ممكن طلب (مش هيأخذ فى يد المحترفين شئ )ارجووكم لا تخذلوني

روح الأيمان كتب:

السلام عليكم ورحمة الله وبركاتة

انا حملت من الأنترنت برنامج للقرعة

وهذا البرنامج الذى برمجة فية شوية اخطاء وانا بطلب منك تعديلها (ممكن)

صورة للبرنامج

http://up.3ros.net/get-4-2010-2njt95qo.jpg

.

الخطأ الأول فى المربع الأول فى الصورة وهو ان اسم البرنامج المفروض اسمة [size="4"] القرعة ممكن تعدلوها لى وتخلو اسمها القرعة

الطلب التانى فى المربع التانى فى الصورة يقول فية (سورى ترى سويتة الخ ) ارجو مسح هذا الكلام من فضلكم

الطلب التالت

انى لما اضيف اكتر من عشر اسماء او أكثر وبعدين اشيل البرنامج وأفتحة تانى تتشال كل الأسماء الي عملتها وطلبى هو ان نعملوا لى زر للحفظ بحيث يحفظ الى بكتبة

الطلب الرابع والأخير لو تكرمتم ان تضيفوا زر اسمه ( مسح ) علشان لو عايزة امسح اسم ولا حاجة

وهذا هو رابط التحميل لبرنامج القرعة

http://www.swalif.net/softs/attachment.php?attachmentid=32432&d=1162428582

ارجوا ان اكون وفقت فى شرحى وأرجو تنفيذ ذالك بسرعة الله يخليكم

ارجووكم هذا اول طلب اطلبة منكم بسرعة ارجوكم ساعدونى

وسأدعو بقلب خالص لمن يساعدنى

واعتذر اذا كان الموضوع مش فى مكانة

السلام عليكم و رحمة الله وبركاته مع إنى مش من المحترفين ، ومع ان المشرفين لو شافوا عنوان المشاركة بتاعتك ممكن يبعتوك ورا الشمس :) بس الحمد لله يوجد فى ملفات المساعدة الخاصة بالأكسيس دالة تقوم بعمل ما تطلبه تماما هتقول وانا مالى - هات من الآخر طيب .. من غير ما أطول عليك ... مرفق ملف أكسيس 2007 مبسط مبنى على الدالة المذكورة راجع الملف ولو فى اى استفسار ... هاحاااااااااول أرد عليك :) أخوك slave

Toss.rar

وعليكم السلام ورحمة الله وبركاتة

اول شئ انا مابفهمش فى البرامج أصلا ولا فى الأكسس

ثانيا انا حملت المرفق بتاعك واتحمل وشوفته مع انى لما أضغط على choose مابيعملش حاجة

ثالثا حضرتك شوفت صورة البرنامج وحملتة؟؟؟؟؟؟؟

انا عايزاة نفس البرنامج ونفس كل شئ بس هاكلمات تمسحها وتضيف زرين زر للمسح وزر للحفظ

واشكرك على ردك وماقصرت بالعكس الف شكر

أختي الكريمة : قبل أن أجيب على تساؤلاتك بخصوص البرنامج الذى أرفقتيه أرجو أن تقومى بالخطوات التالية حتى يعمل معكى ملف الأكسيس: 1- عند فتح ملف الأكسيس ستجدين فى أعلى الصفحة استفسار من البرنامج عن حالة الأمان للملف (يعنى هل تطمئنين أن الملف لا يحتوى على فيروس أو ما شابه) وهذا إجراء وقائى فى ملفات الأوفيس ... فإذا ظهرت لك الشاشة التالية: $$$ فبرجاء الضغط على زر Options الموضح بالصورة أعلاه فتظهر لكى الشاشة التالية : $$$$$$ وبعد الضغط على OK يعمل معكى الملف ان شاء الله أما بخصوص البرنامج الذى أرفقتيه ،،، فهذا البرنامج النهائى وليس السورس كود حتى يمكن التعديل عليه .. على العموم .. جربى .. ولنا حديث بعدها أخوكم slave

شكرا لك اخى عملت كل الى قلت علية

ممكن باقى الخطوات تبعتها فى رسالة خاصة او عادى اكتب الخطوات هنا وانا ان شاء الله هقرأها

يعنى الملف اشتغل ولا لأ ... وهل أدى الغرض المطلوب ؟

طيب .. بكل بساطة ... أدخلى على الجدول الموجود فى الجزء السفلى من الشاشة ... وعدلى البيانات كما تشائين ... يعنى غيري الأسماء بالأسماء التى تريدين عمل القرعة بينهم ... وبعد الانتهاء من إدخال الأسماء ... قومى بالضغط على زر choose ليختر لكى من هذه الأسماء اسم واحد فقط هو ما وقعت عليه القرعة (الفائز) .. وهذه الأسماء ستظل كما هى حتى تقومين بالتعديل عليها .. حتى مع قفل البرنامج وإعادة فتحه ... فهذه بيانات دائمة .. أنا معكى فى أى استفسار.. أخوكم slave