طلب مساعدة في ربط قاعدة بيانات

ابي رد سريع شبااااب والله مستعجل

باقي شهر وبسلم المشروع

تكفووووون شباب ابي مساعده ..... ماعليك امر

صديقي يوجد اخطا بالتصميم

في عمليات الربط دقق بالمفتاح الرئيسي والثانوي

ممكن تعلمني وين هذه الاخطاء

او على الاقل تقولي الطرقه الصحيحه في الربط

ادا ما عليك امر

ولد سبيشل كتب:

ممكن تعلمني وين هذه الاخطاء

او على الاقل تقولي الطرقه الصحيحه في الربط

ادا ما عليك امر

بص يا باشا

اللى انت عامله ده مش داتا بيز تمام يعنى الكلام ده كله لازم تشيله من دماغك

مبدأيا واول حاجه تتعمل اى ID اساسى فى الجدول بيبقى Primary Key علشان مايتكررش ومن الافضلى انك بعد ماتعمله كده تحت فى البروبرتيز تعمل Increment يعنى بيعد لوحده 1.2.3.4

ثانيا انت لازم تفهم العلاقات بين ال Entites بص يا جميل بيبقى عندنا 3 علاقاات

1- one to many

2- one to one

3- many to many

يعنى ايه الكلام ده

ناخد مثال بسيط

لو احنا فى شركه فيها اقسام وموظفين الطبيعى اننا نعمل جدول للاقسام وجدول للموظفين حلو الكلام تمام طيب ايه العلاقه بين الجدولين اقولك انها One to many

هاتقولى ليه هاقولك ببساطه لان القسم ممكن يبقى فيه اكتر من موظف لكن الموظف ماينفعش يكون شغال الا فى قسم واحد اذن هنا ال one هو القسم وال many هم الموظفين

هاتقولى طيب اربط بين الاتنين دول ازاى اقولك ..... هنا هاتعمل اتنين تابل نفترض الاولانى بتاع القسم هايبقى فيه ال ID وال Name وكذلك جدول الموظفين تمام كده

فى حاله ال one to many بعمل coulmn زياده فى جدول ال Many اللى هو فى حالتنا جدول الموظفين وبسميه باسم Id جدول ال one

للتوضيح : جدول القسم ( Department_id AND Department_name)

: جدول الموظفين (Employee_ID AND Employee_name And Department_id )

ليه بقه الكلام ده علشان اعمل علاقه ان مفهومها ان ال department_id بتاع القسم Forign Key فى الجدول بتاع الموظفين

طيب هو يعنى ايه اصلا Forign Key او ايه معناه

الفورين كى معناه اننا اتاكد ان الجدول اللى معمول عليه الفورين كى مايبقاش فيه بيانات مختلفه عن الجدول الاولانى

يعنى ايه برده مش فاهم

ابسطهالك

دلوقتى لو احنا فى المثال البسيط اللى انا بشرح عليه عندنا فى جدول الاقسام 3 اقسام 1-الحسابات 2- الاداره 3 - المخازن واخدين الايديهات 1و2و3 تمام

لما انا بعمل فورين كى على جدول الموظفين بقه انا هنا بضمن انه مثلا مايجيش يسجلى موظف الاى دى بتاعه 1 والاسم بتاعه احمد وال department_id= 4

كده هايعترض هايقولى انت عامل فورين كى على جدول الموظفين بحيث الكولمن او العمود اللى اسمه Depaertment_id اللى فجدول الموظفين لازم يحتوى رقم موجود بالفعمل فى العمود او الكولمن اللى اسمه برده Department_id اللى فى جدول الاقسام

علشان كده لما يجى يكتبلى رقم اربعه فى الكولمن ده وهو بيسجل موظف هايعترض

هايقوله فيما معنا انا عندى 3 اقسام بس والايديهات بتاعتهم 1و2و3 مين بقه رقم 4 ده حضرتك

كده خلصنا اول علاقه

تانى علاقه مثال عليها لو جدول فيه ازواج وجدول تانى فيه زوجات كل راجل ليه زوجه واحده بس والعكس بالعكس ( طبعا الشرع محللنا اربعه بس مش موضوعنا دلوقتى ههههههه ) وفى الغالب مابيبقاش فيه علاقه بالشكل ده

نيجى لاهم علاقه اللى هى Many to many

ايه رايك لو اخدنا مثال بجدولين واحد منهم جدول مدرسين الجدول التانى الفصول

احسبها معايا المدرس ممكن يدرس فى كذا فصل مش كده وفى نفس الوقت الفصل بيدخل فيه كذا مدرس مش مدرس واحد

كده لازم نكسر العلاقه بين الجدولين بجدول وسيط وفى الغالب بيتسمى باسم الجدولين مع فاصل اندرسكور يعنى Teacher_class

وده يا سيدى بيبقى فيه فى الغالب 3 اعمده اول عمود بيبقى ID بتاع الجدول الطبيعى والاتنين التانين بيبقى Teacher_ID و Class_ID

كده اصحبت العلاقه بين جدول المدرسين والجدول الوسيط One to Many وكذالك جدول الفصول

وفى الحاله دى هانعمل فورين كى من جدول المدرسين على الجدول الوسيط وكذالك من جدول الفصول على الجدول الوسيط علشان نضمن ان البيانات فى الجدول الوسيط تكون اصلا موجوده فى كلا الجدولين

على هذا الاساس ابتدى ابنى الداتا بيز بتاعتك وان شاء الله تطلع احسن من للى انت كنت عاملها واى سؤال انا موجود