مشكلة في برنامج أكسيس رسالة خطأ

هذا يحدث عند تغيير الاوفيس اكثر من الويندوز

وخاصة تغيير من نسخة اجنبية معربة الى نسخة عربية اصلا

الحل بفتح النموذج والكود

عمل Debug والتاكد من خلوه من الاخطاء

او

تاكد من اسماء الحقول والجداول اذا كان النموذج يعتمد على جدول

او حاول ارفاق الملف

تحياتي

همام ابوعرقوب كتب:

هذا يحدث عند تغيير الاوفيس اكثر من الويندوز

وخاصة تغيير من نسخة اجنبية معربة الى نسخة عربية اصلا

الحل بفتح النموذج والكود

عمل Debug والتاكد من خلوه من الاخطاء

او

تاكد من اسماء الحقول والجداول اذا كان النموذج يعتمد على جدول

او حاول ارفاق الملف

تحياتي

شكرا عزيزي علي الرد ولكن البرنامج مغلق الكود

البرنامج يعمل علي جهاز اخر بأوفيس 2000 عربي

وانا فعلا حملت 2003 و 2007 وعلي الاثنين لم يعمل

وايضا هذا البرنامج يعمل منذ حوالي 5 سنوات زي الفل بس الجهاز لم يغيير ويندوز او افيس

سوف احاول تنصيب افيس 2000 كده واشوف

تأكد من ان جميع العناصر ( مربعات نصوص ، اسماء نماذج) هي باللغة الانكليزية، وليس العربية

وفي حال كانت باللغة العربية، قم بتنزيل ملفات التعريب كاملة لنظام الويندوز

masa-sy كتب:

تأكد من ان جميع العناصر ( مربعات نصوص ، اسماء نماذج) هي باللغة الانكليزية، وليس العربية

وفي حال كانت باللغة العربية، قم بتنزيل ملفات التعريب كاملة لنظام الويندوز

كل شئ بالانجليزي وكان شغال زي الفل مش عارف ايه اللي حصل ؟

الموضوع كمان ان البرنامج بقاله سنين ومحمل علية بيانات سنين انا اعتقد انه في ملف يكون معمول كود معين يبحث عنه مثلا عند الفتح !!!

السلام عليكم ورحمة الله وبركاته

اخى فى الله عندى اقتراح بخصوص المشكلة اللى حضرتك طرحتها

وهى انك تشيل الاوفيس خالص وجرب الAccessRuntime 2003

ولو منفعش جرب بعد كدة AccessRuntime 2007 وان شاء الله ينفع

لأن انا حصل معايا مشكلة مشابهة فى اختلاف الاصدارات والتعريب وما

إلى ذلك واتحلت مع ال AccessRuntime وخصوصا اصدار 2007 رغم ان

الملف اللى شغلته عليه اقدم من هذا الاصدار ولكن لاحظت ان اصدار 2007

بيزبط حاجات اكتر من 2003 وخصوصا التقارير وعلى فكرة بتفرق من وجود الاوفيس من

ال Access Runtimeلانى جربت فى وجود الاوفيس سواء 2003 او 2007 ومنفعش

لكن لما نزلت ال Access Runtime2003 وبعد كدة Access Runtime2007 علشان

التقارير مطلعتش مظبوطة اوى مع 2003 لكن 2007 اشتغل بكفاءة شديدة وجربت بردو

على ويندوز جديد مسبقش نزول اى اوفيس عليه ونزلت ال Access Runtime علشان اتاكد

بردو والحمد لله اشتغلوا الاتنين كويس معادا 2003 مطلعش التقارير بنفس التنسيق كان فيه

حاجات داخلة فى بعض لكن مع 2007 مكنش فى اى مشاكل خالص الحقيقة

عموما جرب الاتنين وان شاء الله تلاقى اللى يريحك وربنا يوفقك ان شاء الله

والف شكر على المعلومة اللى قدمتها فى موضوعك الاخر واللى من خلاله جإت الى هنا

وبارك الله فيك وجزاك الله كل خير

وهتلاقى تفاصيل اكتر عن الامر فى الموضعيين دول :

