جهازي يغلق نفسه

السلام عليكم ورحمة الله وبركاته

اختى فى الله الحقيقة الاسباب التى ممكن تؤدى الى ذلك عديدة

بس فى اول احتمال عاوز حضرتك تجربيه علشان نتاكد من حاجة حاجة وربنا يهدينا

ان شاء الله المشكلة فين اول احتمال هو ان ممكن يكون البروسيسور (المعالج) بيكون

بيسخن فبتالى الجهاز بيطفى نفسه تلقائى علشان مايتحرقش البروسيسور من ارتفاع

درجة حرارته وده نظام وقائى موجود فى النظام الخاص باللوحة الام وعلشان تتاكدى

ممكن تدخلى على نظام اللوحة الام(set up) (وياريت تقوليلى نوعها علشان اعرف افيدك اكتر)

المهم تدخلى من خلال الضغط على del او حسب نظام اللوحة الام لانه يختلف من نوع لاخر ولكن الشائع

الضغط على del المهم لو تعرفى تتعاملى مع الset up الخاص باللوحة الام حاولى تشوفى درجة حرارة المعالج

كام وهل بيزيد الى ان يغلق الجهاز نفسه تلقائيا ولا لأ؟ ولو حضرتك متعرفيش تتعاملى مع ال set up الخاص باللوحة

الام وصعب عليكى اللى شرحته هقلك على طريقة تانية ممكن تاكد موضوع سخونة المعالج من عدمه

وهو ان حضرتك تشغلى الجهاز بس متدخليش على الويندوز خالص يعنى ياْما تتوقفى فى بداية التشغيل

بالدخول على ال set up الخاص بالجهاز ومتعمليش اى حاجة او ممكن توقفى نفسك عند قائمة الاختيارات

الخاصة بالويندوز والتى تختار منها وضع الدخول مثل اختيار دخول عادى او وضع امن والتى تظهر بالضغط على f8

وحضرتك داخلة على الويندوز واعتقد عندك فكرة عنها لانك قلتى ان حضرتك بتدخلى فى الوضع الامن المهم

بعد كدة سيبى الجهاز وشوفى هل هايعمل اغلاق ولا لأ ؟ بس اتركيه فترة حتى لو وصل لساعة ماشى علشان

نتاكد ولو حصل وفعلا الجهاز عمل اغلاق يبقى متحوليش مع الجهاز انك تشغليه لخطورة ذلك على الجهاز واعرضى الجهاز على فنى صيانة

لمعرفة السبب الرئيسى واللى غالبا هايكون سخونة المعالج وممكن تكون حاجة تانية بس غالبا هتكون سخونة

المعالج والفنى هايحاول يعرف ايه سبب السخونة دى لان دى بردو ليها اكثر من احتمال ومحتاجة عدة محاولات

لمعرفة السبب المهم جربى حضرتك الاول المحاولة دى وردى عليا بالنتيجة وان شاء الله انا هكون متابع مع حضرتك

الى ان نصل الى حل بس علشان ابقى صريح مع حضرتك غالبا الامر سيحتاج الى تدخل فنى الا اذا كنتى عاوزة

تتعلمى ومستعدة نتابع مع بعض لحد متحلى المشكلة بنفسك بدون تدخل اى فنى صيانة وانا معنديش مانع طبعا

بس المهم حضرتك تشوفى اللى حضرتك عاوزاه وانا ان شاء الله معاكى فيه الى الاخر بإذن الله الى ان نحل المشكلة

مهما كانت بعون الله وفضله والله المستعان والموفق وفى انتظار ردكم الكريم

والسلام عليكم ورحمة الله وبركاته

وعليكم السلام ورحمة الله وبركاته

بدايه اشكر تواجدك وتفاعلك اخي وجزيت خيرا

بالنسبه للطريقه اللي اعطيتني اياها طبقتها وتقريبا السبب مثل مذكرت حضرتك انه بسبب ان البروسيسر يسخن

لان في الوضع الآمن الجهاز يظل شغال وايضا لما ادخل على السيت اب يظل الجهاز شغال

بس لو اقوم باي عمل مثلا تشغيل النت على الجهاز يغلق

والاحظ ان الجهاز من تحت يسخن لدرجه كبيره

اتمنى تفيدني لان بالفعل اريد اتعلم ما اريد تدخل من فني

ولك جزيل الشكر والعرفان وجزيت خير الجزاء

السلام عليكم ورحمة الله وبركاته

الشكر لله اختى الكريمة فهذا حقك وحق كل مسلم علينا

واحيكى على رغبتك فى التعلم وان شاء الله سأبذل قصارى

جهدى لأفيدك وأفيد الجميع بإذن الله ونتوكل على الله ونسأله ان يرزقنا الاخلاص فى القول والعمل

