الموضوع بسيط جدا أنا عملت برنامج مخزنى بس الوارد فى جدول والمنصرف فى جدول تانى
المشكلة انى عاوز أعرف اجمالى الوارد واجمالى المنصرف خلال تاريخ معين
أنا تقريبا عملت كل حاجه بس فاضل انى لما أفتح الفورم وأكتب التاريخ يقوم البرنامج فاتح التقرير من غير مايطلع الرسالة
وياخد التورايخ من الفورم وينفذ الاستعلام وبس خلاص
أنا أرفقت المثال وأرجو مشكورا المساعدة
Microsoft Certified DataBase Administrator MCDBA
تسلم الأيادى
بصراحة كنت فاكر ان الاستعلام للداتا بيز بس
ماكنتش أعرف اننا ممكن نشوف بيه الفورم كمان
مشكور جدا
الله يكرمك
بس فيه اخطاء فى تصميم البرنامج بتاعك
1- ازاي فى حركة علي اصناف وانت معندكش لها اصلا تعريف فى جدول الاصناف ؟ زي الصنف 107
2- ازاي مش عامل علاقات اصلا تمنع لك الموضع 1
3-لو احتجت ملخص حركة صنف معين او history لصنف ماذا سيكون الحل ؟ مرفق الحل بواسطة استعلام union
4- كل الاصناف بالتقرير اللي من غير اسم غير مضافه فى جدول الاصناف ولها عمليات صرف/اضافة
5- اضغط علي زر اصناف وقرا التقرير كويس
تم تعديل هذه المشاركة بواسطة ahamied في 21 أبريل 2010 في 13:51
Microsoft Certified DataBase Administrator MCDBA
أنا شاكر جدا للمتابعة بتاعتك والله
بس للتوضيح أنا بعت جزء صغير جدا من برنامج كبير جدا
ومنعا للتعقيدات حاولت أبسط الأمور خالص فحزفت كل العلاقات اللى ملهاش لزوم طبعا ده غير انى مسحت وغيرت فى مسميات المخزون
بس طبعا وارد ان يكون عندى أخطاء وأكيد عندى أخطاء كتير
أنا بس موش بحب أعمل علاقات بين الجداول لسهولة التعديل بس العلاقات معظمها جوه الاستعلام أو بأكواد فاجوال بيسك
وكملخص أنا عملت الوارد فى جدول والمنصرف فى جدول لأن العمليات كتيرة أوى وخفت على الداتا بيز يحصلها حاجة
وفعلا من أحد مشكلاتى ان لما ألغى صنف بتبقى عملياتو كلها موجودة بس الصنف نفسو بيختفى كمسمى
ويفضل كده الى أن أدخل بنفسى وأفضى الداتا بيز أو أعمل برنامج صغير يدخل على الداتا بيز ويحزف العمليات اللى تمت على صنف يكون اتحزف
فلو ألاقى طريقة لما أحزف صنف يدور على العمليات اللى تخص الصنف ده من وارد ومنصرف وتكون طريقة بسيطة بدل التعقيدات اللى بعملها دى يبقى هايل جدا
وأسف انى طولت على حضرتك فى الشرح
وتفضل بقبول فائق الاحترام والتقدير
السلام عليكم اخي الكريم
1- موضوع جدول للمنصرف وجدول للوارد ده ممتاز جدا وصحيح 100%
2- اما موضوع العلاقات فهو مهم جدا لدرجة تصل الي 1000% - يعني اهم من البيانات واهم من الاستعلامات واهم من الفيجوال او اي لغة برمجة.....؟؟؟ لماذا
الان تواجهك مشكلة صعبة وهي البحث عن حركات صنف معين فى جدولين المنصرف والوارد لتحذفهم وبعد ذلك تحذف الصنف
والمشكلة الاصعب التي سوف تواجهم هي تعديل كود صنف ؟؟؟؟
والعلاقات هي التي تظبط كل هذا
جرب بالمرفق احذف اي صنف بجدول الاصناف له حركات او حتي غير كود الصنف سيتم تحديث جميع الحقول المرتبطة به بالجداول
ارجو منك قراءة مقالات او مراجع فى موضوع العلاقات ولا تنسي ان الاكسس يندرج تحت Relational Database
اخوك فى الله
تم تعديل هذه المشاركة بواسطة ahamied في 22 أبريل 2010 في 10:10
Microsoft Certified DataBase Administrator MCDBA
أنا متأسف جدا للتأخير فى الرد يا أ/ أحمد
بس الحقيقة أنا انشغلت فى موضوع تانى مهم جدا
انى أحاول أعمل البرنامج يشتغل اون لاين من الانترنت وعندى مشكلة ان الداتا بيز كبيرة وحاولت أرفعها على السيرفر بس للأسف
البرنامج أصبح تقيل جدا
وبحاول أبحث عن الأسباب وأحاول أظبطها
ويا مسهل
وبالنسبة للى حضرتك عملتو فى البرنامج هو فعلا كده صح
بس لازال عندى مشكلة ان لو جه يوم حبيت أعدل على البرنامج لازم أفك الداتابيز كلها وأرجع أربطها من تانى
المتواجدون خلال آخر دقيقتين · يتحدّث كل ٣٠ ثانية
جارٍ التحقق من المتواجدين…