/index.php?showtopic=67192

/index.php?showtopic=55293&st=0

ويارب اكون افتدك ولو عوزت حاجة بلغنى

والسلام عليكم ورحمة الله وبركاته

شكرا اخي محمد علي المعلومات القيمة

للاسف حتي الان لم استطيع حل المشكلة

بس انا حاسس ان ده تأمين للبرنامج من النسخ مثلا فبيبحث عن ملف مفقود بالجهاز

المشكلة ان البرنامج مشفر الكود, مفيش طريقة ممكن يتعرف بيها ان كان البرنامج يبحث عن ملف ام لا ؟

السلام عليكم ورحمة الله وبركاته

اخى فى الله ارجو توضيح بعض النقاط

هل البرنامج تم شرائه من مبرمج خاص يعنى مش حضرتك او احد موظفى الشركة من قام بتصميمه؟

هل البرنامج تم تحديد مكانه فى الهارد من قبل المبرمج ولم يتم تغير مكانه ابدا منذ وضعه فى الجهاز؟

يعنى مثلا موجود فى درايف ال : D ولم يتم تغير مكانه ابدا وهل كان موجود على ال :c ام انه كان موجود بمكان

اخر وارجو المعذرة لهذه الاسئلة ولكن فى احتمال ان يكون معمول حماية على قاعدة البيانات مرتبطة بسريال ال :c

ولما اتغير الوينووز وعملت فورمات توقف عمل البرنامج عن العمل لانى أذكر منذ سنين قابل احد معارفى هذه المشكلة

بالظبط (بعد ان قام بتغيير الوندوز توقف البرنامج عن العمل) وكان السبب ان مبرمج البرنامج قد ربط عمل البرنامج بسريال

ال :c والذى تغير طبعا بعد عمل الفورمات وتنزيل نسخة جديدة ولكن ممكن يكون اخذ اسلوب حماية اخر ولذلك ارجو الرد على اسألتى

وعموما لازم تكون متأكد ان مهما كان اسلوب الحماية اللى معمول عليه فهو غالبا ضعيف وقديم وسهل حله لأن حضرتك بتقول البرنامج

له 5 سنوات فلا تقلق ان شاء الله يتفك واكيد ان شاء الله ها يبقالو حل

والله الموفق والمستعان

أخي العزيز اولا اشكر اهتمامك

فعلا البرنامج كان في موظف موجود بالشركة وقام بعمله وترك العمل والبرنامج كان يتم نقله من السي الي الدي عادي بس يظل اسم الفولدر كما هوه لا يمكن تغييرة حين يتغير اسمه لا يعمل

اما موضوع الويندوز ده اول مره يتجرب لان الجهاز كان مخصص للبرنامج فقط وبالتالي لم تحدث مشاكل قبل ذلك بالويندوز . دا انا نزلت فيستا وبعدين شلتها وحملت اكس بي ثاني قلت ممكن يكون مربوط بنوع الويندوز

بس في حاجة في فولدر داخلة قاعدة بيانات فارغة موجود بالسي عند نقل هذة القاعدة من مكانها البرنامج ايضا لايعمل دي انا جربتها علي الجهاز الاخر

لان انا عندي البرنامج ده بيعمل علي 2 جهاز في واحد انا الان عملة حقل تجارب ههههه ودي ميزه يعني لو في طريقة نعرف بيها البرنامج بيحمل ايه وهوه بيبدأ انا عندي نسخة تعمل جيدا

ارجو ان اكون قد جاوبت علي الاسئلة وانتظر الحل والله الموفق .

الشكر لله اخى الكريم فهذا حقك علينا

وانا اعتقد ان الحل عندك ومستغرب انك مجربتهوش

لانك بتقول ان فى ملف فى السى لو اتنقل او اتحرك من مكانه البرنامج مبيشتغلش

وحضرتك اكيد لما غيرت الويندوز اتحذف يبقى الحل انك تنسخ الملف تانى فى مكانه فى السى

ده طبعا غير الحل الاخر بكسر الحماية لكن انا بدور على اللى اسهل واسرع بالنسبالك

ومدام حضرتك عارف كويس الملف اللى موجود فى السى على الجهاز اللى حضرتك بتجرب عليه

وكمان حضرتك بتقول ان الجهازين مصدر البرنامج من اسطوانة واحدة يعنى اكيد نظام الحماية واحد

يبقى ممكن حضرتك تاخد الملف اللى موجود على الجهاز اللى شغال فيه البرنامج طبيعى وتضعه

فى نفس المكان على الجهاز التانى اللى مش شغال عليه البرنامج ولو منفعش بسبب ان ممكن يكون