بداياتا اختى الكريمة حضرتك عاوز استوضح شىء حضرتك قلتى فى البداية ان الجهاز بيعمل اغلاق

حتى فى الوضع الامن ولكن حضرتك بتقولى الجهاز بيفضل شغال فى الوضع الامن ارجو التوضيح لان

يظهر حصل عندى انا لبس فى الامور فارجو المعذرة

وعموما ساوضح لحضرتك الفرق بين ان يكون الجهاز يفضل شغال لو قبل ما تدخلى الويندوز او حتى فى الوضع الامن فقط

ولكن عندما تقومى بعمل شىء يغلق وبين ان يغلق الجهاز تلقائيا حتى لو مدخلش على الويندوز يعنى مثلا تكونى موجودة

فى السيت اب ورغم كدة تلاقيه قفل بعد فترة قليلة غالبا

فى الحالة الاولى:

بيكون ان سبب ان البروسيسور بيسخن هو ان عملية التبريد اللى بتقوم بيها المروحة والمادة المبردة لم تعد تعمل بكفائتها

لانها فى هذه الحالة ممكن الجهاز يشتغل ويدخل على الويندوز سواء على العادى او الوضع الامن وممكن كمان يظل

ساعةاو اكتر لو محدش عمل حاجة خالص لكن لو حد شغل حاجة برنامج مثلا او فيلم او اى حاجة تخلى الجهاز يبذل مجهود

اكتر وبالتالى زيادة فى درجة حرارة المعالج يقوم الجهاز يطفى لان مبقاش نظام التبريد يعمل بكفائته المعهودة واصبح

غير قادر على تبريد المعالج فى حالة العمل العادى وهذا العيب يعتبر بسيط ووارد حدوثه جدا خصوصا بعد فترة من شراء الجهاز

وحل هذا الامر بيكون اما تغير المروحة التى على المعالج او وضع المادة المبردة التى تكون موجودة بين المروحة والمعالج وهذه

المادة هى مادة بيضاء تكون مثل الكريم لكنها لا تجف إلا بعد فترة طويلة وفى حالات السخونة العالية(الغير طبيعية طبعا ) للمعالج وهى مادة يتم

وضعها على المعالج ثم يتم وضع المبرد عليها (المروحة او الفانة) ويجب الحذر فى التعامل مع هذه المادة لأنها مادة سامة

يجب غسل اليد جيدا بعد لمسها والحرص على عدم ملامسة اى شىء بعد التعامل مع المادة الى ان يتم غسلها جيدا

وعلى فكرة علامات عدم كفئة نظام االتبريد والمكون من المروحة والمادة واحيانا فى بعض الاجهزة المروحة فقط هو صدور صوت

من المروحة بمعنى ان هى مبتلف بالسرعة الكافية وايضا لو كسرت او فقدت احدى ريش المروحة وده بيعمل صوت بردو

او ان المروحة مش متثبتة كويس على المعالج لان المروحة والمعالج بيكون على بعض كأنهم قطعة واحدة مفيش اى خلل او فراغ

او لما نفك المروحة ونشوف وضع المادة المبردة لو وجدناها جافة وغير رطبة او لينة ذى مادة الكريم او دهان الشعر يبقى لازم

نشيل الجافة ونجيب مادة اخرى جديدة لان ده ممكن يكون سبب كافى فى سخونة المعالج المهم زى ماقلنا ان الحالة دى

بيكون سبب السخونة هو عدم كفائة نظام التبريد ويتم حل هذه المشكلة يإما بتغير المادة المبردة لو كانت جافة او المروحة

لعدم كفائتها او الاثنين معا وبذلك تحل المشكلة ده طبعا لو كان العيب فى نظام التبريد واللى اشرنا الى علاماته وكيفية اكتشافه

الحالة الثانية:

وهو سخونة المعالج لسبب غير متعلق بنظام التبريد وكفائته او بالمجهود اللى بيعمله الجهاز وعلى فكرة للاسف الحالة دى

ممكن بتتسبب فى ان هي تفسد نظام التبريد لو كان سليم وذلك لان فى هذه الحالة يرجع سبب سخونة المعالج اما ان المعالج

