مشكلة فى كارت الشاشة والشاشة الزرقاء

السلام عليكم ورحمة الله وبركاته

اخى فى الله انت ليه بتعتقد ان الشاشة الزرقة سببها كارت الشاشة الشاشة الزرقة ليها اسباب كتير منها فيرس او برنامج فيه مشكلة ده طبعا غير ان ممكن تكون فى اى حاجة فى الرامات او اللوحة الام نفسها المهم اللى اقصده ان الاحتمالات كتير فا ايه سبب شكك فى كارت الشاشة هو انت بجيلك الشاشة الزرقة وانت مشغل لعبة مثلا ولا ممكن الشاشة الزرقة تاجى فى اى وقت حتى لو كنت بتتصفح النت ؟ ومن ناحية ماركة كارت الشاشة فنوعه من افضل انواع كروت الشاشة فى العالم فمتقلقش من ناحية الماركة اما الموديلات فكل موديل وحسب قدراته وامكانياته وحتى على فكرة طلع العيب فى كارت الشاشة لما تبدل الكارت متغيرش الماركة وممكن لو انت مصمم يعنى تغير ل ati لأنها بردوا ماركة ممتازة .... عموما منسبقش الاحداث لان زى ما قلتك الاحتمالات كتير بس رد عليا وان شاء الله ربنا يهدينا المشكلة فين وعلى فكرة متستغربش ان الحاجة تكون جديدة وتكون فيها مشكلة بتحصل كتير

ووفقكم الله والجميع لما يحبه ويرضاه

والسلام عليكم ورحمة الله وبركاته

و عليكم السلام

اولا جزاك الله خيرا على الرد

سبب شكى فى ان الكارت هو سبب المشكلة هو ملف يخص تعريف الكارت و هو الى انا كتبه فى راس الموضوع

سوال اخر ازاى اعرف ان المكونات متوافقة مع بعضها ؟؟؟

و الله الموفق

السلام عليكم ورحمة الله وبركاته

بارك الله فيك اخى الكريم وبالنسبة لموضوع التعريف هو حضرتك مش معرف الكارت من اسطوانة جاية معاه ولا انت اللى جايب التعريف من النت ؟ وبالنسبة لموضوع التوافق الحقيقة مش عارف اقولك ايه بس الموضوع بيحتاج معرفة وخبرة الحقيقة عموما متشغلش بالك بالنقطة دى لأن ان شاء الله جهازك متوافق لأن غالبا اللى بيكون فى السوق بيكون متوافق مع بعضه والتاجر غالبا بردوا بيكون واخد بالوا من النقطة دى لكن المشكلة فى الحاجة ان هى تكون مضمونة واصلية وطبعا سليمة ... عموما مستنى ردك بخصوص التعريف وعموما لو فى مشكلة فى الملف او التعريف اللى عندك ممكن ننزل غيره من موقع الشركة بس انت متأكد ان موديل الكارت اللى موضح فى الصورة هو نفس موديل الكارت بالظبط اللى عندك ؟

ووفقنا الله والجميع لما يحبه ويرضاه

والسلام عليكم ورحمة الله وبركاته

و عليكم السلام اخى الكريم

نعم بعرف الكارت من الاسطوانة الى جاية معه و فى تعريف انا نزلتة من النت لكن اظن هو تعريف احدث للكارت معلومه الموضوع حصل مع التعرفين

معلومة انا شلت الكارت من الجهاز الجديد و وضعته فى الجهاز القديم و عرفت الكارت من التعريف الى من النت و خليت الجهاز شغال ساعة و نصف و لعبت لعبة تقيلة لكن مطلعش الشاشة الزرقاء بس اظن ان هذا ليس اختبار يعتمد علية

ملحوظة هو ممكن يكون البورصبلاى السبب علشان انا عندى بورصبلاى فى جهازى القديم 450 وات و فى جهازى الجديد 250 وات هو يفرق فى الموضوع دة

و جزاك الله خيرا

و الله المستعان

السلام عليكم ورحمة الله وبركاته

اخى الكريم كويس الاجراء اللى عملته وحاول تطول الفترة عموما انا مش عاوزك تتعب نفسك علشان انت فى فترة ضمان وفى جميع الاحوال لازم تودى الجهاز للشركة علشان هما اللى هايغيرو اى حاجة فيها مشكلة لأن ده حقك طول فترة الضمان انا مش عاوزك تزعل منى واوعى تفتكر انى مش عاوز اساعدك ولا حاجة لا والله بس انا عاوز اريحك واجبلك من الاخير لأن حتى لو انت عرفت المشكلة فين بالظبط هما لازم يقوموا بالفحص والاختبار وعموما بردوا لو عاوز نكمل مع بعض علشان انت تتعلم وتستفيد انا معنديش مانع وعلشان أأكدلك انت الخطوة اللى جاية فى اختبار مكونات الجهاز هى الرامات لأن غالبا هى اللى بتعمل المشكلة دى وممكن تجرب كل شريحة لوحدها او تختبرها بأحد برامج إختبار الرامات وفى برامج بتختبر كل حاجة فى الجهاز عموما لو عاوز تجرب فى اسطوانة اسمها Hiren's BootCD وده رابط اخر اصدار ليها

http://forums.myegy.com/thread110491.html

نزلها وحرقها على اسطوانة واستعملها لو حبيت هتلاقى فيها برامج عديدة لإختبار كل حاجة فى الجهاز وبالنسبة للبارو صبلاى ده احتمال وارد بس ضعيف ولو ينفع تركب البارو القديم فى الجهاز الجديد جرب بس لو متعرفش الكيفية فمتحاولش خالص علشان متحصلش مشكلة اكبر وتخرج الجهاز من الضمان سعتها لو حصل حاجة عموما شوف اللى ريحك وانما معاك فى جميع الاحوال ان شاء الله وربنا يقدم اللى فيه الخير

ووفقكم الله والجميع لما يحبه ويرضاه

والسلام عليكم ورحمة الله وبركاته

السلام عليكم اخى الكريم

جزاك الله خيرا على المساعدة

انا اشتريت بور صبلاى 1200 وات و غيرت البورصبلاى الموجود فى الكيسة لكن جاب الشاشة الزرقاء مره تانية عملت المرة دة خلعت الرامة و شغلت الجهاز و الحمد لله كل حاجة لحد دلوقتى تمام

ححاول اضع الرامة تانية بس بعد ما اختبر الجهاز

سوال انا زى ما قولت انا اشتريت بور صبلاى جديدة تمام هو مكتوب علية 1200 وات بس لا اظن انه بيعطى ال 1200 فعلا . سوالى ازاى اعرف بيعطى كام وات فى الحقيقة ؟؟؟؟؟

و الله المستعان

السلام عليكم ورحمة الله وبركاته

بارك الله فيك اخى الكريم

بالنسبة للإختبار الخاص بالرامات استمر فيه وبلغنى بالنتائج بس طول فترة العمل على الرامة الواحدة ومتنساش الالعاب التقيلة وربنا يقدم اللى فيه الخير

وبالنسبة للباور صبلاى معرفش الحقيقة بس انت عرفت منين ان هو بيعطى اقل من المكتوب هو حصلت حاجة ؟

ووفقكم الله والجميع لما يحبه ويرضاه

والسلام عليكم ورحمة الله وبركاته