إستفسار عن حياتى ومستقبلى كمبرمج مبتدأ

السلام عليكــم ورحمـة الله وبركاتــه ،،

بالنسبة لسوق العمل فلابد من احتراف لغة البرمجة التى تعمل عليها والأهم من ذلك احتراف الـADO.NET لأن كل الوظائف المتاحة على حد علمى فى مصر أو 98% منها يعمل فى مجال قواعد البيانات وتطوير البرامج المحاسبية ولا تعتمد على الشهادة التى ستحصل عليها إن شاء الله لأنها لا تسمن ولا تغنى من جوع :D

بالتوفيق ,,

GHOST2010 كتب:

السلام عليكــم ورحمـة الله وبركاتــه ،،

بالنسبة لسوق العمل فلابد من احتراف لغة البرمجة التى تعمل عليها والأهم من ذلك احتراف الـADO.NET لأن كل الوظائف المتاحة على حد علمى فى مصر أو 98% منها يعمل فى مجال قواعد البيانات وتطوير البرامج المحاسبية ولا تعتمد على الشهادة التى ستحصل عليها إن شاء الله لأنها لا تسمن ولا تغنى من جوع :D

بالتوفيق ,,

يعنى أنا إمتى أحس إنى خلاص أبدأ أتقدم للوظائف وإمتى أعرف إنى خلاص بقيت محترف

وبعدين دائما كلما زدت علما زدت جهلا

لأنى دائما بحس إن فى معلومات أخرى لازم أمشى وراها وبحر من المعلومات مستحيل أخلصة كله إلا لما أشتغل ومع الحياة العملية هعرف وأكتسب الخبرات ومستحيل أكتسب خبرة بدون حياة عملية وإحتكاك بسوق العمل

ولا انا كلامى غلط ياريت الرد على كلامى والإفادة

بإختصار السوق المصرى عايز مبرمج يكون عارف C# و ASP.Net و طبعا تكون عارف SQL Server كويس جدا و زى ما قال ghost تكون متمكن من الـ ADO.Net. و تطون عارف شوية Javascript.

و لو انت عرفت كل اللى فات ده اكيد هتلاقى هتشتغل علشان ده هو اللى مطلوب فى السوق.

اه نسيت لازم تكون فاهم شويه فى الديزين :P لإنك هتكون مبرمج ويب و المقصود بالديزين هو تصميمك لصفحة الـ ASP.Net :thumbup: لإن فى مصر انت كمبرمج ويب لازم تصمم الصفحه اللى هتشتغل عليها و لا انت عايزهم يجبولك واحد ديزينر يعملك الصفحه :mad: طبعا مش هتحصل

يعنى الفيجوال بيسيك دوت نت اللى أنا بقالى سنتين بدرس فيه ملوش لازمة

هروح أخد كورسات تانية غيرة خالص من الأول تانى يانهار أبيض

يعنى كل ده كان على الفاضى ؟؟؟؟

Hossam8749 كتب:

يعنى الفيجوال بيسيك دوت نت اللى أنا بقالى سنتين بدرس فيه ملوش لازمة

هروح أخد كورسات تانية غيرة خالص من الأول تانى يانهار أبيض

يعنى كل ده كان على الفاضى ؟؟؟؟

لا ياعم مين قال كده ,, أنا شغال فيبى :D

هو يمكن سوق السى شارب أكبر شوية :wink:

لكن زى ماقال أبو علاء ,, C# + ASP.NET أو VB + ASP.NET تبقى زى الفل :D

السلام عليكم

انت بتقول انك فى المستوى الحادى عشر وده ممتاز مع العلم انى اجهل يعنى المستوى ال 11 ده يعنى ختوا ايه فى العشره اللى فاتت

فأكيد انك عندك خبرة كويسة وتقدر لو المنطق البرمجى بتاعك صح تدخل على السى شارب لو انت عايز هاتتعب اول شهر بس بعد كده خلاص

ونصيحه اخوية بجد ركز فى حاجة واحده واحترف فيها مع تعلم باقى التقنيات المساعدة لأنها لا تمثل لغه برمجة فى حد ذاتها وانما تقنيات هاترفع مستواك جدا وتخليك توصل للأحتراف وتلعب فى مانشستر بعد ما المصريين خرجوا من الكاس بحله :)

ارفع رأسك بس مش اوى انت مصرى

تحيا مصر يا حسام

اقتباس

ارفع رأسك بس مش اوى انت مصرى

تحيا مصر يا حسام

:lol: :lol:

السلام عليكم ورحمة الله وبركاته

شكرا يا محمد علاء وشكرا يا جوست

وشكرا يا أوبجت أورينتد

شكرا لكم جميعا لإهتمامكم وجعل ذلك فى ميزان حسناتكم

انا عايز أعرف أبتدى تدريب بعد لما أخلص كورسات ولا وأنا فى الكورسات

وإزاى ألائى شركة أدرب فيها

بس انا كده عرفت ايه الحاجات اللى هركز عليها الفترة اللى جاية

عايز أعرف بقى أعمل ايه تانى من أول إنهاردة لحد ما أوصل للعمل الفعلى فى شركة برمجة

حد يرسملى خط كده أمشى عليه

وينورلى طريقى كده

بســم الله الـرحمــن الرحيــم

وعليكــم السـلام ورحمة الله وبركاتـه..

اخى فى الله حسام لو تعرف حد يشغلك بره مصر ده احسن او اشتغل فى مجال ديزان الويب سايت كما ذكر اوننا من قبل بس كده هتحتاج بعض قرصات اخرى هتلزمك فى المجال ده مثل

الدريم ويفر. الفوتو شوب .اكشن اسكربت .فلاش فلاش. ام اكس

ولغات اخرى مثل بى اتش بى جافا . اتش تى ام ال و اكس اتش تى ام ال الخ

بس صدقنى الموضوع مش محتاج قرصات النت مليان ب الى انت عاوزه

ووفقك الله

لازمك عزيمة قوية لأنو مجال البرمجة أسوأ مجال (في الوطن العربي) بسبب أنك تحتاج إلى تعلم أشياء كثيرة ودون إنقطاع يعني حتفضل طول عمرك تتعلم التطورات الجديدة والتقنيات .. دور عمل في مجال المحاسبة أحسللك