مشكله فى اللاب توب

السلام عليكم ورحمة الله وبركاته

اخى فى الله اذا كان تم اغلاق الشبكة من خلال برنامج الحماية فيمكنك الدخول

على اعدادات البرنامج وستجد جزء فى الاعدادات مخصص لضبط الشبكة ادخل عليه

وابحث عن untrusted network وإلغى او حول الشبكة من untrusted network الى

trusted network أما إذا كان هذا الأمر صعب عليك فقم بإلغاء تسطيب البرنامج واعد تشغيل الجهاز

واذا وجدت ان الشبكة عادت للعمل والمشكلة اتحلت اعد تسطيب البرنامج مع مراعاة عدم تكرار

الخطاء الذى تفضلتم بذكره أما إذا لم تحل المشكلة فأرجو ان تخبرنى بنوع الويندوز ونوع الجهاز

وان كنت اعتقد انه لاب توب ولكن اكد لى من باب الاحتياط ولى سؤال اخر هل عندما تقوم بالدخول

على النت من خلال اى طريقة غير الوايرلس بتدخل عادى ولا بردو مش بتقدر ؟

وربنا يوفقك ان شاء الله والله المستعان والموفق وفى انتظار ردكم الكريم

والسلام عليكم ورحمة الله وبركاته

شكرا اخى على ردك...

اولا: الجهاز لاب توب acerبس قديم شويه...ويندوز xp

ثانيا: ادخل على النت عن طريق الكبل عادى جدا...المشكله فى الوايرلس

ثالثا: لقد لغيت تسطيب البرنامج كاملا بالفعل ولكن المشكله لم تحل

والايقونه التى تظهر لى الشبكات المتاحه وتخلينى اعمل كونكت....لا تفتح

السلام عليكم ورحمة الله وبركاته

اخى فى الله لى سؤال مدام حضرت بتدخل الى النت عن طريق كبل عادى فما حاجتك

للوايرلس وعلى فكرة غالبا الاب توب بيكون فيه زر بيقوم بإشغال وإغلاق الويرلس والبلتوث ان وجد

وذلك لتوفير الطاقة وعدم الضغط على الجهاز بعمل لا اهمية له لانه طول ما الوايرلس او البلتوث شغال

بيكونوا فى بحث مستمر على اى اجهزة مما يسبب ضغط على الجهاز لذلك نقوم بإغلاقه من خلال

الزر المخصص له وعموما يمكنك الدخول على Network Connections من خلال لوحة التحكم Control Panel

وتاكد من سلامة الاتصال واعدادت الشبكة وستجد غالبا فى ال Network Connections ايقونتين واحدة للاتصال

العادى وواحدة للوايرلس ابحث فى اعدادت الويرلس وقم بالبحث عن untrusted network فى الاعدادت

وحاول تلغى الحظر المعمول على الشبكة لو لقيته او انظر ماذا ستجد ورد عليا

والله الموفق والمستعان ومعلش تعبتك معايا بالاسئلة بس انا زى الاعمى اللى عاوز يشوف بإيده فعذرنى

السلام عليكم ورحمه الله...

اخى العزيز....

اولا: انا احتاج الوايرلس للاب توب لان كابل النت العادى مستخدم فى جهاز pc ...

ثانيا:قبل تسطيب الbitdefender كنت استخدم الوايرلس وشغال عادى جدا...المشكله ظهرت بعد تسطيبه وحتى بعد ازالته

وانا جربت جهاز لابتوب اخر لصديق ولقط وايرلس من الراوتر عااادى

ثالثا:زر الوايرلس فى الجهاز مفتوح ومضئ...ولكن لما اخش على الwireless network واعمل repair مبيكملوش ويقولى cannot connect

انا المفروض لما يلقط انى اخش على program files كما بالشكل img1 ويجيبلى الشبكات المتاحه..ولكن تظهر لى هذه الرساله

وفى حاجه فى الPROGRAM FILES اسمها acer wireless lan configuration utility بش عليها بردو يقولى الشورت كت ده مش موجود

بس هو سؤال هل ال bitdefender ممكن يمسح ملفات من الsystem لو لقى فيها فيروس..لانى اول مانزلته عملت scan على الc

وطلعلى فيروسات كتير....فممكن يكون مسح ملفات من السيستم..لانى من سعه مامسحته وفة رسايل ايرور كتير بتطلعلى....

