بسم الله الرحمن الرحيم
السلام عليكم ورحمة الله وبركاته
إخوانى فى الله أصدقائى اللذين لم أراهم ربنا يجعل ملتقانا جميعا فى الجنة مع الحبيب المصطفى
أتشرف إنى أكون جايبلكم أداة بكتشر بوكس قمت عليها بتعديل أسأل الله أن ينال إعجابكم جميعا
الأداة زودت عليها خاصية إسمها
MoveControl
والخاصية ديه هتلاقى فيها إختيارات عبارة عن الأدوات الموجودة حاليا على الفورم بتاعتك
ولما تختار منها أى أداة من ضمن الأدوات ديه
مثلا إختارت تكست بوكس
أول لما هتقف على الصورة هيظهر التكست بوكس ده
وديه بقى ممكن تستخدمها فى حاجات كتير هذكر منهم مثلا لو إنت عامل برنامج وعارض فيه شوية صور مجرد لما تقف على الصورة ديه ممكن يظهر ليها شرح تحتيها لأن التكست بوكس مثلا اللى إنت إختارته وهتكون كاتب فيه مثلا شرح للشيئ اللى فى الصورة هيظهر طبعا
أو مثلا لو إنت عامل صورة خلفية لكلمة فى label
وإنت بتستخدمه كزرار والصورة ديه إنت عامل فى نصها دايرة لونها أزرق داكن وإنت عندك نفس الصورة بس أزرق فاتح ممكن تختار الصورة أم أزرق فاتح من خاصية MoveControl
وبكده أول لما هتقف على label
اللى بتستخدمه كزرار أكيد الماوس هيعدى الأول على الصورة الخلفية ام أزرق داكن ولما هيعدى هتظهر الصورة أم أزرق فاتح اللى إنت عاملها فى بكتشر بوكس أخر وإختارت البكتشر بوكس ده من خاصية MoveControl
اللى فى أداة البكتشر بوكس بتاعة الصورة اللى فيها أزرق داكن
وبكده تعمل منظر جميل للزرار
ياريت تكونو فهمتوا قصدى
وأأمل أن تكون فى هذه الأداة إضافة لكم ولمشاريعكم
وبعدين على فكرة مش دول بس إستخداماتها ممكن تساعدك فى حاجات كتير المهم إنك تهيئ إستخدامها بأنها تظهرلك أى أداة
وشكرا ولا تنسونى بخالص الدعاء
الأداة مرفقة مع المشروع طبعا إنتوا عارفين بتضاف إزاى للمشروع
وأول لما تضيفوها هتلاقى موجودة وسط الأدوات بإسمNewPictureBox
وفقنا الله جميعا إلى ما فيه الخير والصلاح للدين والدنيا
