السلام عليكم وخالص تحياتى لاعضاء المنتدى الكرام
اولا احب اشكر مقدما كل من سوف يساعدنى او من يحاول مساعدتى
واتمنى انكم تساعدونى فى الحصول على ما أريد
نخش فى المفيد ده نموذج جزء من برنامج حسابات سوف اقوم بتصميمه
نوع الاتصال هيبقى adodc وهنستخدم الداتا جريد لعرض البيانات datagrid
وقاعدة بيانات اكسيس.
الفكرة باختصار ووضوح طبقا للعرض اللى فى الصورة
هنتخيل اننا عندنا قاعدة بيانات وبها الجداول الاتية
جدول للمشتريات
جدول للمبيعات
جدول للمصروفات
جدول للمرتبات
جدول ارباح اخرى
وبيتم تسجيل البيانات فى تلك الجداول طبقا لتاريخ
المطلوب هو :
زى ماهو واضح فى الصورة
لما احدد تاريخ مثلا من 1/6/2012 الى 1/7/2012
واقوم بالضغط على مثلا زر "اجمالى المشتريات" يبقى انا بقول للبرنامج اعمل بحث داخل قاعدة البيانات فى جدول المشتريات خلال الفترة المذكورة اعلاه واجمعلى اجمالى المشتريات خلال هذه الفترة وضعه فى التيكست بوكس.
ونفس الحال لباقى الازرار
وبعد مايتم اظهار كل القيم فى التكيستات ياتى دور زرار "صافى الربح" واللى هو بدوره بعد الضغط عليه يقوم بعمل عمليه حسابيه طبقا للقيم التى امامه
مثلا يقوم بجمع المبيعات والارباح الاخرى وطرح منهم المشتريات والمصروفات والمرتبات ويطلع الصافى فى التيكس بوكس الذى امامه
واخيرا بعد ماتظهر كل تلك البيانات اقوم بالضغط على طباعة تقرير
بحيث يطبع ورقة بها البيانات اللى فى الصورة
الفترة والمعلومات المستخرجة
انا عارف انه طلب يبدو فى نظرى صعب ومرهق اعداده ولكن بنسبة لكم ولخبرتكم ان شاء الله يكون سهل واتمنى المساعدة
ومرفق نموذج للبرنامج