فيه ملفات تانية شوف الاسطوانة الاساسية موجود فيها حاجة غير القاعدة بتاعة البرنامج اللى بتستخدمه

ولا لأ وعلى فكرة انا عاوز أأكد معلومة فهمتها من كلامك وهو ان البرنامج عبارة قاعدة بيانات بتشتغل بشكل

مباشر من غير اى تسطيب او اى حاجة لو اللى انا فاهمه ده غلط ياريت تقولى علشان سعتها هيبقى فى كلام تانى

وربنا يسهل ان شاء الله وعلى فكرة انا موجود عادتا على الجهاز وبتابع ديما الموقع يعنى ممكن اتابع معاك فى اى مناقشة

لو حبيت علشان افيدك بسرعة والله الموفق والمستعان

اخي العزيز البرنامج مقسم الي 3 أجزاء قاعدة بيانات , وواجهه البرنامج , وقاعدة بيانات فارغة

اوك انا نقلت قاعدة البيانات والواجهه كان البرنامج بيعطي رسالة خطأ بحثت ودورت ووصلت للملف بتاع قاعدة البيانات الفارغة وعندما نقلته علي السي تغيرت الرسالة الي الرسالة الحالية

اما البرنامج ملهوش اسطوانة اطلا بدون تسطيب يعني .

ده طبعا غير الحل الاخر بكسر الحماية (ممكن الطريقة بعد اذنك )

وانا موجود حتي الساعة 2 وسأتابع معك الان لتجارب .

السلام عليكم ورحمة الله وبركاته

اسف اخى فى الله على عدم تواجدى قبل الساعة الثانية واسف على تاخرى فى الرد

بالنسبة لموضوع كسر الحماية تقدر حضرتك تحمل الملفات وترفعها مع المرفقات علشان

نقدر نشوف هنعمل معاها ايه ان شاء الله اما ان كان يصعب عليك ذلك وتريد حل الامر بنفسك فأرجو

إخبارى وان شاء الله نشوف وقتها هنعمل ايه بس لى استفسار اخى الكريم هل البرنامج

يقوم كل عام او كل فترة معينة بإنشاء قاعدة بيانات جديدة وفارغة يتم العمل عليها من جديد

ام ان كل البيانات منذ ال5 سنوات موجودة على قاعدة واحدة دون اى اضافات او اى شىء اخر ؟

عموما اذا قدرت تحمل كل ملفاته يبقى ياريت وربنا يقدم اللى فيه الخير ان شاء الله

اخي الكريم محمد

للاسف انا لااستطيع وضع البرنامج لانه محمل بالبيانات الهامة جدا و كذلك سرية العمل .

اما بالنسبة لموضوع عمل قاعدة بيانات كل عام فالاجابة لا كلها علي قاعدة بيانات واحدة .

يارب يكون في حل

اخى العزيز سأقترح عليك اقتراح ولكن سأرسله لك على الخاص حتى لا يسىء احد استخدامه

انتظرنى الان سأرد عليك ان شاء الله

في انتظارك اخي محمد

انا يعت الرسالة فعلا من شوية هى موصلتش؟

جاري التجربة حتي الان وسوف افيدك بالجديد إن شاء الله

ربنا يوفقك ان شاء الله والف شكر انك اهتميت ورديت

لانى كنت هزعل لو مرديتش او حتى قلتلى المشكلة اتحلت ولا لأ

زى ماكتير بيعملو كدة هنا وللاسف الحركة دى بيدايق الحقيقة

عموما انا فى انتظارك ان شاء الله وربنا ييسرلك كل صعب بفضله وكرمه

ولو عوزت حاجة انا موجود ان شاء الله

والله الموفق والمستعان والسلام عليكم ورحمة الله وبركاته

السلام عليكم ورحمة الله وبركاتة

انا عاوز اشكرك طبعا علي الذوق الرفيع في المعاملة ولو حد عمل كده يبقي عيب عليه

علي العموم شكرا , وانا حتي الان لم اتوصل لنتيجة بس في واحد كان موجود بالشركة هنا زمان وقالي البرنامج لازم يكون علي ويندوز اكس بي و اكسيس 2000 ثم يرقي الاكسيس 2002 وجاري البحث عن اكسيس 2000

وايضا بالبحث في المواقع والمنتديات الاجنبية وجدت نفس رسالة الخطأ بسبب نفس المشكلة تغييير الاكسيس 2000 الي اصدار اخر

للاسف حتي الان لا اجد اكسيس 2000 بس جاري البحث عنه والله الموفق .

