بصراحة مكنتش أعرف إن في فرق كبير بين الوظيفتين، لكن بعد القراءة السريعة في كذا موضوع لقيت إن لازم الواحد يكون عارف الفرق علشان يعرف يستفاد بالوظيفة الصحيحية في الوقت المناسب
Response.Redirect دة بتعمل زي عملية توجيه للمستخدم لصفحة معينة، والزائر إللي عنده خبرة ممكن يحس بالعملية دي خصوصا إن أحيانا بيكون في تأخير شوية في عملية التوجيه، وممكن ارفاق معلومات معينة عن طريق QueryString.
Server.Transfare الوظيفة دي تعتبر بتعمل عملية نقل وليس توجيه، وأعتقد إنه من المستحيل على الزائر إنه يحس إنه حصله عملية نقل من صفحة إلى أخرى، خصوصا إن العنوان مش بيتغير في حالة النقل، ومن النقط القوية لإستخدام الوظيفة دي، هي القدرة على نقل البيانات من صفحة إلى أخرى عن طريق Context.Handler وهي طريقة أشبه بالـ Submit form إللي كانت مستخدمة قديما، وطبعا الطريقة دي بتتيح نقل بيانات كبيرة الحجم وممكن تشفيرها لضمان السرية، ودة طبعا بجانب نقل البيانات بالطريقة التقليدية عن طريق الـ Query String،
لكن من ضمن أهم العيوب لإستعمال الوظيفة دي إنك متقدرش تنقل الزائر لصفحة خارج الموقع بتاعك، عكس Response.Redirct إللي بيتيح العملية دي بسهولة.
مزيد من المعلومات والأمثلة في هنا
تحياتي