محتارة اي نوع من قواعد البيانات استخدم

السلام عليكم ورحمة الله وبركاته

اختى فى الله

توكلى على الله واعملى على ماى سيكوال

بدايتا معظم مواقع النت قائمة على قواعد بيانات ماى سيكوال لذلك اعتقد ان الدكتور نصحك بيها وعلى فكرة ماى سيكوال اصبحت حاليا تبع اوراكل بس مجانية ودى ميزة مهمة ان هى مجانية وغير كدة قوية وسريعة جدا انا الحقيقة بحثت كتير وقريت العديد من المقارنات بين ماى سيكوال واراكل ومايكروسوفت سيكوال سيرفير باعتبار ان الثلاثة اكبر واشهر قواعد بيانات علائقية على مستوى العالم وبعد بحث سنين وبعض التجارب استقريت على ماى سيكوال لكن لازم تبقى عارفة ان ماى سيكوال لازم تكون معاها حاجة تانى تعملى بيها الشاشات والتقارير فغالبا فى تطبيقات الويب بيتم العمل مع البى اتش بى وبتعمل مع غيرها طبعا لكن دى الاشهر وخاصتا ان هى مجانية ايضا مثل ماى سيكوال اما تطبيقات الويندوز فممكن ربط ماى سيكوال مع اغلب لغات البرمجة سواء من منتجات مايكروسوفت زى الفيجوال او حتى الاكسيس وغيرهم من منتجات مايكروسوفت او غير منتجات مايكروسوفت من البرامج مفتوحة المصدر والمجانية مثل البايثون وغيرهم كتير وايضا تتميز ماى سيكوال ان هى تعمل على معظم الانظمة مش الويندوز فقط مثل لينكس مثلا

الحقيقة مش عاوز اطول فى تفاصيل كتير ممكن تتوه حضرتك لأن فيه اسباب كتير جمعتها على مر سنين وقرأت مقارانات كتير ومناقشات اكثر ومميزات وعيوب كل واحد فيهم وطبعا مش كلها حاضرة فى زهنى حاليا الحقيقة بس اللى اقدر الخصهولك انى قررت فى النهاية التوجه الى الماى سيكوال مع البى اتش بى وممكن معاهم البايثون بس معتقدش انى هحتاجه على الاقل حاليا علشان كدة هركز على البى اتش بى وتصميم المواقع والملحقات اللى ممكن تكون مطلوبة بهذا الشأن عموما مع قاعدة البيانات ماى سيكوال ومش عاوز حضرتك تفتكرى ان معنى كلامى ان بقول ان هى احسن او افضل قواعد بيانات فى العالم علشان محدش يزعل ويدخل معايا فى نقاش ملهوش لزمة شوفته كتير ولكن لكل مقام مقال يعنى حسب الهدف المطلوب والظروف والامكانيات والبلد ايضا يتم تحديد الانسب للعمل به يعنى فى ظروف معينة الاوراكل افضل وفى ظروف اخرى مايكروسوفت افضل وفى ظروف اخرى اكسس افضل وفى ظروف اخرى ايضا الماى سيكوال افضل لكن انا لقيت (بالنسبالى على الاقل ومن وجهة نظرى ) ان فيهم(البى اتش بى والماى سيكوال ) اللى يغطى كل الى انا عاوزه والحمد لله واللى محتاجه الواقع ايضا وعلى فكرة انا مش متوجه لهذا الاتجاه علشان هعمل مواقع انترنت لا بالعكس انا شغلى كله حاليا مش عاوز فيه نت خالص لكن هستخدمهم ان شاء الله فى عمل المنظومات والبرامج المختلفة ويمكن عمل الكثير بيهم ان شاء الله والله المستعان....هذا والله اعلى واعلم ورد العلم اليه اسلم

ووفقكم الله والجميع لما يحبه ويرضاه

والسلام عليكم ورحمة الله وبركاته

^

شكرا جزيلاااااااااااا لك يااستااذ

كلامك مريح جداا بارك الله فيك

ومعلوماتك افادتني واقنعتني كثير

بارك الله فيك