السلام عليكم ورحمة الله وبركاته
انا بصراحة حبيت اعمل الموضوع دا علشان عارف كويس احنا كمطورين بنعاني ازاي فى البحث عن كورسات محترمة نقدر بيها نطور مهارتنا
بس فى شوية ملاحظات حبيت ابتدي بيها
أولاً وبصراحة أنا مجربتش اخد كورسات فى الشركة اللى هقول عليها دلوقت علشان أحكم على المدربين
ثانياً انا عامل الموضوع دا لاني حاسيت انها شركة محترمة أو على الأقل بتدي كورسات جميلة وصعب نلقيها فعلاً فى حتة تانية
ثالثاً انا لما كنت هناك و تكلمت مع واحد منهم ووراني صيغة العقد لقيت فى العقد شوية ضمانات تخليني فعلاً مخفش على فلوسي ولا وقتى والضمانات دى انا هقولها كمان شوية
رابعاً : ودا الأهم بصراحة ان كل دورات عملينها بعدد ساعات معين بس كحد أدنى مش أقصى ، يعني مثلا كورس السي شارب 92 ساعة كحد أدني يعني متقلش عن كده بس ممكن تزيد ومن غير حدود فى حالة ان الجروب اللى انا فيه لسه مفهمش نقطة معينة أو المدرب شايف انه عايز يشرح حاجة معينة بتفاصيل اكثر والموضوع دا بيقى بالإتفاق ما بين المدرب والمتدربين والشركة بتوفرلهم الوقت دا .. دي بصراحة بالنسبة لي ميزة قوية لانه دا معناه انى مش هاخد كورس والسلام وفى عدد معين من الساعات وزي ما بنقول يقلبوني
عامة الشركة اسمها smart protons انا سمعت عنها من واحد صحبي ، ورحت معاه وهى جديدة على فكرة اليوم اللى احنا رحنا فيه كان تاني يوم من الإفتتاح ، الشركة بتاعة كورسات برمجة بس ، بجد انا لما مسكت تفاصيل الكورسات مبقتش مصدق انى ممكن اخد الكورسات دي او على الاقل مشوفتش شركة أعلنت عنها .
اللى عرفته منهم انهم بينزلو كورسات على مراحل :
يعني المرحلة الأولى اللى هم فيها دلوقت عندهم الكورسات دي :
Programming using C#
ASP.net Applications
WCF Applications
WPF Applications
WF Applications
Network Programming
Software Engineering
Data Structure and Algorithm
وانه فى المرحلة التانية هيبتدوا يتوسعوا فى كورساتهم وهيدخلوا لغات تانية وبرامج جديدة
المميزات بتاعة العقد اللى قولت عليها هى اني فى حالة اتفاق اغلب المجموعة على تغيير المتدرب يغيره عادي ويجيبوا غيره ولو المجموعة اتفقت على تغيير التاني بردوا الشركة هتغيره ، ولو معجبش الجروب بردوا يبقى من حق الجروب استرداد امواله بالكامل دون اي خصومات ، بصراحة انا علشان خاطر السطرين اللى فاتوا دول اطمنت جداً وناوي أحجز كورس Network Programming على طول.
عامة انا اسف على طول الموضوع بس كان لازم أفيدكم لأني بجد انا استفدت جدا جدا من الموضوع دا وعلى فكرة اللى عايز يسأل على حاجة يرحلوهم هما هناك حطين واحد تكنيكال فاهم كويس يقعد معاك ويجاوبك على اللى انت عايزه
عامة دا الموقع بتاعهم www.smartprotons.com وتقدرا منه تنزلوا تفاصيل الكورسات بتاعتهم
امتنى اكون فيدكم يا جماعة . السلام عليكم ..