السلام عليكم ورحمة الله وبركاته
كيف الحال ايها الاخوة
لي طلب عندكم لما رأيت فيكم من الاحترام والاحترافية
انا مبتدئ في البرمجة يعني اخدت بعض الكورسات في السي شارب في الويندوز ابليكشن بالاضافة الي سيكول قواعد البيانات + ado الحقيقة انا حسيت ان معايا الادوات اللي ممكن اعمل بيها البرامج لكن انا نفسي اتعلم حاجة صحيحة بمعني اني يكون معايا ادوات البرمجة اللي هيا اللغة + الاساس لكن نفسي اتعلم حاجة كويسة نفسي اتعلم علم مش شويه دورات واديك بقيت مبرمج انا عايز احترم قيمة الشيئ اللي بين ايدي يعني من الاخر محتاج اتعلم شوية حاجات اكاديمي انا قدمت في دبلومة علوم الكومبيوتر في الاكاديمية البحرية وعشان بعدي عن المجال ومكتبتش الدوارات اللي اخدتها في الطلب بتاعهم اترفضت وانا ناوي احاول تاني ان شاء الله
الطلب بتاعي من الاخوة المحترفين انا عايز واحد يساعدني في وضع منهج جيد مرتب يعني ابدأ بكذا وبعديه كذا يكون ناتج عن خبرته
يعني مثلا انا عندي مواد في مقدمة علوم الحاسب من جامعة ستانفورد وبما ان الانجليزي بتاعي كويس فا الحمد لله متابع معاهم كويس وعندي حاجت في الالجوريزمات وكمان في الذكاء الاصطناعي ايه الي المفروض ابدأ بيه وانتهي بيه وايه تاني عايزه علشان اكون واقف علي ارضيه صلبة علما باني لسه هكمل في بعض الدورات ذي الويب ابليكشن والفرايم ورك علشان يبقي معايا شهادة من مايكرو سوفت
انا عارف ان فيه ناس هتقول انك مش محتاج ده كله والسوق في مصر اخره كذا الخ الخ ردي ليهم انا بحب البرمجة مش علشان فلوس انا كنت شغال في وظيفة وباخد منها مرتب كويس جدا وكانت حكومية اخدت اجازة علشان اشتغل حاجة بحبها لو عايز اريح دماغي ارجع شغلي اللي بشتغل فيه ساعة او ساعة او اتنين في النهار وباقي الوقت مقضيها حواديت مع زمايلي
انا عايز رأي حضراتكم ضروري في الموضوع ده
انا طالب مساعدة في اسماء العلوم بس علشان محدش يفتكر اني هطلب مساعدة واديني واسئلة وكدا لو حد ساعدني في كده بس يبقي خدمني وزياده لو زود من عنده يبقي جميل ميتنسيش
وان شاء الله يبقي بداية منهج محترم بالمواد بتاعته يتحط في المنتدي وجزاكم الله خيرا