اسف على الاطاله...ومتشكر اوى على اهتمامك لان انا كده اللى بتعبك معايا....

السلام عليكم ورحمة الله وبركاته

اخى الحبيب مفيش تعب والله دنا اللى بتعبك بأسلتى

بس كلامك وضح امور كتير مكنتش واضحة لانك مقلتش ان فيه فيروسات

واتمسحت وطبعا ممكن جدا يكون ملفات من اليندوز ويظهر ان من الحجات اللى اتمسحت

ملفات خاصة بالوايرلس وده وارد جدا طبع لان ممكن يكون الفيرس معدى وبيتنقل خلال الشبكة

مهما كان نوعها وده بيأثر فى حجات كتير عموما علشان مطولش عليك جرب وعرف الويرلس من او جديد

بعد ماتشيله من مكونات الجهاز واذا كنت جربت كدة ومنفعش يبقى لازم تغير النسخة وده بنصح بيه فى

جميع الاحوال لان غالبا السيستم مش بيرجع يشتغل بكفائة بعد اصابته بفيرس حتى لو اتشال وخصوصا

لو كان نسخة غير شرعية بتكون اضعف غالبا جرب وان شاء الله المشكلة تنحل بس جرب تعريف الكارت الاول

من حتى من باب العلم بالشىء وعلشان تعرف هل هتفرق ولا لأ وربنا يسهل ان شاء الله

واى حاجة انا فى الخدمة

السلام عليكم ورحمه الله....

طب سؤال برئ بقى واستحملنى....انا جيت علىwireless network connection---> properties-->configure(of wireless network card)---> driver---->update

طلعلى الرساله دى the wizard could not find a better match for your hardware than the software you currently have installed.

ان كده بقى لازم يكون عندى سى دى التعريف (اللى هى مش معايا)!!!

وازاى اشيل الوايرلس من مكونات الجهاز.......

بالنسبه للنسخه هى اصليه...هل ينفع انزل نسخه اصليه تانيه واعمل repair windowsبدل ماسطبه...لانى مش معايا التعريفات

السلام عليكم ورحمة الله وبركاته

اخى فى الله اسأل براحتك وان شاء الله سأجيبك قدر استطاعتى واعتذر عن التاخير

وبالنسبة لما قمت بعمله والرسالة اللى طلعتلك فما قمت بعمله هو محاولة لتحديث ملف

او برنامج التعريف الخاص بالويرلس والرسالة اللى طلعتلك بتقلك ان عندك احدث اصدار وان

مفيش احدث من كدة والمشكلة عندك ان الجهاز بيعتبر الويرلس شغال طبيعى ومفيش مشاكل

وده طبعا غير صحيح علشان كدة لازم تعيد تثيبته تانى ومش شرط انك تشيله من مكونات الجهاز

بس بردو هقلك تشيله اذاى علشان تعرف وذلك من خلال الاتى

اختر properties (خصائص) الخاصة بالجهاز (my computer)

بعد كدة اختار التبويب hardware ثم اضغط على device manager التى ستراها

سيقوم بفتح شاشة تظهر لك جميع مكونات الجهاز وتستطيع ازالة(uninstall) او ايقاف(disable)

اى جزء من مكونات جهازك وبالنسبة لتعريفات جهازك ابعتلى اسم وموديل الجهاز بالظبط وان شاء الله

