تنفيذ جدول به سجلات و سجلات فرعيه

اخي الفاضل

السلام عليكم ورحمة الله وبركاته

هون عليك وعلى رسلك ولا تستعجل الأمور

البرمجه تحتاج الى شخص ذو نفس طويل وعنده صبر

يعني بالراحه حبه حبه وبدون استعجال وكل شيء سيتم في وقته ولكن حاول تفهمنا ماذا تريد بالضبط حتى نستطيع ان نساعدك

واعتبر ان موضوعك منتهي من الآن فلن يأخذ معنا اي وقت كلها على اكثر تقدير ساعه واحده وطلبك بين يديك بشرط ان نفهم ونستوعب ماذا تريد بالضبط

الآن كل ما عليك ان تشرح لنا بالراحه آلية العمل الذي تريده

مثال :

تريد جدول رئيسي وبه عدة حقول مثل

رقم العميل

اسم العميل

اكمل باقي الحقول من عندك

وتريد ايضا جدول فرعي مرتبط بالجدول الرئيسي وبه الحقول التالية

رقم العميل

سجل الزيارات

اكمل باقي الحقول من عندك

لذا سنقوم بالربط بين الجدول الرئيسي والفرعي بمفتاح في الجدول الرئيسي يسمى PK وفي الفرعي يسمى FK

بالنسبة للتقارير اللإسبوعية والشهرية هذه سيكون حلها عن طريق الإستعلامات من خلال التواريخ التي سوف تقوم بإدخالها في الجداول

من المفترض ان لا يكون هناك تكرارات السجلات لأنه سيكون كل سجل في الجدول الرئيسي فريد بذاته اما في الفرعي سيكون هناك تكرار اذا صادف وان زار العمل الواحد اكثر من شخص

ولإظهار التكرارات سنستخدم استعلام يدعى البحث عن القيم المتكرره ولا سوجد به اي مشكله فهو سهل

الآن شمر عن ساعديك وضع لنا ملفك او ما قمت بعمله لكي نقوم بتعديله اختصارا للوقت وتصحيح الإخطاء التي وقعت فيها

بالتوفيق

اشكرك جدا اختى زهره كلماتك هدات اعصابى شويه الله يجزيكى خير

الموضوع انى لدى مسوقين ولدى قائمة بحوالى 500 عميل

كل عميل لدى له بيانات تفصيليه عنه هوه

وكل مسوق له مجموعة عملاء غير لالمسوق الاخر

ومطلوب منى الاتى

طبع بيانات كل عميل فى ورقة "ودى انا شرحة حلها بانى عملت تصميم تقرير يعرض بيانات كل سجل الى هوه بيانات كل عميل "

الشئ المطلوب منى تنظيمه ومش لاقى افكار عن التنظيم دى يعنى اتمنى حد يدينى اى افكار هوه تنظيم عملاء كل مسوق بحيث لما اى واحد يدينى بيانات عميل اسجلها باسمه عاوز اضمن انها ماتكونش محجوزه باسم زميل اخر ليه لان الاختاط بيعمل مشاكل كتير عندنا

فازاى عندى فكرة انى اضيف عمود فى نفس الجدول الرئيسى الى فيه كل العملاء ومن خلاله اعمل تصفيه او فرز علشان افصل انما حكاية التكرار دى عاوز الاقيلها حل

لانى عاوز لما اجى ادخل عميل ويكون موجود علطول يدينى اشاره بالتلوين او بخلافه المهم اشاره انه موجود مسبقا فى القائمة

تالت حاجه تنظيم مواعيد الزيارات وهدفها انى اشرف مين بيتابع العملاء ومين بيطنش دى مش لاقيلها افكار كويسه

غير انى مثلا اعمل جدول اخر ياخد اسم العميل من الجدول الاساسى "دى فيها كلام " والعمود التانى ميعاد زياره اولا والعمود التالت ميعاد الزياره الثانيه

