احد يساعدني ياخبراء لغه السي

وعليكــم السـلام ورحمة الله وبركاتـه..

نعم اختي...

بتحاولي تتآليفي مع هاللغة من الآن و معك شهر متواصل طبعاً بيكون معك مباديء و اساسيات كويسة مشان تستعدي للكورس الجي

يعني شهر او اسابيع مبادرة ممتازة...

عموماً لا تهتمي الآن بالبرنامج الأكاديمي و لكن مبادرة ممتازة تدرسيها من الآن...

حسناً:

شو دخل لغة #C و لش خايفة من لغة ++C حتى تعملي تمهيد لدراستها بلغة #C؟

لألأ...لا تضيعي وقتك مع #C هلأ...

و لا حتى لغة تانية...

ابدأي بلغة ++C من الآن مباشرة.

حسناً كيف نطبق الدروس؟

• بتكتبي البرنامج بطريقة يدوية و بلغة ++C. و كأنك عم تكتبي بلغة HTML يعني متل كتابة HTML ولكن نصوص تانية بلغة ++C
  
• و بعدين بتحفظي الملف بإمتداد cpp. متل ما بتحفظي ملف HTML بامتداد htm.
  
• و بعدين بواسطة ادوات لغة ++C متل الـ compiler بتحولي هالبرنامج و هالملف إلى برنامج تنفيذي له الإمتداد .exe و بيصير معنا برنامج. و بتشغلي البرنامج وبتشوفي نتائج البرنامج.
  
  

مش اكتر من هيك ابداً...

بتحاولي تقرأي هالمشاركة...و بتتعرفي عن ادوات لغات البرمجة بصفة عامة و عن دوات لغة ++C بصفة خاصة.

واقرأي المشاركات اللي بعدها ايضاً

و هناك برنامج متاكمل يحتوي علي كل الأدوات و بواسطة ضغط زرارات بسيطة لعملية بناء البرنامج و ايضاً محرر نصوص لكتابة البرنامج

Dev ++C

مجاني طبعاً...انسخي الإسم و اعملي بحث بـ google و حملي البرنامج و ثبتيه بجهازك و طبقي الدروس بشكل عادي

و انا رايحة كون متابعة الموضوع هون و اسألي عن اي شيء بتريديه...

آسفة للأطالة

موفقة يارب

bye

سؤال مهم جدا بالنسبة لي

ازاي استطيع التعامل مع الداتا بيس سيكوال مثلا من خلال السي وازاي اعمل الاستعلامات المختلفة

رماد إنسانه كتب:

جزاك الله خير اختي عالرد المفصل

بس عندي سؤال يعني متى استخدم لغه السي ومتى استخدم لغه السي بلس بلس

يعني شو الفرق بينهم؟

وبين كل لغات البرمجه زي الجافا والباقين؟

السلام عليكم...

آسفة اختي, اجلي هالسؤال شوي و اقرأي مشاركتي بموضوعك التاني و ارجعي هون...

و رايحة جاوبك على هالسؤال ايضاً ولكن اجليه شوي...

موفقة يارب

رماد إنسانه كتب:

اختي الحمد لله تم التثبيت بنجاح

بأنتظارك ،،،، :wub:

بســم الله الـرحمــن الرحيــم

حسناً اختي:

البرنامج الآن مفتوح امامنا...خطوات بسيطة فقط...

أوكي سنقوم بكتابة برنامج بلغة ++C لطباعة رسالة ترحيبية على الشاشة و هي "Hello World...".

• نضغط على زرار File->New->Porject. متل الصورة التالية بالزبط. مشان نعمل مشروع Project.
  

• سنشاهد نافذة حُوار تسألنا عن نوعية هذا المشروع... بتختاري مشروع فارغ Empty Project. و بتلاحظي مربع إسم للمشروع بتكتبي اسم للمشروع. اكتبي HelloWorld. طبعاً الإسم اختياري مش اكتر. و بتلاحظي بأن الخيار بزرار الراديو عـ اليمين بأن المشروع هو خاص بلغة ++C. تأملي الصورة التالية جيداً.
  

• بمجرد ما نضغط على زرار Ok من النافذة السابقة للمشروع ستُفتح نافذة حفظ المشروع و هي نافذة حفظ الملفات المعتادة لنا. بتختاري مجلد اجديد باسم MyProjects. و ايضاً هالإسم اختياري و بتحفظي المشروع داخل هالمجلد باسم HelloWorld ايضاً و اختياري.
  
• بمجرد ما نتهي من عملية الحفظ سنشاهد أن Dev-C++ انطانا مشروع جديد باسم HelloWorld بالقائمة على اليسار.
  

• حسناً بزرار الماوس الأيمن بنضغط على المشروع HelloWorld و نختار New File من القائمة. متل الصورة التالية بالزبط.
  