هجبلك كل التعريفات بتاعتو علشان تحتفظ بيها وبالنسبة لموضوع الويندوز انو نسخة اصلية فهل فى اى

اسطوانات جات مع الجهاز ؟ وهل فيه اى شعار لويندوز مكتوب على الجهاز نفسه ؟ وهل انت نزلت قبل

كدة اى نسخة ويندوز وقبلتك مشاكل فى التعريف؟ لان المفروض الجهاز لما يبقى مطبوع عليها شعار

ويندوز (اكس بى مثلا) يبقى المفروض ان الويندوز ده بيتعرف على كل مكونات الجهاز لوحده من غير اى

تعريف وفى حاجة تانى المفروض ان فى حاجة اسمها ريكفرى (استعادة) بتكون موجودة فى الاب توب بس بيختلف الاسلوب

من جهاز لأخر علشان كدة ان شاء الله لما تجيبلى موديل الجهاز بالظبط هقدر احددلك تعمل ايه ان شاء الله

وبالشكل الامثل بإذن الله واعذرنى على كثرة اسالتى لكن لو عاوز افسرلك انا مستعد بس مش برضى اعمل

كدة علشان مزعكش اللى بيقرا وصدع دماغه على حاجة هو يمكن متهمهوش عموما فى انتظار ردكم الكريم

وربنا يقدم اللى فيه الخير ان شاء الله

والسلام عليكم ورحمة الله وبركاته

السلام عليكم....

شكرا جدا اخى على مساعدتك.......

بالنسبه للجهاز هو acer وو يندوز اكس بى والشعار موجود فعلا على الجهاز....بس انا منزلتش عليه اى نسخه قبل كده خالص فمجربتش هيطلب التعريفات ولا كده يبقى هيتعرف عليها ويعرفها من نفسه .....

وهل لازم اجيب نسخه اصليه تانيه وانزلها؟

والجهاز acer travelmate 4500

وكارت الوايرلس intel pro/wireless 2200BG

انا جربت عملتله disable

وبعدين enable tany

مفيش فايده

وبالنسبه للصداع ولا يهمك اهم حاجه مكنش صدعتك انا.....

الشكر لله اخى فى الله واى حاجة تعوزها انا فى الخدمة وعلى فكرة

اخى الحبيب انا مش ممكن اصدع من اخ ليا فى الله وانا معاك للاخر ان شاء الله

ولو عوزت اى حاجة مش هتاخر عنك وبالنسبة لموضوع ال disable اللى انت عملته

فطبعا مش هيعمل حاجة لأنك كدة كأنك طفيت الجهاز وشغلته تانى مفيش فرق

او كأنك ضغط على الزر الخارجى اللى بيطفى الواريلس لأن disable انا قلتلك فى المشاركة

السابقة معناها ايقاف مش ازالة الازالة انك تعمله (uninstall) عموما انا قريت نوع وموديل الجهاز

وهعرفلك اللازم وارد عليك ان شاء الله بأسرع وقت وصحيح مقلتليش فى اى اسطوانات ملحقة بالجهاز

ولا لأ وان شاء الله هرد عليك بسرعة والله الموفق والمستعان

والسلام عليكم ورحمة الله وبركاته

السلام عليكم....

جزاك الله خيرا يا اخى...

انا كنت نزلت تعريفات الجهاز بس لما جيت اشغلها قالى it is not a valid win32 application