ومن خلاله اطلع تقرير مدى نشاط المسوقي بيزورو العملا ولا لا

ده ملف بسيط فيه بيانات رمزيه

عاوز اعمل الاتى

الاول ازاى اعرف افضل نوع للربط بين الجدولين بحيث عمود العملاء فى الاساسى يتكرر فى الجدول التانى واى زياده فى الاول لنفس العمود يتم زيادتها فى التانى انما مايحصلشى العكس

يعنى التانى ياخد من الاول

التانى التكرار فى عمود العملاء فى الاول عاوز اظبطه مش عاوز امنعه لكن عاوز اظهر التكرارات بالوان للسجلات

111.rar

انا نسيت الربد فارجوا توضوح الانسب لى

يظهر الربط فى فى خصائص الربط فى انشاء علاقات ثلاث خيارات فى اكسيس 2007 لا اعرف ماذا اختار

اسف تعبتك ماعيا ارجوا تدعيلى واى حد بيقرا الموضوع ان ربنا يسترها بكره لانه مدير غتت ومابيتفاهم نهائى فاكر ان الشغل كن فيكون مع ان الموضوع مستلمه متلخبط نهائى وعمال ادخل الداتا بتاعة العملا والاكسيس ززفت كل شوية بيهنج ويضيع البيانات والحمد لله انى باعمل نسخ من الملف كل شوية اظاهر ان الاكسيس بعد ال200 سجل وكل سجل فيه 15 عمود بيهيس وبيخرف خايف يكون بيلخبط فى الارقام لان فيه ارقام تليفونات خايف تكون بتدخل على بعضها ربنا يستر

والله ندمان انى ماتعلمت اوراكل وناويها لكن مفيش وقت خالص الدوام من 8 ل5 وارهاق الله يعين

اخي الفاضل

حسب ما فهمته من شرحك هو كالتالي

الأساس هم المسوقون ( جدول الشركه ) وهم

1. أحمد

2. ياسر

احمد يوجد لديه عملاء وهم

1. عميل رقم 1

2. عميل رقم 2

3. عميل رقم 3

ياسر لديه عملاء وهم

1. عميل رقم 4

2. عميل رقم 5

كل عميل يكون له عدد من الزيارات من قبل المسوقين مثلا

احمد يكون لديه زيارتين للعميل رقم 1

وكذلك للعميل رقم 2

وهكذا بقية المسوقين كل واحد منهم لديه زيارات لعملائهم

اذا كان الوضع كذلك فهذا الجدول تصفحه واذا به تعديل اخبرنا

db2-UP.rar

اشكرك جدا وفعلا والله افل الناس انفعهم للناس

المثال هذا ممتاز وعدلت عليه تعديلات بسيطه لتناسب مطلبى والحمد لله

وان شاء الله هاطور فيه علشان يناسب باقى الاشياء عندى

لكن سؤال هل تنفيذ العمليات البسيطه دى بالوراكل محتاج دراسة طويلة ولا لو انزلت الوراكل اقدر اعمل الحاجات دى بسرعه الجداول والعلاقات البسيطه وتقرير او تقريرين هل سهل عملهم على الاوراكل

لان الاكسيس اخاف يكون بيهيس او بيخرف فى الداتا لان كل شوية الجهاز بيهنج عندى بسبب الاكسيس ويقولى ظهر خطا ومش عارف ايه وحاجات كده فاخاف على الداتا لاحسن تتلخبط علشان كده فكرت فى الاوراكل ولا ايه راى حضرتك

المثال نظرياو على الداتا القليله اظنه سيعمل بامتياز لكن تتوقعين على داتا كبيره مثلا 500 سجل وكل سجل يحتوى على 20 حقل وحقول اخرى فرعيه بجداول فرعيعه اظنه الاكسيس هيخرف مش كده

اشكرك مرة تانيه وجزاكى الله كل خير