• حسناً بمجرد الضغط على New File سنشاهد أنه انطانا ملف جديد و فتح نافذة على اليمين لكتابة شيء ما. يا ترى شو؟ هنا نكتب نصوص البرنامج بلغة ++C. متل الصورة التالية
  

• الآن اكتبي البرنامج التالي يدوياً بالصفحة البيضاء الموجودة بالصورة فوق و لا تحاولي تعملي نسخ...مشان تبدأي من الآن و تكوني معتادة على الكتابة بلغة ++C.
  

• لا تهتمي الآن للشيفرة و شو فيها و ما فيها...كل هالأشياء رايحة تدرسيها لاحقاً او بواسطة كتاب او لنشوف بعدين...و لكن الشيفرة السابقة هي بلغة ++C القياسية التي ستدرسيها إن شاء الله لاحقاً.
  

• حسناً الآن بنعمل حفظ من قائمة File و بنحفظ الملف باسم main و هالإسم اختياري طبعاً و لكن بإمتداد إجباري و هو cpp.
  

• الآن بعد كتابة البرنامج و حفظ الملف بالمشروع سنقوم بإنشاء و بناء البرنامج بواسطة الـ compiler لمعالجة البرنامج نحوياً لو كان هناك اخطاء و من ثم تحويل هالملف و هالبرنامج النصي إلى ملف تنفيذي Executable File و ليصبح لدينا برنامج فعلي و تنفيذي يفهمه الكمبيوتر و له الإمتداد EXE. و هذا بمجرد ضغطة وحدة بس عـ زرار الموجود بقائمة Excute->complie.
  

• حسناً بمجرد الضغط على زرار comipler سيقوم بمعالجة البرنامج النصي و سنشاهد نافدة زغيرة مفتوحة أمامنا و ننتظر قليلاً لإجراء عملية بناء البرنامج. و إذا لم يكن هناك اخطاء نحوية أو نصية بالبرنامج سنشاهد أن هذه النافدة ليس فيها إشارة بالأخطاء. شاهدي الصورة التالية
  

• لاحظي من الصورة السابقة أن الأخطاء صفر و التحذير صفر...يعني برنامجنا عال و ممتاز. اضغطي close.
  

• الآن فاضل علينا نشوف نتائج البرنامج و نشوف طباعة جملة "Hello World..." بالشاشة السوداء. و هذا يتم بواسطة الأمر Excute->run. بالزبط متل الشاشة التالية
  

ملاحظة زغيرة:

السطر رقم تلاتعش 13 من الشيفرة السابقة ليست من لغة ++C و ليست ضرورية في معظم الأحيان و لكن مشان البرنامج Dev-C++ الذي قمنا بكتابة هالبرنامج بواسطته بيطلب مننا هالسطر من شان نشاهد النافذة السوداء للنتائج بدون ما تُغلق فجاءة و بسرعة.

شايفة اشلون الموضوع بسيط؟

:happy:

يلا اعملي حدف للجملة الترحيبية بين علامتي التنصيص من الشيفرة السابقة و اكتبي أي جملة تانية و اعملي compile و run من أول وجديد...

بسيطة!!

موفقة يارب

bye

اختي الكريمة شكرا جزيلا لك ولكن بعد تنزيل هذا compiler قمت بتنفيذ بعض البرامج عليه ويقول لي كل مرة في البداية رسالة خطأ وعند الدخول للبرنامج وكتابة البرنامج مع التأكد من أن البرنامج صحيح يقول لي هذه الرسالة : The system cannot find the file specified

لا اعلم ماذا افعل لجعله ينفذ بشكل صحيح مع اني بحثت عن directory في البرنامج لتغيير الامتداد ولم اجده ، فأرجوا المساعده ولك جزيل الشكر والامتنان

memento كتب:

اختي الكريمة شكرا جزيلا لك ولكن بعد تنزيل هذا compiler قمت بتنفيذ بعض البرامج عليه ويقول لي كل مرة في البداية رسالة خطأ وعند الدخول للبرنامج وكتابة البرنامج مع التأكد من أن البرنامج صحيح يقول لي هذه الرسالة : The system cannot find the file specified

لا اعلم ماذا افعل لجعله ينفذ بشكل صحيح مع اني بحثت عن directory في البرنامج لتغيير الامتداد ولم اجده ، فأرجوا المساعده ولك جزيل الشكر والامتنان

السلام عليكم...

عفواً بارك الله بك...

انا لا استعمل برنامج Dev-c++ و كان يعمل مشاكل معي ايضاً. و لكن اخترت هالبرنامج لتتعرف الإخت رماد انسانة على كيفية كتابة البرنامج و بنائه بواسطة اي IDE خاص بلغة ++C. وكيفية كتابة البرامج بهاللغة.

بتقدروا تحصلوا على IDE تاني متل Visual ++C express 2008 مجاناً و تكتبوا برامج بشكل عادي بلغة ++C القياسية التقليدية بواسطته. و هو افضل بلا شك.

موفقين يارب

bye

رماد إنسانه كتب:

جزاك الله خير اختي عالرد المفصل

بس عندي سؤال يعني متى استخدم لغه السي ومتى استخدم لغه السي بلس بلس

يعني شو الفرق بينهم؟

وبين كل لغات البرمجه زي الجافا والباقين؟