عمل upgrade من ويندوز فيستا الى ويندوز 7

السلام عليكم ورحمة الله وبركاته

اخى فى الله اليك هذه الروابط التى ستجيب على معظم اسئلتك واسف على العجلة

وسأكمل وأتابع معك لاحقا ان شاء الله واسف على الإختصار

تفضل الروابط :

http://windows.microsoft.com/ar-XM/windows7/help/upgrading-from-windows-vista-to-windows-7

http://windows.microsoft.com/ar-XM/windows-vista/products/home

http://windows.microsoft.com/ar-xm/windows/downloads/upgrade-advisor

وربنا يوفقك ويوفق الجميع ان شاء الله لما يحبه ويرضاه

والسلام عليكم ورحمة الله وبركاته

السلام عليكم ورحمة الله وبركاته

شكرا وبارك الله فيك اخى الكريم وجزاك الله خير واسف على تعجلى المرة السابقة ولم اتمم الإجابة فقد كنت على عجلة من أمرى فأرجو المعذرة وبالنسبة للروابط اعتقد انك وجدت فيها اجابة معظم اسئلتك وحضرتك تقدر تحدد تقدر ترقى ولا لأ وإيه نوع الترقية المطلوبة فأكيد لاحظت فى قرأتك للروابط ان حسب نوع إصدار ويندوز فيسيتا اللى عندك تقدر ترقى لأنهى إصدا فى ويندوز 7 وكمان افضل حاجة البرنامج اللى بتنزلهولك ويندوز علشان تشوف الجهاز بتاعك ينفع يترقى ولا لأ وينفع معاه ايه من الإصدارات المهم لو كان فى اى حاجة مش واضحة اسألنى عليها وان شاء الله مش هتاخر عنك وهتناول الأسئلة اللى حضرتكم تفضلتم بسؤلها سؤال سؤال .... بسم الله :

* كيف أعمل upgrade لجهازي من فيستا الى 7 علما بأن الجهاز كمل عندي سنه والنسخة اللي عندي أصليه ؟؟

- يمكنك الحصول على نسخة مخصوصة للتحديث وبتكون ارخص من النسخة الكاملة بس تكون متوافقة مع نوعية الإصدار اللى عندك زى مقلتلك وزى محددت الشركة زى ما شفت فى الصفحات اللى اديتك روابطها سابقا او نسخة كاملة لو حبيت علشان تكون مستقلة عن النسخة اللى موجودة عموما دى حاجة ترجعلك

* أنا سمعت مره إنه اللي نسخته أصليه يروح للموقع حق مايكروسوفت وعلى طول يطلب upgrade هل هذا صحيح؟؟

-اعتقد والله اعلى واعلم ان ده غير صحيح انت يمكن قصدك الترقية فى الاصدار نفسه بتاع فيزيتا يعنى مثلا من sp1 الى sp2 زى اللى بيحص فى ويندوز اكس بى

* وايش راح يصير بالمعلومات اللي في الجهاز وايش راح يصير بالريكافري اللي أخذته أول مااشتريت الجهاز هل ماعاد ينفع؟؟؟؟

- فى حالة التحديث ان شاء الله مش هايحصل اى تغير بل على العكس كل البرامج اللى متثبتة بتفضل ولو حتى موجود ملف على سطح المكتب ان شاء الله هتلاقيه لكن لو نسخة جديدة من الأول الى الأخر ده فيها كلام تانى بس انت خليك فى تحديث وترقية النسخة اللى موجودة افضل علشان متتعبش ان شاء الله لان النسخة الجديدة هتحتاج تثبت البرامج اللى انت بتحتاجها تانى وتقعد تزبط فى النسخة لحد متوصل للى انت عاوزه لكن اللى انت شغال عليها حاليا اكيد غالبا انت مظبطها فيها كل البرامج اللى انت بتحتجها وبتحديثتها كمان فبلاش موضوع النسخة الجديدة افضل وخصوصا ان التحديث للنسخة الحالية هتريحك من حاجات كتير إلا اذا كانت النسخة الحلية باظت او تعبت عموما شوف اللى يريحك واعمله وبخصوص موضوع الريكافرى فمتقلقش ملهوش دعوة بأى تحديث هتعمله سواء كان الريكافرى موجود على اسطوانات او موجود دخليا فى الجهاز فهو دوره يعمل استعادة للجهاز زى مكان جديد او يرجع الويندوز فقط زى مكان جديد يعنى حسب الخيارات اللى بيحديدها فى عملية الإستعادة فمتقلقش ينفع ان شاء الله بس انت حافظ عليه كويس لو كان على اسطوانات وخلى نسخة احتياطى تانى من الإسطوانات كمان علشان تطمن اكتر لو حبيت

*واذا احتجت الى فورمات من فين أحصل على النسخة الاصلية حق 7 ؟؟

- اولا انت مش محتاج نسخة اصلية من ويندوز 7 علشان تعمل فورمات ومش محتاج تعمل فورمات اصلا ان شاء الله لأن عندك اساسا نظام استعادة يغنيك عن الموضوع ده ده فى حالة اذا قدر الله وحصل حاجة للويندوز الحالى اما اذا كان قصدك لعمل تثبيت نسخة ويندوز جديدة فذى مقلتلك حدث على اللى موجود افضل ولو الأمر احتاج تنزيل نسخة جديدة وفورمات لأى سبب فخلى الوكيل اللى هتشترى منيه النسخة هو اللى يظبطهالك افضل لأنه هيكون عندو خبرة ومعرفة اكتر منك وخليه بعد مايعملك النسخة زى منت عاوز يعملك ليها نسخة احتياطية (جوست) علشان متحتجش تنزل كل شوية من الإسطوانة الأصلية والموضوع ده تعمله بردوا فى حالة التحديث ولو متعرفش اذاى تعمل نسخة احتياطية نبقى نشرحالك ان شاء الله لو حبيت اما بخصوص مكان شراء النسخة الأصلية فلو دخلت على موقع الشركة هتلاقى عناوين الموزعين بتوعها فى كل العالم فشوف الموزعين اللى فى بلدك ولو معرفتش قلى اسم البلد وان شاء الله هجبلك كل حاجة بإذن الله وطبعا فى خيار الشراء من خلال الإنترنت وموقع الشركة نفسه بس معرفش بالنسبالك الموضوع ده ينفع ولا لأ

هذا والله اعلى واعلم ورد العلم اليه اسلم

ولو فى اى اسئلة او اى استفسار فلا تترد ووفقكم الله ووفق الجميع لما يحبه ويرضاه

والسلام عليكم ورحمة الله وبركاته

السلام عليكم ورحمة الله وبركاته

الشكر لله أخى الكريم وما التوفيق إلا من عند الله عز وجل

وربنا يوفقك ان شاء الله ويسدد خطاك ويسهلك كل صعب ومتقفش محاج حاجة

خالص بإذن الله وانا فى الخدمة فى اى وقت وبارك الله فيك وجزاك الله كل خير

ووفقكم الله ووفق الجميع لما يبه ويرضاه

والسلام عليكم ورحمة الله وبركاته