والمشكله انى مش معايا اى اسطوانات للجهاز

انا كده مضطر انى انزل ويندوز جديد

يس هل لازم تكون اصليه عشان يتعرف لوحده على الجهاز؟؟

اخى الحبيب اسف جدا على تأخرى فى الرد

لقد كنت انتظر ردك انت ونسيت انك ذكرت فعلا

لى اسم الموديل وانك انت الذى تنتظر ردى اسف والله

اعذرنى فلم انتبه للأمر الا عندما اضفت مشاركتك الجديدة اليوم

وارجو ان تسامحنى وبالنسبة لجهاز فغالبا لن تحتاج اى اسطوانة

ان شاء الله وهذا كتيب جهازك الخاص قم بقرائته جيدا (وأرجو ان

تكون لغتك الانجليزية جيدة ان شاء الله) وستجد فى صفحة 50 او 58

باب الاستعادة إقراءه جيدا وإذا قابلتك اى مشكلة راسلنى على طول

ولكن كن حزر وتأكد مما تفعله حتى لا تخسر كل اللى على جهازك لو

اخترت اختيار خاطىء واذا كان الجهاز كله عندك برتشن واحد يعنى كله

مفهوش غير درايف السى انصحك تنقل حجاتك على جهاز او هارد تانى

وتعيد تقسيم الهارد الى سى ودى على الاقل سم قم بعملية الاستعادة

لانك ستجد فى الدليل عملية استعادة السى فقط من ضمن الاختيارات

وغالبا هتلاقى بردو اختيار يرجعلك الجهاز كله لوضع المصنع الاساسى

زى مكان جديد عموما اقرا الدليل كويس ورد عليا وادى الرابط بتاعه هو كتاب PDF على فكرة

http://www.4shared.com/document/vKtsOjov/_____acer_travelmate_4500.html

وده رابط تحميل كارت الوايرلس (انتل)

http://global-download.acer.com/GDFiles/Driver/Wireless%20LAN/WLAN_Intel_8.0.12.20000_XPx86.zip?acerid=633638173966183591&Step1=Notebook&Step2=TravelMate&Step3=TravelMate 4500&OS=X02&LC=en&BC=Acer&SC=EMEA_1

ولقيت ان فيه وايرلس تانى مع تعريفات الجهاز مع الانتل كان فيه واحد (ACER) جربه برده

http://global-download.acer.com/GDFiles/Driver/Wireless%20LAN/WLAN_IPN2220_2.10.03.2004_XPx86.zip?acerid=633638173986776647&Step1=Notebook&Step2=TravelMate&Step3=TravelMate 4500&OS=X02&LC=en&BC=Acer&SC=EMEA_1

وعلى فكرة لاحظت ان جهازك الشركة عاملة تعريفات لإكس بى فقط اما فيزيتا و سفن فملهومش تعريفات وهما عاملين عليهم

علامة X بس اعتقد ان السبب ان هما الاتنين مش محتاجين تعريفات وان هما بيتعرفو على الجهاز لوحدهم من غير تعريفات

اما احتمالية ان ملهمش تعريفات على الويندوزين دول لعدم توافق الجهاز معهم فهذا احتمال ضعيفة جدا وجرب بنفسك

وان شاء الله تلاقى اللى يريحك واى حاجة انا فى الخدمة ان شاء الله

واسف مرة تانية على التاخير وارجو ان تسامحنى بالله عليك واشهد الله انى كنت انا الذى انتظرك ولكن كنت على خطاء

فمعلش سامحنى والله الموفق والمستعان واتمنالك وللجميع كل التوفيق والثبات

والسلام عليكم ورحمة الله وبركاته

السلام عليكم ورحمه الله.....

انا الان داخل عن طريق الوايرلس..

تم بحمد الله.................

كان فى repair فى تسطيب الوايرلس ...والحمد لله هو عمل repair وتعامل مع نفسه بعد مانزلت التعريف الجديد للكارت..

فى النهايه شكرا جزيلا جدا على مساعدتك.. وجزاك الله خيرا على تعبك

وعليكم السلام ورحمة الله وبركاته

والشكر لله اخى الكريم

والحمد لله ان المشكلة اتحلت بس بردو ابقة نزل الكتيب

واحتفظ بيه علشان لو قدر الله وقبلتك حاجة تانى

مع تمنياتى لك وللجميع بالتوفيق ان شاء الله وربنا يوفقك

والسلام عليكم ورحمة الله وبركاته