بسم الله الرحمن الرحيم
الحمد لله والصلاه والسلام على أشرف رسول بعث الى يوم الدين وبعد:
بدأنا فى الدرس الاول وتعرفنا على بدائيات البرمجه ثم دخلنا فىالدرس الثانى وتعرفنا على الخطوط والصور وتعرفنا فىالدرس الثالث على كيفية التنسيق داخل جدول .
نتعرف اليوم بمشيئه الله على بعض الامور المهمه
الدرس الرابع:
ما هو الكود لعمل رابط نضغط عليه نوصل لصفحه أخرى؟؟؟
ده الكود
<a href='هنا هتكتب مسار الصفحه اللى انت عايز المستخدم يروح لها لما يضغط على الرابط'>
حمل المرفق التالىالرابط.rar
بعد ماحملته نبدأبشرحه وهو بسيط وسهل
المواقع عباره عن مجموعه من الصفحات متصله ببعضها البعض ففى المثال التالى قمت بعمل ملفين باسماء index.html و index0.html حتى يختلفا فى المسميات وقمت بوضع الكود التالى فى index.html
<html>
<head>
<title>
عنوانك
</title>
</head>
<body>
<center>
<font color='red' size='15' face='traditional arabic , verdana'>أضغط على الرابط أدناه</font><br>
<a href='index0.html'>أضغط هنا </a>
</center>
</body>
</html>
وكله تعرفه من الدروس السابقه عدا الكود الذى يخص الروابط فكود
<a></a>
يختص بالروابط وياخد href
يعنى المسار الذى يخص الصفحه المراد الذهاب لها
وانا كتبت
<a href='index0'></a>
فقط لاغير وقدد حددت مسار الصفحه المراد فتحها وفى الصفحه الاخرى كتبت الكود التالى
<html>
<head>
<title>
عنوانك
</title>
</head>
<body>
<center>
<font color='red' size='15' face='traditional arabic , verdana'>تم بنجاح الموصول للصفحه المطلوبه</font>
</center>
</body>
</html>
وكتب كلمتين وخلاص تقدر تعمل موقع متكامل الان عن طريق صفحات متعدده وربطها ببعضها البعض
خلصنا الجزء بتاع الروابط
كده مش هنعرف نكمل تانى حاجه من غير ال css مبدئيا عشان هى هتوفر جهد كبير
نبدأ بشىء بسيط وهو تعريف الملف
الملف الخاص بcss هو المسئول بشكل كامل وأساسى عن الstyle او التنسيقات الخاصه بصفحة ال html
الملف أمتداه مش html او htm لا ده امتداده css
فمثلا ملف الاستايل هنسميه style.css
نبدأ بسرعه عشان ما نطولش
لما أجى اعمل ملف إستايل لصفحتى لازم كود يربط بين الصفحتين ال html و ال css الا وهو
<link rel='stylesheet' type='text/css' href='style/style.css'>
طيب الكود مش مفهوم نفككه حته حته
link :يعنى رابط
rel : حقيقته
type :نوعه
href: مساره
بس خلص كده ومتركزش فى المعانى لان السطر ده محفوظ يعنى مش هتغير غير فى المسار فقط لاغير
نعمل ملف بسرعه ونسميه style.css
نكتب جوه إيه؟
خد راحه وأعمل حاجه تشربها وكمل
الملف ده فايدته انه مابيخلكش تعمل كذه لون ولا كذه تنسيق ولا أى حاجه كل الصفحات اللى هتربطها بالملف ده هتبقى بنفس التنسيق اللى عملته عليه ندخل ونشوف :
عندنا لما نيجى نحب ننسق بملف السى اس اس بندى لاى حاجه فى ملف ال html حاجه من اتنين
id ,class
والاتنين كل واحده ليها نظام
id :بتاخد علامة (#)
class :بتاخد علامة(.)
طيب نطبق بقى
نفس الملف اللى فات بس هنضيف عليه ملف الاستايل الجديد وشوف الفرق
انا لم أفعل شىء سوى أننى بدلا من أن أكتب فى
< body bgcolor='lime'>
وسيكون على كتابتها فى الصفحتين او أكتر لو كان لدى ومن هنا تظهر مشكله التكرار فماذا على ان أفعل حيال ذلك قمت بربط الصفحتين index.html و index0.html عن طريق الكود التالى
<link rel='stylesheet' type='text/css' href='style.css'>
ويكتب بين
<title>
عنوانك
</title>
<link rel='stylesheet' type='text/css' href='style.css'>
</head>
<head>
وبالطريقه دى تكون ظبط الملفات عشان تستقبل على طول
دخلت فى ملف ال css
وكتبت الكود التالى:
body {background-color:lime;}ونفسره واحده واحده
body :جسم الصفحه العادى ولأن مفيش غيره لم أعطه class or id
فتحنا قوسين {}
كتبنا جواهم background-color: يعنى لون الخلفيه
فى كمان background-image:ودى لو عايز الخلفيه صوره
حاول تغير وتجرب بنفسك
عندنا بدل علامه (=) كتبنا":"ودى ثابته فى ال css
وكمان بعد ما كتبنا اللون lime
عملنا علامه ";"
دى ببساطه كيفية كتابة كود فى ملف استايل css وكيفيه ربطلها ب html
الدرس القادم أن شاء الله ناخد مشروع كامل ونشرحه أشياء أخرى ونتعمق فى الcss
إذا أعجبك الموضوع برجاء التقييم
وصلى اللهم وسلم على سيدنا محمد وعلى اله وصحبه وسلم