[ تنبيه ] نظم التشغيل (أسئلة عن Kernel , interrupt و user mode و bootsrap )

اولا: الكيرنل Kernel :

تعريفه بالبلدى كده هو كل الفنكشنز اللى النظام بيحتاجها عشان يقدر يشتغل يعنى كل الفنكشنز الاوليه لنظام التشغيل يعنى مثلا تشغيل الطابعه او الاسكانر مش من الفنكشنز اللى النظام بيحتاجلها عشان يشتغل وعشان كده مش بتضاف فى الكيرنل الكيرنل تقدر تقول عليه انه قلب النظام اللى لو وقع اكيد النظام هينهار بالكامل وبرضوا الفنكشنز اللى لازم تكون موجوده فى الكيرنل هى تعريفات الهاردوير لانه عشان يتعامل مع كارت الصوت لازم الكيرنل يكون شايل التعريف بتاعه واللى من خلاله يقدر يتعامل معاه.

ثانيا :الفرق بين الكيرنل ونظام التشغيل :

نظام التشغيل هو الكيرنل مضاف اليه البرامج الازمه لليوزر انترفيس زى الديسك توب مثلا.

ثالثا : Interrupt :

الانترربط ده امر بيتبعت للبروسيسور عشان ينفز امر معين عشان يخلى البروسيسور ينفذ امر ما يعنى مثلا عايز تعمل shutdown يبقى لازم تبعت انتربط للبروسيسور عشان يقاطع الحاجات اللى شغاله ويوصل للبروسيسور فلازم يعمل انتربط للبروسيسيز اللى شغاله عشان البروسيسور يقدر ينفز الامر بالاغلاق (الموضوع معقد شويه بس انا حاولت على قد ما اقدر ابسطهالك لو مقدرتش تفهمها من كلامى ضيف كومنت وانا اوضح اكتر من كده)

ثالثا : user mode & kernel mode

لكل نظام تشغيل فى صلاحيات لاستخدامه وبرضوا الاوامر اللى بتوصل للبروسيسور بيبقى ليها صلاحيات يعنى انت من خلال استخدامك للويندوز متقدرش تروح تعمل انتربط وانت فى اليوزر مود لان النظام هيمنع الانتربط انه يوصل للبروسيسور انما لو انت بعيد عن الوينوز يعنى مثلا فى الدوس مود ممكن تعمل الامر بتاع الانتربط لانك ساعتها هتبقى فى الكيرنل مود

*- يحظر استخدام اللهجة العامية

*- أو كتابة الأسئلة باللغة الإنجليزية

*- أو كتابة الكلمات الإنجليزية بالعربية

====