مشكلة في تعريف الصوت للاب توب سيمنس ؟

السلام عليكم ورحمة الله وبركاته

اخى الحبيب حضرتك موضحتش نظام تشغيلك عموما

لو كان ويندوز سفن فغالبا والله أعلى وأعلم لن يعمل لأن عندما دخلت لأحمل ملف التعريف من موقع الشركة

ولم اجد اختيار اى نظام تشغيل غير نظام اكس بى وجدت فى اخر تعريفات الجهاز اختيار

Windows® 7 Support for Fujitsu Technology Solutions Notebooks and Desktop PCs - AMILO Pro V2020

وعندما قمت بالضغطت عليه وتحميل محتواه وجدت ملف بى دى اف فيه الاجهزة التى متوافقة مع اكس بى

ويمكن ترقيتها لويندوز 7 ولم اجد من ضمنهم جهازك عموما انا حملتلك الملف فى المرفقات علشان تطلع عليه

اما لو كان نظامك إكس بى فقد حملت الملف من الموقع ولم اجد اى مشكلة فى فك الضغط عموما لقد قمت بتحميل

الملف بطريقتين مختلفين وان شاء الله اكيد حد منهم هينفع

الطريقة الاولى وهى ملف مضغوط ذاتى التشغيل لا يحتاج لأى مساعدة من اى برنامج وهذا هو الرابط الخاص به

http://www.4shared.com/file/lpDVVZh2/____fujitsu_siemens_amilo_pro_.html

اما الطريقة الثانية فهى طريقة ضغط الملفات بالإمتداد رار العادى علشان تجربه بردوا وده الرابط بتاعه

http://www.4shared.com/file/yEb-rDRo/____fujitsu_siemens_amilo_pro_.html

ويارب أكون فيدتك ان شاء الله ولو حضرتك عايز اى حاجة تانى لا تتردد فى الطلب او الإستفسار وإن شاء الله مش هتأخر عنك أو عن أى حد يعوز أى حاجة أقدر علياها بإذن الله وربنا يوفقك ويوفق الجميع لما يحبه ويرضاه إن شاء الله

والسلام عليكم ورحمة الله وبركاته

A26361-F2009-Z275-1-7619.pdf

بسم الله الرحمن الرحيم

الأخ / محمد .ع.م أشكر على سرعة الرد وعلى صدرك الرحب لتقبل المزيد من الاستفسارات ، وعفوا عن عدم توضيح نوع النظام سهوا وهو XP

وتم بحمد الله تحميل الملف وفك الضغط عنه وإن شاء الله سيتم تثبيت التعريف في الجهاز ويتعرف الصوت يإذن الله ، بس أردت أن أسأل هل التعريف يشمل الفديو أي كرت الشاشة ، وإن كان خاص بالصوت فقط فأرجو أن ترفع لي تعريف الفديو أيضا وجزاكم الله خير

السلام عليكم ورحمة الله وبركاته

اخى الحبيب الشكر لله واى حاجة تعوزها ان شاء الله ربنا يقدرنى عليها

وطبعا التعريف السابق هو للصوت فقط وان شاء الله يشتغل معاك وبالنسبة للفيديو

انا لقيت ان فيه تعريفين للفيديو نفس نوع الفيديو بس إصدارين مختلفين فعلشان كدة حملتلك

الإصدارين وأكيد إن شاء الله حد منهم هينفع وخصوصا الأول لأنه غالبا والله أعلم الأحدث

وعلى فكرة حملتهم بملف مضغوط ذاتى التشغيل أعتقد إن الطريقة دى أفضل

وطبعا طريقة الضغط بنظام ZIP الموجودة فى الويندوز كويسة بردو بس المشكلة إن غالبا الكل بيكون

مثبت عنده برنامج لفك الملفات المضغوطة وبيكون هو الإفتراضى للتعامل مع أى ملف مضغوط على

الجهاز ولو حصل مشكلة فى البرنامج بيعمل بغير كفأة وبيفشل كتير فى فك أبسط انواع الملفات

المضغوطة وبيفتكر الواحد ان المشكلة فى الملف فى حين ان المشكلة فى البرنامج علشان كدة

يستحسن الواحد ميستعجلش بالحكم على سلامة الملف من عدمه قبل محاولة فتحه بنظام الملفات

المضغوطة(ZIP ) الموجود اساسى بالويندوز حتى يتأكد من إمكانية فتح الملف من عدمه ده طبعا فى حالة

