السلام عليكم ورحمة الله
اخواني الاعزاء اريد اسوي قاعدة بيانات لمراجعين مركز صحي اني بديت وسويت بالاكسس بس بصراحة عندي كم شغلة مداعرف اسويها راح اشرحلكم بالبداية شنو اللي سويته
1- بقاعدة البيانات اكو جدولين الاول للمراجعين البالغين والثاني للاطفال دون سن الرابعه اني سويت هاي الجدولين وخليت المعلومات المطلوبة وسويت الفورم وسويت طريقة الادخال بال subform لان اريد يطلع الجدول كله كدامي بالادخال
2- هسه اريد اسوي بحث عن طريق اسم المراجع بالنسبة للبالغين وللاطفال ويعرضلي باقي المعلومات في حال موجود وفي حال مموجود يبلغني انه مموجود هاي معرفت اسويها
3- واريد اسوي احصائية للمراجعين:-
ا- اول شي احصائية كل دكتور كم مريض عالج لكل نوع عمل
ب- الاحصائية الثانية تصير عالاعمار يعني من عمر ( سنه الى اربع سنوات ) الذكور شكد والاناث شكد
و من عمر ( 5 سنوات الى 14 سنة ) هم الذكور شكد والاناث شكد
ومن عمر ( 15 سنه الى 44 سنة ) هم الذكور شكد والاناث شكد
ومن عمر ( 45 سنه الى 64 سنة) هم الذكور شكد والاناث شكد
ومن عمر ( 65 سنه فأكثر) هم الذكور شكد والاناث شكد.
وراح ارفق قاعدة البيانات اللي سويتها.
واكون شاكرة الكم اذا ساعدتوني لان بصراحة ناسية البرمجة لان صارلي فترة ممبرمجة فياريت لو تساعدوني بيها.
تحياتي
