السلام عليكم و رحمة الله و بركاته
أنا عندي مشروع في الكلية هو عبارة عن بناء موقع مزاد
مطلوب فيه أي موقع بسيط جدا يتصمم HTML و ده تمام عملت الصفحات اللي عاوزها سواء للتسجيل أو صفحة عرض المنتجات اللي تم بيعها و صفحة المنتجات الجديدة المضافة و هكذا
دلوقتي المفروض مطلوب مني اني اعمل قاعدة بيانات
و انا استخدمت mysql workbensh و عملت جدولين
جدول للتسجيل و جدول للمنتجات
جدول التسجيل فيه مثلا ال id و الاسم و الباسورد و الايميل و رقم الفيزا
و جدول المنتجات فيه id للمنتج و اسم المنتج و تاريخ الاضافة و تاريخ الاغلاق و سعر بداية المزاد و جزء لكتابة ملخص عن السلعة و نوعها و استخداماتها و هكذا
وربطت بيهم مرتين مرة بـ 1:1 و مرة many items : 1 customer يعني سلعة لمشتري و عدة سلع لمشتري
هل الكلام ده كده سليم ؟
ده أول مشروع ليا تماما اعمله و أول محاولة لبناء موقع
حاليا هل الجداول كده كفاية و لا كده ناقصة ؟
ثم عاوز اعرف الترتيب السليم للمشروع امشي فيه ازاي و اربط بين ال html و البرمجة نفسها للموقع اللي هستخدم فيها جافا
و المفروض اني استعمل برامج ايه
انا حاليا بستعمل سرفر الـ glassfish اللي بينزل مع النت بينز و عندي wamp ده منزله احتياطي
و بستخدم mysql و الأداة mysql workbensh
يا ريت تعملولي زي plan كده او تخطيط انا همشي ازاي و ايه اللي انا انجزته كده و فاضلي ايه و اللي المفروض اني اتعلمه
و شكرا مقدما ان شاء الله لكل اللي هيرد عليا
