السلام عليكم ورحمه الله وبركاته
انا بعمل برنامج لمحل مبيعات اجهزه كمبيوتر وكان سؤالي بخصوص
انا لما بدخل صنف وليكن mother bourd
في فورمة بيانات الاصناف بدخل مع كل صنف رقم السيريال الخاص بالصنف
دي مفيهاش مشكله
المشكله عندي في فورمه المبيعات
لو هبيع من صنف واحد مثلا 3 قطع وكل قطعه لها سيريال ازاي ممكن احفظ ده في جدول المبيعات
لان كده هيتكرر اسم وبيانات الصنف 3 مرات عشان ادخل 3 سيريال
ممكن لو في فكره بسيطه لشاشة المبيعات
وشكرا جدا لمجهوداتكم
أخي العزيز
في حاجة عايز أوضحهالك
أنت لما بتيجي تسجل صنف بتسجل بياناتة وبتديلة سريال أو كود
مثلا أنت عند من الصنف س مثلا 50 قطعة هل من المعقول أنك تسجل الصنف 50 مرة في جدول الأصناف
طبعا لا
المفروض يبقي عندك 3 جداول
الجدول الاول للاصناف
فية بينات الاصناف من حيث الكود أو السريال والأسم والسعر وأي بينات أخري والكود هيبقي مفتاح أساسي
الجدول التاني لبيانات فاتورة البيع
يحتوي علي رقم الفاتورة والتاريخ والمبلغ الأجمالي ورقم الفاتورة هيبقي مفتاح أساسي
والجدول الأخير دة تفاصيل فاتورة البيع
ودة هيبقي فية
كود الصنف ورقم الفاتورة وأسم الصنف والكمية المباعة
ودة ملهوش مفتاح أساسي
يبقي لاما تعمل فاتورة بيع وتبيع من صنف معين بتحط بياناتة في جدول تفاصيل فاتورة البيع
وبتحط في حقل الكمية العدد اللي أنت بعتة
ياعني مش لكل قطعة مباعة بتعمل سجل لا دة لكل صنف مباع بتعمل سجل في جدول تفاصيل فاتورة البيع
يارب تكون الفكرة وضحت
شكرا لحضرتك علي اهتمامك بالرد علي سؤالي
انا فعلا عاملهالفكره اللي انت قلتها بس المشكله عندي
في جدول الاصناف لما بشتري مثلا 20 قطعه من الرامه مثلا كل قطعه بسيريال طبعا فانا كده هدخل البيانات دي ازاي يعني مثلا
هعمل سجل واحد للرام ومسجل فيه عدد القطع اللي انا اشتريتها بس في حقل السيريال المفروض ادخل 20 سيريال اعمل دي ازاي من غير مكرر السجل
انا فكرت اعمل جدول تاني يبقي فيه حقل اسم الصنف والسيريلات يعني هكرر سجلات فيه
بس ظهرت لي مشكله تانيه
لما باجي اعمل فاتوره بيع الجدول اللي بسجل فيه بيانات الفاتوره زي اسم الصنف والعدد المباع والسيريال
نفس المشكله لو هبيع من صنف قطعتين كده هعمل سجلين لنفس الصنف في جدول بيانات الفاتوره
ولما اجي ارحل البيانات دي في جدول المبيعات هرحل سجلين
بنفس البيانات مع تغيير السيريال احل المشكله دي ازاي
وجزاك الله خير لسعه صدرك
وشكرا
المتواجدون خلال آخر دقيقتين · يتحدّث كل ٣٠ ثانية
جارٍ التحقق من المتواجدين…