسة تتكلم على لغة سى++ بشكل كامل أكيد هتفيدك جدا .

ولما تنتهى من تعلم سى++ لا تتسرع وتدخل على طول فى برمجة بأستخدام GUI لا تتسرع وأتقن اللغة جيدا وأعمل برمجيات على واجهة الكونسول , ثم بعد ما تتأكد أنك قد أصبحت على دراية باللغة جيدا أكمل طريقك وأنتقل لشئ جديد .

learncpp

C++ Tutorial

بالتوفيق .......... لا تنسانى بالدعاء

تسلم اخى وإن شاء الله هاخذ بنصيحتك

وشكراااااااااااااااااااا