الاخوان الأعزاء
السلام عليكم و رحمة الله و بركاته،
مشكلتي يا اخواني اني طالبة هندسة طبية و ما الي اي خبرة على لغات البرمجة. في تخصصنا هناك مادة اسمها database تابعة لكلية تكنولوجيا المعلومات.
انا منزلة هادي المادة عند دكتور و هو حط علينا مهندسة مشرفة عشان تعلمنا و ما علمتنا الا كيف نعمل databases على ال Microsoft access.
و في اخر السنة اجانا الدكتور و حكالنا انه علامات النهائي راح تكون على project نعمل موقع الكتروني باستخدام asp.net على الفجيوال ستوديو مثل نظام حجز مقاعد لباص و يكون فيه نظام log in و المستخدمين مقسمين الى مدير موقع يحدد عدد الباصات و المقاعد و خط سير الرحلة و الى مستخدمين لحجز المقاعد على الباصات. و حددلنا الداتابيس و كيف راح تكون.
حكينالو انه ما اخدنا شي عن ال asp.net لانا طلاب هندسة طبية حكالنا انه ما الو خل و هادي مشكلة القسم و الجامعة انهم حاطينلنا مادة بقم تكنولوجيا المعلومات. رحنا على المهندسة فاتبرعت تعطينا حصة بالمباديء و اعطنا sheet كيف نعمل صفحة log in و بس.
انا عملت ال database على ال access و بعدين نزلت ال visual studio 2008 بس لما بلشت اشتغل عليه طلع مثل كاني بتعلم لغة صينية من الصفر. مو عارفة اعمل ولا اشي عليه. يعني و الله العظيم صرلي 4 ايام بحاول و ما طلعت منها الا بصفحة ال log in اللي موجودة بال sheet تبع المهندسة و بس. جربت انزل كتب من الانترنت عن ال asp.net و ال visual studio بس طلعت كلها فيها كودات و شغلات انا ما بعرف فيها اي شي.
و جربت ادور على اليوتيوب و الجووجل بس ما طلعت بنتيجة لاني متل ما حكيتلكم ما بفعم بلغات البرمجة. و انا عم بدور لقيت هدا المنتدى و عليه شغلات كتير عن ال لغات البرمجة فحكيت اسألكم.
يعني بصراحة حاسة انه ما ضل الي غير رب العالمين و بعدين انتي خصوصا انه تسليمه الاسبوع الجاي. فساعدوني الله يجزاكي الخير.
انا رفعت في المرفقات ملف شرح المشروع اللي طالبه الدكتور و الداتابيس اللي انا عملتها و سكان عن الشيت اللي اعططنا ايها المهندسة. .