السلام عليكــم ورحمـة الله وبركاتــه ،،
اولا احب اشكر كل الاعضاء في المنتدى يا جماعة و بالذات اللي هما محترفين لان هما بجد ما بيبخلوش على اي حد بأي معلومة
ثانيا دلوقتي انا شغال في السعودية و نفسي اتعلم اي لغة من لغات البرمجة اقدر استفيد بيها في حياتي العمليه بعد كده
انا شغال مدخل بيانات و بجد انا نفسي اخرج من النطاق ده لان حابب اني ادخل في مجال البرمجه
انا عندي كتاب عن الاوراكل و كتاب عن الجافا و عن الفيجوال بيسك و عندي فكره كويسة عن الاكسيس
المطلوب بس ان الجماعة محترفي البرمجة هنا يفهموني ايه الصح اني ابدأ المذاكرة فيه اذا كنت عايز اشتغل في مجال اني اعمل برامج لمستوصفات او شركات صغيره
و يا ريت كمان تعرفوني الطريقة الصحيحه للبدايه
انا اسف اني طولت عليكم بس بجد مستني مساعدتكم
اخوكم في الغربة
<<<ISMAILAWY>>>