لو كان الملف إمتداده (ZIP) وفى حالة الإمتدات الأخرى يجرب برنامج تانى غير الموجود علشان يتأكد المشكلة

فين وأحيانا سعات لازم يتم إزالة البرنامج اللى ممكن يكون سبب المشكلة من على الجهاز لأنو بيأثر على كل

عمليات فك الضغط للملفات المضغوطة بس على فكرة فى عيب واحد فى طريقة الضغط بنظام الإقلاع الذاتى

وهو إنه بيبقى عرضة أكثر للإصابة بالفيروسات لأنه إمتداده طبعا بيكون exe علشان كدة يفضل بعد تنزيل

الملف اللى بالصيغة دى إن يتم عمل نسخة إحتياطى منه فى ملف zip بطريقة الويندوز نفسه مش بأى حاجة

تانى علشان يبقى أكثر مرونة ومعلش طولت عليك بس انا حبيت أوضح المعلومة دى يمكن تفيدك أو تفيد أى

حد يمر على الموضوع وأسف إذا كنت أزعجتك وإتفضل الروابط :

التعريف الأول:

http://www.4shared.com/file/VZ8qG1Fs/____AMILO_Pro_V2020_61410188.html

التعريف الثانى:

http://www.4shared.com/file/bVUE6qZi/_____Fujitsu_Siemens_AMILO_Pro.html

ولو عاوز اى تعريفات أو أى حاجة تانى أنا فى الخدمة إن شاء الله والله الموفق والمستعان

وربنا يوفقك ويوفق الجميع لما يحبه ويرضاه

والسلام عليكم ورحمة الله وبركاته

أخي العزيز / محمد.ع.م

السلام عليكم ورحمة الله وبركاته

وبعد عفوا عن تأخري في الرد واشعارك بالنتيجة وذلك لإن الجهاز ليس حقي وإنما زميلا لي ،امس أتى به وتم التعريف .و الحمد لله المشكلة انحلت وتم تعريف الصوت والفديو معاً وذلك بفضلكم جزاكم الله خير ، وأيضا حاولت مرة أخرى تحميل الملف من موقع الشركة وطلب مني تعديل حماية الإكسبلور إلى وضع منخفض وقمت بالتحميل وكان الملف سليما وتم فك الضغط عنه دون مشاكل ، صحيح إذا تعسرت تيسرت ومع العسر يسران كما جاء في سورة الشرح ، لا ادري ما أقول ولكن الدنيا لا زالت بخير إذا فيها امثالكم ينفعون الناس ، وخاصة في هذا الموقع وجدت كثير مما ابحث عنه ، وخير الناس أنفعهم للناس ، ومن لم يشكر الناس لم يشكر الله ، فشكراً جزيلا والعفو منكم

السلام عليكم ورحمة الله

بارك الله فيك اخى الكريم والشكر والفضل لله وحده

وسيظل الخير اخى الكريم فى الأمة بنا أو بغيرنا فالخير فى الأمة إلى

يوم الدين كما قال النبى صلى الله عليه وسلم ولى رجاء أن تعدل مشاركتك الأخيرة

وتمسح حرف النون الموجود فى كلمة (يسران) علشان تبقى زى اللى فى صورة الشرح

صح قصدى بعيد عنك ان شاء الله فى ناس ضعيفة وممكن تفتكرها مكتوبة كدة فعلا

ونشيل ذنبها :)

وبارك الله فيك وجزاك الله خيرا وشكرا لإهتمامك وردك علينا فهذا إن دل فقد دل على

ذوقك وأخلاقك العالية وكرم أخلاقك وزادك الله من فضله ووفقك ووفق الجميع لما يحبه ويرضاه

والسلام عليكم ورحمة الله وبركاته

عفوا أخي مقصودي لما ذكر الله سبحانه وتعالى في سورة الشرح (فإن مع العسر يسرا . إن مع العسر يسرا ) ذكر المفسرين أن العسر الأول نفسه العسر الثاني لإن المعرفة إذا تكررت هي نفسها . واليسر الأول ليس نفسه اليسر الثاني لإن النكرة إذا تكررت لا تكون نفسها . فمعنى الآية أن العسر ليس له يسر واحد فقط وإنما له يسر ثاني وعفوا على ذلك ، كتبت ذلك التوضيح لأنني لم استطع تعديل المشاركة