نفسه حصل فيه خلل (باظ يعنى ) ومحتاج تغيره او ان مصدر طاقة الجهاز (الباور سبلاى) حصل فيه خلل فاصبح يعطى كهربةزيادة

للجهاز و طبعا خطورة النقطة دى تعرض الجهاز كله للخطر لانو بيدى كهربة عالية للجهاز كله وبردو فى الحالة دى بيتم تغير الباور سبلاى او اصلاحه من قبل فنى ان امكن ولكن يفضل تغيره ولا يظل معنا بعد ذلك إلا احتمال واحد غالب وهو ان اللوحة الام هى التى بها الخلل ودى اضعف الاحتمالات ولكن صعب حلها لان فى الحالة دى لازم فنى علشان يقيس كهرباء اللوحة الام ويفحصها جيدا ويفحص توصيلاتها الداخلية

المهم انا طبعا قلت الكلام ده كله للفائدة العامة وللتوضيح العام علشان حضرتك وباقى الاخوة يستفيدو وان شاء الله تبقى مشكلة حضرتك بسيطة وطبعا انا قلت اللى حاضر فى زهنى واللى اعرفه وياربت لو حد عندو اى معلومات اضافية او ملاحظات او تصحيح لأخطاء وقعنا فيها فارجو الا يبخل علينا بالنصح والارشاد وبارك الله فيكم جميعا

وعلى فكرة حضرتك ياريت توقليلى نوع برنامج السيت اب الخاص بجهازك او حتى توصيفيلى لونه وشكله ايه علشان اشرحهولك

ان شاء الله على قد ما اقدر وبالصور ان شاء الله حتى كمان علشان اقدر اعرفك اذاى تقدرى تعرفى درجة حرارة المعالج

واعرفك فين الخاصية اللى بتخلى الجهاز يطفى فى حالة وصوله درجة حرارة معينة واشرح اللى اقدر عليه ان شاء الله

بس ممكن اخد وقت شوية علشان مشغول اليومين دول جدا بس هتابع ان شاء الله مع حضرتك ولو فى اى استفسار

او اى حاجة ان شاء الله مش هاتاخر وربنا يسهل ان شاء الله والله الموفق والمستعان وصحيح حضرتك لما شغلتى الجهاز

وظللتى بالسيت اب ومدخلتيش على الويندوز قد ايه المدة اللى تركتى فيها الجهاز فى المرحلة دى وشكرا ليكى

واعذرينى على كثرة الاسئلة ولكنها ضرورية وبارك الله فيكى

والسلام عليكم ورحمة الله وبركاته

كما ذكر مشكورا الاخ محمد اول سبب منطقي هو الحرارة

حراراة المعالج لا ترتفع الا في حال ضعف اداء المروحة او توقفها وهو غالبا السبب

ادخل على شاشة البايوس الزرقاء ثم حاول الوصول الى بيانات المعالج (غالبا يظهر لك درجة الحرارة وعدد دورات في الدقيقة بالنسبة للمروحة) .

بالتوفيق

يمكنك معرفه ازى كانت المروحه فاصله او لا ازى عمل الجهاز ريستارت لن يدخل المره الثانيه بسبب الحراره ولكن سيعطيك انزار الحراره للجهاز تيت تيت تيت متتاليه ...

السلام عليكم ورحمة الله وبركاته

اخوتى فى الله بارك الله فيكم وجزاكم الله كل خير

ولى بعض الملاحظات التى ارغب اضافتها وهى:

مش كل الاجهزة بتعمل انزار الحرارة

وكمان فى اجهزة بتعمل ريستارت وتدخل تانى رغم سخونة المعالج لأسباب عدة

وايضا بعض لوحات الام الحد الاقصى فى درجة الحرارة الذى تحدده حتى يغلق الجهاز

نفسه حتى لو لم تصل الحرارة لهذه الدرجة المحددة ووصل لما قبلها فهذا يدل على عدم

سلامة المعالج او نظام التبريد فممكن يكون هناك خلل فعلا ولكن غير واضح بالانزار او

حتى بالتوقف الكامل عن العمل مؤقتا حتى يبرد المعالج

وايضا الان هناك بعض نظم التبريد الحديثة فى بعض لوحات الام تكون المروحة غير شغالة وذلك لأنها

مظبوطة على نظام تلقائى يعنى تشتغل عند الحاجة وعند درجة حرارة معينة فمش شرط ان

وقوف المروحة يكون عيب

والف شكر وبارك الله فيكم وجزاكم الله كل خير

والسلام عليكم ورحمة الله وبركاته