السلام عليكم و رحمة الله وبركاتة
ارجو من من يقرأ الموضوع ان يتحلى بالصبر و يحاول بقدر الإمكان يساعدنى
انا بقالى سنين بتعلم حاجات كتير فى الكمبيوتر نظرا لحبى الشديد له والحمد لله نجحت فى تعلم الكثير إلا البرمجة ... عندما حاولت اتعلم البرمجة و بدأتها بلغة فيجوال بيسك ومن ثم سى بلس
فى الحقيقة لم أفهم أى شئ .. و المشكلة ان الذى يشرح اللغة كان دائما يكتب كل أمر ثم يذكر وظيفتة
لو هتكلم بالمصرى العامى
لما كنت بشوف الدورة او الشرح ... بلاقى الأستاذ الى بيشرح بيبتدى بمقدمة طويلة عن اللغة وبعد كدا يبتدى يقول الأمر دا بيعمل كذا .. و الأمر دا بيعمل كذا
اذدادت الأوامر واذداد الكلام الى بالإنجليزى و إذدادت الأكواد وحسيت انى مش فاهم اى حاجة ... لازم أحفظ كل الأكواد الى بيكتبها
وهنا وقفت فى أكبر مشكلة ..... وهى إن من زمان عندى الحفظ صفر ( لا أستطيع حفظ شئ ) الا بعد فهمة جيدا جيدا
فا لما بلاقي الشخص الى تكرم وعمل الشرح بيكتب اوامر .... بسأل نفسى الأمر دا ليه بيكتبة كدا ؟ ولما بيكتبة ايه الى بيحصل وقتها ؟ اكيد لما بيتكبة بيتطابق هذا الأمر مع لغة البرمجة فا بتبتدى اللغة تحولة للغة الألة .... طب لغة الألة هتبتدى تنفذ برضه أمرى ازاى عن طريق 0 و 1 ؟؟ يعنى انا صممت برنامج بالفيجوال بيسك و وضعت زر و اعطيت له الأمر exit فا بمجرد ان اضغط على الزر أثناء تشغيل البرنامج ... يخرج البرنامج .... انا الأن حفظت الأمر و فائدته لكنى لم أفهم ماذا حدث ؟؟؟ هل الأمر exit تطابق مع الأوامر فى لغة البرمجة المستخدمة ... فقامت لغة البرمجة بإعطاء أمر للألة بإنهاء الكترونات البرنامج من الظهور على الشاشة ؟؟؟؟؟؟؟
انا للأسف مش فاهم اى حاجة
و لسه خارج من ثانويه عامة و السنادى داخل هندسة و ناوى بإذن الله ادخل قسم حاسب الى
بس مش هينفع افضل مستنى لما ادخل القسم واشوف هيدولى فيه ايه
انا من زمان بعلم نفسى كل حاجة فى الكمبيوتر .... الحاجة الوحيدة الى مش عارف اتعلمها لوحدى هى البرمجة ودا برضه بسبب انى مش فاهم ايه الى بيحصل !!
واحد محترم يرد و يقولى ... انت كدا محتاج تتعلم لغة الألة و تتعلم كهرباء و تتعلم الكترونات و بلاوى زرقاء
هقوله والله معنديش اى مشكلة المهم انى ابقا فاهم بجد ايه الى بيحصل
واحد يقولى سيبك من كل الى انت عايزه دا ومتضيعش وقتك و امسك لغة واحدة زى سى شارب و ظبط فيها كل حاجة من اوامر و أكواد
اقوله لنفترض انى قدرت احفظ كل الأوامر و الأكواد وقدرت ابرمج برنامج .... طب وبعدين ؟؟؟؟؟ ما كدا خلاص مبقاش فيه ابداع
انا هكتب برنامج أقصى شئ ممكن يعملة هو أقصى شئ الأكواد الى انا حافظها بس ممكن تعملة
الموضوع معايا ماشى بالظبط زى مسئلة رياضه ..... لو حفظت المسئلة بتتحل ازاى .... مش هعرف احل غيرها لو شوفتها
لكن لو قدرت افهم الفكره العامة و استنتج انا القانون بنفسى ........ يبقا هقدر احل اى مسئلة مهما كانت ووقتها هقدر ابدع و اعمل شئ جديد ... مش الة حاسبه
فا البرمجة ماشية معايا بنفس النظام .....
فيه كتب كتير رائعة والله وبتشرح كل الى انا عايزه دا بالتفصيل بس للأسف كلها إنجليزى
بالرغم انى كوس جدا الحمد لله فى الإنجليزى لكن لغتى على قدى زى ما اتعلمت فى المدارس
علشان افهم الكتب الإنجلزية دى لازملها كورس كامل فى الإنجليزى خاص بالكمبيوتر .... او استنى لحد ما ادخل الجامعة و اظبط لغتى
حتى الكتب العربية .... حملت البعض منها وللأسف مش بفهم منها اى حاجة ..... المفروض انى مبتدئ و بلاقى الى كاتب الكتاب بيقول مصطلحات و كلام غريب اول مره اسمعة و المفروض انى افهم انا الباقى !!!
فا بعد الرغى الكتير دا .... كل الى محتاجة أى شخص كويس يساعدنى ويقولى ابتدى منين وايه الى يوصلنى للى انا عايزه
انا عايز افهم الكمبيوتر بيشتغل ازاى من اول الإلكترونات الى بتمشى بداخلة مرورا بلغات البرمجة و فكرتها لحد بما اوصل برنامج قوى
أرجو المساعدة يا جماعة بأى حاجة لو فيه اقتراحات ليا او كتب كويسه توفر عليا التعب دا