وعليكم السلام ورحمة الله وبركاته

انت من تستحق الشكر اخى الكريم فانت صاحب الذوق الرفيع والاخلاق العالية

بس فى استفسار حضرتك جربت الحل اللى قلتلك عليه بالظبط ؟

ولو جربته المفروض لما عملت جوست للجهاز اللى شغال عليه البرنامج وهو عليه اوفيس2000

يبقى ايه الداعى انك تبحث عن اوفيس اساسا المفروض ان الجهاز اشتغل بالنظام بعد مجبت

نسخة الجوست من الجهاز السيلم ولا ايه اللى حصل ؟

وايه السبب فى شرط اوفيس 2000 وويندوز اكس بى فقط ؟

يرجى التوضيح وبارك الله فيك ويسرلك كل شىء ان شاء الله

اخي العزيز محمد

محتاج نسخة جوست بس تكون بتعمل من سي دي وكمان تكون بتعمل علي 256 ميجا رام فقط

اسف علي ازعاجك

السلام عليكم ورحمة الله وبركاته

اخى الكريم مفيش اى ازعاج انا بكون سعيد لما اقدر اقدم حاجة لأخ كريم مثلك

وده رابط لموضوع فى منتدى اخر (لأن الحقيقة احب انسب الحاجة لأصحابها)

هتلاقى فيه اسطوانة فيها كل اللى انت عاوزه وزيادة كمان بجد اسطوانة انا بحب

اهاديها للكل لأن فيها امكانيات انا متاكد ان هى هتعجب الجميع واكيد اى حد

عندو جهاز كمبيوتر مهما كان نوعه سواء عادى او محمول هتفيدو جدا وانا مجربها

فى حاجات كتير لأن فيها امكانيات منوعة وعديدة جدا وممكن تشتغل من الويندوز

او لوحدها (ذاتية الاقلاع BOOTCD) وفيها الجوست اللى حضرتك عاوزه وغيره كمان

من اساليب الحفظ والاستعادة وحاجات كتير جدا واخر مرة فادتنى رجعت حاجات من برتشن

اتحذف واتعاد تقسيمه واتفرمت 3 مرات منهم مرة بنظام NTFS والمرتين التانين

بنظام FAT32 ورجع كل حاجة زى مكانت وزيادة كمان عن مساحة الهارد الفعلية لأنو رجع حاجات اتحذفت طبيعى من قبل كدة

عموما اسيبك مع الرابط وان شاء الله يعجبك الموضوع ويحوز على اعجابك ويفيدك

http://forums.myegy.com/thread94043.html

وعلشان متدورش كتير على برنامج الجوست وسط البرامج الكتير اللى فيه ده

طريق البرنامج لما تعمل اقلاع من الاسطوانة اختار الاختيار

DOS PROGRAMS

ثم اختار

BACKUP TOOLS

ثم اختار

NORTON GHOST

ثم GHOST NORMAL

وسيب بعد كدة الجهاز مع نفسه هايعرضلك اختيارات متشغلش بالك بيها وسيبه هو

مع نفسه هايختار لو انت معملتش حاجة لحد مايسألك اشغل البرنامج ولا لأ ؟ سعتها

تشوف الرد اللى يريحك هههه يمكن بعد ده كله تغير رايك ولا حاجة :lol:

معلش يمكن الطريق طويل شوية بس معلش من كتر الحاجات المهمة اللى فيه

واى حاجة انا فى الخدمة ان شاء الله وعلى فكرةاحتمال أغيب شوية الفترة اللى جاية

لانى هسافر الناهردة للقاهرة ان شاء الله ومش هعرف ادخل زى الاول لحد مرجع ان

شاء الله بس بردوا هحاول ادخل على قد ماقدر بس لو مقدرتش ارجو انك تعذرنى

وربنا يوفقك ويوفق الجميع ان شاء الله

والسلام عليكم ورحمة الله وبركاته

شكرا يا باشا جاري التحميل والقاهرة حتنور وبالتوفيق إن شاء الله

السلام عليكم ورحمة الله وبركاته

ربنا يخليك منورة باللى فيها والحمد لله عدنا سالمين

ياريت تطمنى عملت ايه وايه رايك فى الاسطوانة؟